ជាតិ
សុវត្តិភាព ចរាចរណ៍
អ្នកសារព័ត៌មានថ្មីៗ បានលេខ២ផ្នែកអត្ថបទជំរុញឲ្យមានការពាក់មួកសុវត្ថិភាព
×![]()
ដោយ: ថ្មីៗ
អ្នកយកព័ត៌មានរបស់សារព័ត៌មានថ្មីៗ កញ្ញា ខន ចំប៉ា បានទទួលជ័យលាភីលេខ ២ ផ្នែកអត្ថបទ ពីកម្មវិធីអ្នកសារព័ត៌មានឆ្នើម ក្នុងការជំរុញការពាក់មួកសុវត្ថិភាព។ កម្មវិធីនេះ រៀបចំឡើងដោយអង្គការមូលនិធិបង្ការរបួសអាស៊ី(AIP) សហការជាមួយក្រសួងព័ត៌មាន គណៈកម្មការសុវត្ថិភាពចរាចរណ៍ផ្លូវគោក អគ្គស្នងការនគរបាលជាតិ និងក្លិបអ្នកកាសែតកម្ពុជា។
កញ្ញា ខន ចំប៉ា អ្នកយកព័ត៌មានរបស់សារព័ត៌មានថ្មីៗ បានទទួលជ័យលាភីលេខ ២ ផ្នែកអត្ថបទ ពីកម្មវិធីប្រកួតប្រជែងអ្នកសារព័ត៌មានឆ្នើម ក្នុងការជំរុញការពាក់មួកសុវត្ថិភាព។ ការប្រកាសលទ្ធផលនេះ បានធ្វើឡើងនៅព្រឹកថ្ងៃព្រហស្បតិ៍ ទី១៨ ខែសីហានេះ នៅភោជនីយដ្ឋានទន្លេបាសាក់២ ។ អត្ថបទ ដែលទទួលបានចំណាត់ថ្នាក់លេខ២នេះ មានចំណងជើងថា «បើគ្មានមួកសុវត្ថិភាព កូនស្រីខ្ញុំរបួសក្បាលធ្ងន់ធ្ងរ» ។
សូមបញ្ជាក់ថា កម្មវិធីប្រកួតប្រជែងអ្នកសារព័ត៌មានឆ្នើម ក្នុងការជំរុញការពាក់មួកសុវត្ថិភាព មានបេក្ខជនចំនួន២០នាក់ចូលរួមប្រកួតប្រជែង ក្នុងនោះផ្នែកសំណេរអត្ថបទមាន ៨នាក់ សំឡេង(វិទ្យុ)៦នាក់ និងរូបភាព(ទូរទស្សន៍)ចំនួន៦នាក់។
លក្ខខណ្ឌរបស់កម្មវិធី គឺជ្រើសរសើយកជ័យលាភីផ្នែកសំណេរមានចំនួន៣នាក់ សំឡេង២នាក់ និងរូបភាពចំនួន២នាក់។ សម្រាប់ផែ្នកសំណេរ លេខ១ បានទៅលើកញ្ញា សោភ័ណ លក្ខណា មកពីគេហទំព័រចក្រវាឡ លេខ២បានលើ កញ្ញា ខន ចំប៉ា នៃសារព័ត៌មានថ្មីៗ និងលេខ៣ បានលើលោក វ៉ាង ភក្តី នៃគេហទំព័រខ្មែរដេលី។
ចំពោះផ្នែកសំឡេង លេខ១ បានទៅកញ្ញា ឆាយ សុភៈនារី មកពីវិទ្យុបាយ័ន លេខ២ គឺកញ្ញា អេង គីមហុង នៃវិទ្យុបារាំងអន្តរជាតិ (RFI) រីឯផ្នែកទូរទស្សន៍ អ្នកស្រី អ៊ុក សាវរី នៃទូរទស្សន៍អាស៊ីអាគ្នេយ៍ បានលេខ១ និងលោក នៅ វៃ មកពីទូរទស្សន៍ TV3 បានចំណាត់ថ្នាក់លេខ២ ។
