ជាតិ
លោក កុល សែម ម្ចាស់បទ «ស្រីខ្មៅមាសបង» ធ្លាក់ខ្លួនឈឺធ្ងន់ធ្ងរក្នុងវ័យ៧២ឆ្នាំ
×![]()
ដោយ: រួបរួម
«មាន់រងាវឮសូរខ្វើយៗ ឱ!ខ្មៅបងអើយដណ្តាំបាយឲ្យប្តី...»! នេះជាទំនុកច្រៀងក្នុងបទ «ស្រីខ្មៅមាសបង» ដែលគេនិយមហៅតៗគ្នាថាបទ «មាន់រងាវ»។ បច្ចុប្បន្ន លោក កុល សែម ម្ចាស់សំនៀងដើមដែលបានឆ្លើយឆ្លងជាមួយអ្នកស្រី រស់ សេរីសុទ្ធា កំពុងសម្រាកព្យាបាលនៅមន្ទីរពេទ្យដោយសារការញាំញីដោយសារជំងឺក្នុងវ័យ៧២ឆ្នាំ។
ចាប់តាំងពីចុងខែកក្កដា មក លោក កុល សែម អ្នកចម្រៀងដ៏ល្បីល្បាញកាលពីមុនសង្គ្រាម ត្រូវសម្រាកព្យាបាលជំងឺនៅមន្ទីរពេទ្យព្រះកុសុមៈ (ពេទ្យលោកសង្ឃ) ដោយសារជំងឺលើសឈាម និងវ័យចាស់ជរាដែលឈានដល់៧២ឆ្នាំ។ នេះបើតាមការបញ្ជាក់របស់លោក សេង តារា អ្នកស្រាវជ្រាវស្នាដៃសិល្បៈខ្មែរ ដែលបានទៅសួរសុខទុក្ខដោយផ្ទាល់នៅមន្ទីរពេទ្យ កាលពីថ្ងៃទី៣ ខែសីហា ឆ្នាំ២០១៦ ។
លោក កុល សែម ដែលមានដើមកំណើតនៅរាជធានីភ្នំពេញ បានសាងភាពលេចធ្លោរកាលពីអំឡុងឆ្នាំ១៩៦០ ជាមួយនឹងបទ «ស្រីខ្មៅមាសបង» «តាវ៉ៅយំឆ្លង» ដែលលោកបកស្រាយជាមួយអ្នកស្រី រស់ សេរីសុទ្ធា រួមទាំងបទ «សត្វចាបយំចេប» ជាដើម។ បើតាមសៀវភៅ «នគរស្រោបមាស» ភាគ៧ របស់លោក សេង តារា បទចម្រៀងជាច្រើនរបស់លោក កុល សែម ត្រូវបានបំផ្លាញ និងបាត់បង់នៅសម័យខ្មែរក្រហម។
ប្រឡូកក្នុងវិស័យតន្ត្រីចាប់តាំងពីចុងឆ្នាំ១៩៥០មក លោក កុល សែម ជាមិត្តរួមជំនាន់របស់សិល្បករ តន្ត្រីករ និងអ្នកចម្រៀងជាច្រើន ដូចជាអ្នកស្រី ម៉ៅ សារ៉េត លោក សូ ផូត្រា ព្រះអង្គម្ចាស់ ស៊ីសុវត្ថិ កូឡាឆាត និងជាពិសេសតន្ត្រីករ អ៊ុំ ដរ៉ា ដែលបានជួយជ្រោមជ្រែងឲ្យលោកមានការងារធ្វើក្រោយរបបខ្មែរក្រហម។
ស្ថិតនៅក្នុងវ័យចាស់ជរា និងរួមរឹតទៅដោយជំងឺធ្ងន់ធ្ងរ លោក កុល សែម ដែលមានជីវភាពគ្រួសារមិនសូវធូរធានោះ ប្រឈមមុខនឹងបញ្ហាជាច្រើន។ ជាមួយគ្នានេះ លោក សេង តារា ដែលបានចងក្រងប្រវត្តិលោក កុល សែម និងអតីតអ្នកចម្រៀងផ្សេងទៀតកាលពីសម័យដើមនោះ បានអំពាវនាវសប្បុរសជនឲ្យចូលរួមបរិច្ចាគដើម្បីជួយដល់សិល្បករជើងចាស់។
លោក សេង តារា បានសរសេរនៅលើហ្វេសប៊ុករបស់ខ្លួនថា៖ «...សូមសប្បុរសជនមេត្តាជួយបរិច្ចាកក្តីសប្បុរសធម៌ដល់អ្នកចម្រៀងជើងចាស់រូបនេះផង ។ មានតែយើងអ្នកស្រឡាញ់សិល្បៈនិងជាជនសមញ្ញទេដែលអាចជួយរៀមច្បងបាន គឺមិនអាចរំពឹងផ្កាយលើមេឃបានឡើយ ។ ជួយសង្គ្រោះពួកគាត់ផង»។
ការលើកឡើងរបស់របស់ លោក សេង តារា អ្នកស្រាវជ្រាវសិល្បៈ បន្ទាប់ពីលោកបានមើលឃើញការចាកចេញជាបន្តបន្ទាប់របស់សិល្បករខ្មែរ ក្នុងនោះ មានតារាភាពយន្ត អ្នកស្រី ភួង ផល្លី និងលោក ហង្ស ផល្លី មធុរា (តួសេ្តចអាប៉ោង) ដែលទើបតែទទួលមរណភាពក្នុងវ័យ៥២ឆ្នាំ។
