កម្ពុជាត្រៀមចូលសមាជិកសន្ធិសញ្ញា PCT ដើម្បីផ្ដល់ទំនុកចិត្តដល់វិនិយោគិន

ជាតិ

សេដ្ឋកិច្ច

កម្ពុជាត្រៀមចូលសមាជិកសន្ធិសញ្ញា PCT ដើម្បីផ្ដល់ទំនុកចិត្តដល់វិនិយោគិន

24, Aug 2016 , 4:15 pm

រូបភាព

ដោយ:

ភ្នំពេញ៖ តាមរយៈសន្ធិសញ្ញាសហប្រតិបត្តិការប្រកាសនីយបត្រតក្កកម្ម (PCT) ម្ចាស់តក្កកម្ម អាចទទួលការកាពារកម្មសិទ្ធិបញ្ញាលើស្នាដៃរបស់ខ្លួនជាអន្តរជាតិ។ PCT ត្រូវបានបង្កើតឡើងក្នុងឆ្នាំ ១៩៧០ ហើយមកទល់នឹងពេលនេះ មានរដ្ឋជាសមាជិកប្រមាណ ១៥០ ។ លោក ចម ប្រសិទ្ធ រដ្ឋមន្ត្រីក្រសួងឧស្សាហកម្ម និងសិប្បកម្ម ថ្លែងថា កម្ពុជាកំពុងត្រៀមសំណើរសុំចូលជាសមាជិក PCT ឲ្យបានឆាប់ ដើម្បីផ្ដល់ទំនុកចិត្តដល់វិនិយោគគិន ឲ្យមកបណ្ដាក់ទុនរកស៊ីនៅកម្ពុជា ជាមួយនឹងការនាំមកនូវបច្ចេកវិទ្យាថ្មីៗ។

«បើយើងអត់ទទួលស្គាល់ប្រកាសនីយបត្រតក្កកម្មរបស់គេនោះទេ គេអត់ហ៊ានមកវិនិយោគទេ។ បើមកកម្ពុជា គេខ្លាចនណារម្នាក់ចម្លងរបស់(លួចកម្មសិទ្ធិបញ្ញា)គេបាត់»។ នេះជាការលើកឡើងរបស់លោក ចម ប្រសិទ្ធ ក្នុងពិធីប្រគល់វិញ្ញាបនបត្រប្រកាសនីយបត្រតក្កកម្ម កាលពីថ្ងៃទី ១៨ខែសីហា។ រដ្ឋមន្ត្រីក្រសួងឧស្សាហកម្ម និងសិប្បកម្មរូបនេះ បញ្ជាក់ថា សំណើរសុំចូលសមាជិក PCT បានដាក់ជូនប្រមុខរដ្ឋាភិបាលកម្ពុជា សម្ដេច ហ៊ុន សែន ដើម្បីសុំការអនុញ្ញាតរួចរាល់ហើយ។

ដើម្បីជ្រាបព័ត៌មានច្បាស់ សូមស្ដាប់ប្រសាសន៍លោក ចម ប្រសិទ្ធ ដូចតទៅ៖

សូមបញ្ជាក់ថា ប្រកាសនីយបត្រតក្កកម្ម (Patent) គឺជាការទទួលចុះបញ្ជីកម្មសិទ្ធិបញ្ញាលើស្នាដៃ ដែលរកឃើញនូវវិធីសាស្ត្រថ្មី ឬបច្ចេកវិទ្យាថ្មីណាមួយ។ ច្បាប់កម្ពុជាបានផ្ដល់រយៈពេលការពារកម្មសិទ្ធិបញ្ញាលើស្នាដៃប្រភេទនេះត្រឹមរយៈពេល២០ឆ្នាំ៕