បេក្ខជនជ័យលាភីទាំង៧នាក់ នឹងទទួលប្រាក់រង្វាន់ វិញ្ញាបនបត្រ រួមនឹងដំណើរទស្សនកិច្ចទៅកាន់ប្រទេសវៀតណាម នៅចុងខែសីហានេះ៕
កញ្ញា ខន ចំប៉ា អ្នកយកព័ត៌មានរបស់សារព័ត៌មានថ្មីៗ បានទទួលជ័យលាភីលេខ ២ ផ្នែកអត្ថបទ ពីកម្មវិធីប្រកួតប្រជែងអ្នកសារព័ត៌មានឆ្នើម ក្នុងការជំរុញការពាក់មួកសុវត្ថិភាព។ ការប្រកាសលទ្ធផលនេះ បានធ្វើឡើងនៅព្រឹកថ្ងៃព្រហស្បតិ៍ ទី១៨ ខែសីហានេះ នៅភោជនីយដ្ឋានទន្លេបាសាក់២ ។ អត្ថបទ ដែលទទួលបានចំណាត់ថ្នាក់លេខ២នេះ មានចំណងជើងថា «បើគ្មានមួកសុវត្ថិភាព កូនស្រីខ្ញុំរបួសក្បាលធ្ងន់ធ្ងរ» ។
សូមបញ្ជាក់ថា កម្មវិធីប្រកួតប្រជែងអ្នកសារព័ត៌មានឆ្នើម ក្នុងការជំរុញការពាក់មួកសុវត្ថិភាព មានបេក្ខជនចំនួន២០នាក់ចូលរួមប្រកួតប្រជែង ក្នុងនោះផ្នែកសំណេរអត្ថបទមាន ៨នាក់ សំឡេង(វិទ្យុ)៦នាក់ និងរូបភាព(ទូរទស្សន៍)ចំនួន៦នាក់។
លក្ខខណ្ឌរបស់កម្មវិធី គឺជ្រើសរសើយកជ័យលាភីផ្នែកសំណេរមានចំនួន៣នាក់ សំឡេង២នាក់ និងរូបភាពចំនួន២នាក់។ សម្រាប់ផែ្នកសំណេរ លេខ១ បានទៅលើកញ្ញា សោភ័ណ លក្ខណា មកពីគេហទំព័រចក្រវាឡ លេខ២បានលើ កញ្ញា ខន ចំប៉ា នៃសារព័ត៌មានថ្មីៗ និងលេខ៣ បានលើលោក វ៉ាង ភក្តី នៃគេហទំព័រខ្មែរដេលី។
ចំពោះផ្នែកសំឡេង លេខ១ បានទៅកញ្ញា ឆាយ សុភៈនារី មកពីវិទ្យុបាយ័ន លេខ២ គឺកញ្ញា អេង គីមហុង នៃវិទ្យុបារាំងអន្តរជាតិ (RFI) រីឯផ្នែកទូរទស្សន៍ អ្នកស្រី អ៊ុក សាវរី នៃទូរទស្សន៍អាស៊ីអាគ្នេយ៍ បានលេខ១ និងលោក នៅ វៃ មកពីទូរទស្សន៍ TV3 បានចំណាត់ថ្នាក់លេខ២ ។
បេក្ខជនជ័យលាភីទាំង៧នាក់ នឹងទទួលប្រាក់រង្វាន់ វិញ្ញាបនបត្រ រួមនឹងដំណើរទស្សនកិច្ចទៅកាន់ប្រទេសវៀតណាម នៅចុងខែសីហានេះ៕
Tag:
AIP សារព័ត៌មាន
ចរាចរណ៍
© រក្សាសិទ្ធិដោយ thmeythmey.com