សម្រាប់សប្បុរសជនដែលចង់ជួយរំលែកការចំណាយរបស់គ្រួសារលោក កុល សែម សូមទាក់ទងទៅកាន់លេខទូរសព្ទលោក សេង តារា ០១២ ៣០៦ ៨៥៣ ៕
ចាប់តាំងពីចុងខែកក្កដា មក លោក កុល សែម អ្នកចម្រៀងដ៏ល្បីល្បាញកាលពីមុនសង្គ្រាម ត្រូវសម្រាកព្យាបាលជំងឺនៅមន្ទីរពេទ្យព្រះកុសុមៈ (ពេទ្យលោកសង្ឃ) ដោយសារជំងឺលើសឈាម និងវ័យចាស់ជរាដែលឈានដល់៧២ឆ្នាំ។ នេះបើតាមការបញ្ជាក់របស់លោក សេង តារា អ្នកស្រាវជ្រាវស្នាដៃសិល្បៈខ្មែរ ដែលបានទៅសួរសុខទុក្ខដោយផ្ទាល់នៅមន្ទីរពេទ្យ កាលពីថ្ងៃទី៣ ខែសីហា ឆ្នាំ២០១៦ ។
លោក កុល សែម ដែលមានដើមកំណើតនៅរាជធានីភ្នំពេញ បានសាងភាពលេចធ្លោរកាលពីអំឡុងឆ្នាំ១៩៦០ ជាមួយនឹងបទ «ស្រីខ្មៅមាសបង» «តាវ៉ៅយំឆ្លង» ដែលលោកបកស្រាយជាមួយអ្នកស្រី រស់ សេរីសុទ្ធា រួមទាំងបទ «សត្វចាបយំចេប» ជាដើម។ បើតាមសៀវភៅ «នគរស្រោបមាស» ភាគ៧ របស់លោក សេង តារា បទចម្រៀងជាច្រើនរបស់លោក កុល សែម ត្រូវបានបំផ្លាញ និងបាត់បង់នៅសម័យខ្មែរក្រហម។
ប្រឡូកក្នុងវិស័យតន្ត្រីចាប់តាំងពីចុងឆ្នាំ១៩៥០មក លោក កុល សែម ជាមិត្តរួមជំនាន់របស់សិល្បករ តន្ត្រីករ និងអ្នកចម្រៀងជាច្រើន ដូចជាអ្នកស្រី ម៉ៅ សារ៉េត លោក សូ ផូត្រា ព្រះអង្គម្ចាស់ ស៊ីសុវត្ថិ កូឡាឆាត និងជាពិសេសតន្ត្រីករ អ៊ុំ ដរ៉ា ដែលបានជួយជ្រោមជ្រែងឲ្យលោកមានការងារធ្វើក្រោយរបបខ្មែរក្រហម។
ស្ថិតនៅក្នុងវ័យចាស់ជរា និងរួមរឹតទៅដោយជំងឺធ្ងន់ធ្ងរ លោក កុល សែម ដែលមានជីវភាពគ្រួសារមិនសូវធូរធានោះ ប្រឈមមុខនឹងបញ្ហាជាច្រើន។ ជាមួយគ្នានេះ លោក សេង តារា ដែលបានចងក្រងប្រវត្តិលោក កុល សែម និងអតីតអ្នកចម្រៀងផ្សេងទៀតកាលពីសម័យដើមនោះ បានអំពាវនាវសប្បុរសជនឲ្យចូលរួមបរិច្ចាគដើម្បីជួយដល់សិល្បករជើងចាស់។
លោក សេង តារា បានសរសេរនៅលើហ្វេសប៊ុករបស់ខ្លួនថា៖ «...សូមសប្បុរសជនមេត្តាជួយបរិច្ចាកក្តីសប្បុរសធម៌ដល់អ្នកចម្រៀងជើងចាស់រូបនេះផង ។ មានតែយើងអ្នកស្រឡាញ់សិល្បៈនិងជាជនសមញ្ញទេដែលអាចជួយរៀមច្បងបាន គឺមិនអាចរំពឹងផ្កាយលើមេឃបានឡើយ ។ ជួយសង្គ្រោះពួកគាត់ផង»។
ការលើកឡើងរបស់របស់ លោក សេង តារា អ្នកស្រាវជ្រាវសិល្បៈ បន្ទាប់ពីលោកបានមើលឃើញការចាកចេញជាបន្តបន្ទាប់របស់សិល្បករខ្មែរ ក្នុងនោះ មានតារាភាពយន្ត អ្នកស្រី ភួង ផល្លី និងលោក ហង្ស ផល្លី មធុរា (តួសេ្តចអាប៉ោង) ដែលទើបតែទទួលមរណភាពក្នុងវ័យ៥២ឆ្នាំ។
សម្រាប់សប្បុរសជនដែលចង់ជួយរំលែកការចំណាយរបស់គ្រួសារលោក កុល សែម សូមទាក់ទងទៅកាន់លេខទូរសព្ទលោក សេង តារា ០១២ ៣០៦ ៨៥៣ ៕
© រក្សាសិទ្ធិដោយ thmeythmey.com
