ជើងឯកកីឡាហ្វូតសាល ន័រតុន និងក្រុមកីឡាឆៀរលីដឌីងនៃកម្ពុជា

អត្ថបទពាណិជ្ជកម្ម

ជើងឯកកីឡាហ្វូតសាល ន័រតុន និងក្រុមកីឡាឆៀរលីដឌីងនៃកម្ពុជា

29, Aug 2016 , 11:32 am

រូបភាព

ដោយ: ថ្មីៗ

កាលពីព្រឹកថ្ងៃសៅរ៍ទី ២៧ ខែសីហា ឆ្នាំ២០១៦ ជាថ្ងៃប្រកួតផ្តាច់ព្រ័ត្រ សម្រាប់ការប្រកួតបាល់ទាត់ហ្វូតសាលរបស់និស្សិតសាកលវិទ្យាល័យន័រតុន ហើយវាក៏បានក្លាយជាការជាការប្រកួតប្រចាំឆ្នាំរបស់សាកលវិទ្យាល័យន័រតុនផងដែរ។ឆ្នាំនេះគឺជាឆ្នាំទី ៤សម្រាប់ការប្រកួតហើយក៏មិនខុសពីឆ្នាំមុនៗ ការប្រកួតត្រូវបានរៀបចំចាប់ឆ្នោតជាពូល មានការទាត់ជម្រុះ និងទាត់ខ្វែងតាមរូបមន្តដែលបានកំណត់ដោយមានការប្រឹក្សាយោបល់ពីសំណាក់អាជ្ញារកណ្តាលអាជីព និងកីឡាករជម្រើសជាតិនៃកម្ពុជា។

នៅក្នុងថ្ងៃប្រកួតនេះដែលក៏មានការចូលរួមជាកិត្តិយស ពីកីឡាករ គួច សុកុម្ភៈ ដែលនិមិត្តរូបនៃស្នេហាវិស័យបាល់ទាត់និងមានការបង្ហាញនូវប្រភេទកីឡាថ្មីមួយទៀតគឺ កីឡាឆៀរលីដឌីង ដែលជាកីឡាបែបកាយសម្ព័ន្ធពីសកលវិទ្យាល័យន័រតុន។

គួរបញ្ជាក់ផងដែរថា កីឡាករឆៀរលីដឌីងន័រតុន ដែលតំណាងឲ្យកម្ពុជានេះ ទើបត្រលប់មកពីទទួលការហ្វឹកហាត់បន្ថែមពីប្រទេសជប៉ុនក្នុងពេលថ្មីៗនេះ។ សាកលវិទ្យាល័យន័រតុន មានកិត្តិយសដែលត្រូវបានសហព័ន្ធកីឡាឆៀរលីដឌីងអន្តរជាតិ ដែលមានទីស្នាក់ការធំនៅជប៉ុន ជ្រើសរើសជា “សហព័ន្ធកីឡាឆៀរលីដឌីងនៃកម្ពុជា” ហើយក្រុមកីឡាឆៀរលីដឌីងកម្ពុជាដំបូងនេះ បានទទួលសិទ្ធពេញលេញក្នុងការចូលរួមប្រកួតថ្នាក់ពិភពលោកបានទៀតផង។ នេះជារឿងគួរជាទីមោទកភាពមួយ សម្រាប់យើងទាំងអស់គ្នា ហើយក៏ជាកម្លាំងជំរុញ ទឹកចិត្តដើម្បីអភិវឌ្ឍវិស័យអប់រំ និងកីឡានៃប្រទេសយើងឲ្យកាន់តែខ្លាំងក្លាបន្ថែមទៀត។