អន្តរជាតិ
នាយករដ្ឋមន្ត្រីឡាវ ប្រាប់ប្រជាជនក្រុងវៀងចន្ទន៍ឲ្យត្រៀមខ្លូនសម្រាប់កិច្ចប្រជុំអាស៊ាន
Laos PM រូបភាពពី Vientiane Time
×![]()
ដោយ: តន ចាន់រិទ្ធារ៉ា
កិច្ចប្រជុំកំពូលអាស៊ានលើកទី២៩ និងកិច្ចប្រជុំពាក់ព័ន្ធ នឹងចាប់ផ្ដើមនៅសប្ដាហ៍ក្រោយនេះហើយ ក្នុងរដ្ឋធានីវៀងចន្ទន៍ សាធារណរដ្ឋប្រជាមានិតប្រជាធិបតេយ្យឡាវ។ ប្រមុខរដ្ឋាភិបាលឡាវ បានប្រាប់ប្រជាជនទាំងអស់ ត្រៀមខ្លួនធ្វើជាម្ចាស់ផ្ទះព្រឹត្តិការណ៍ដ៏ធំនេះ ខណៈមានការចូលរួមពីប្រមុខរដ្ឋ ប្រមុខរដ្ឋាភិបាលរដ្ឋសមាជិកអាស៊ាន និងមហាអំណាចពិភពលោក មានអាមេរិក រុស្សី ចិនជាដើមនោះ ។
នាយករដ្ឋមន្ត្រីឡាវ លោក ថងលូន ស៊ីសូលីត (Thongloun Sisoulith) នៅថ្ងៃទី២៩ ខែសីហានេះ បានអំពាវនាវប្រជាជនឡាវទាំងអស់ ជាពិសេសពលរដ្ឋក្នុងរដ្ឋធានីវៀងចន្ទន៍ ត្រៀមខ្លួនធ្វើជាម្ចាស់ល្អ សម្រាប់កិច្ចប្រជុំកំពូលអាស៊ានលើកទី២៩ និងកិច្ចប្រជុំពាក់ព័ន្ធជាច្រើនទៀត។ កិច្ចប្រជុំប្រចាំឆ្នាំ ដែលឡាវធ្វើជាម្ចាស់ផ្ទះនេះ នឹងចាប់ផ្ដើមពីថ្ងៃទី៦ ដល់ថ្ងៃទី៨ ខែកញ្ញា។
ថ្លែងពីការិយាល័យរដ្ឋាភិបាល ប្រមុខរដ្ឋាភិបាលឡាវ និយាយថា លោកចង់ឲ្យប្រជាជនទាំងអស់ ធ្វើជាម្ចាស់ផ្ទះល្អរាក់ទាក់ ក្នុងការទទួលថ្នាក់ដឹកនាំប្រទេសនានា ក៏ដូចជាមន្ត្រីជាន់ខ្ពស់ នៃបណ្ដាប្រទេសសមាជិកអាស៊ាន និងប្រទេសជាដៃគូ ដែលនឹងមកចូលរួមព្រឹត្តិការណ៍ដ៏សំខាន់នេះ។ លោកបន្តថា ឡាវត្រៀមខ្លួនរួចរាល់ហើយ សម្រាប់បដិសណ្ឋារកិច្ចមេដឹកនាំទាំងអស់។ នេះបើយោងតាមផ្សាយរបស់កាសែត Vientiane Time។
ប្រមុខរដ្ឋ ប្រមុខរដ្ឋាភិបាលរដ្ឋសមាជិកអាស៊ាន៩ផ្សេងទៀត ដែលរួមទាំងនាយករដ្ឋមន្ត្រីកម្ពុជា សម្ដេច ហ៊ុន សែន និងប្រធានាធិបតីថ្មីហ្វីលីពីន លោក Rodrigo Duterte នឹងអញ្ជើញចូលរួមកិច្ចប្រជុំអាស៊ានលើកទី២៩ និងកិច្ចប្រជុំពាក់ព័ន្ធជាមួយដៃគូសន្ទនា។ ប្រធានបទសំខាន់ នៃជំនួបប្រចាំឆ្នាំនេះ នឹងផ្ដោតលើសន្តិសុខ ក៏ដូចជាទំនាក់ទំនងក្នុងចំណោមសមាជិកអាស៊ាន និងជាមួយប្រទេសដៃគូផងដែរ។
ប្រធានាធិបតីអាមេរិក លោក បារ៉ាក់ អូបាម៉ា ប្រធានាធិបតីកូរ៉េខាងត្បូង លោកស្រី ប៉ាក គឿនហេ នាយករដ្ឋមន្ត្រីជប៉ុន លោក ស៊ីនហ្សូ អាបេ និងប្រមុខរដ្ឋាភិបាលចិន ឥណ្ឌា អូស្ត្រាលី ណូវែលសេឡង់ រុស្សីនិងអគ្គលេខាធិការអង្គការសហប្រជាជាតិ លោក បាន គី មូន សុទ្ធតែមានវត្តមានចូលរួមទាំងអស់។
សន្តិសុខត្រូវគេរំពឹងថា នឹងត្រូវរឹតបន្តឹងខ្លាំង ដ្បិតមានការចូលរួមពីថ្នាក់ដឹកនាំធំៗមកពីប្រទេសជាច្រើន ខណៈការគំរាមកំហែងលើសន្តិសុខ មានការកើនឡើងខ្លាំងក្នុងរយៈពេលចុងក្រោយនេះ បន្ទាប់ពីមានការវាយប្រហារជាច្រើននៅថៃ ដែលជាអ្នកជិតខាង។ កងកម្លាំងសន្តិសុខ នឹងត្រូវពង្រាយនៅព្រលានយន្តហោះ កន្លែងប្រជុំ និងសណ្ឋាគារដែលមេដឹកនាំទាំងអស់ស្នាក់នៅ៕
នាយករដ្ឋមន្ត្រីឡាវ លោក ថងលូន ស៊ីសូលីត (Thongloun Sisoulith) នៅថ្ងៃទី២៩ ខែសីហានេះ បានអំពាវនាវប្រជាជនឡាវទាំងអស់ ជាពិសេសពលរដ្ឋក្នុងរដ្ឋធានីវៀងចន្ទន៍ ត្រៀមខ្លួនធ្វើជាម្ចាស់ល្អ សម្រាប់កិច្ចប្រជុំកំពូលអាស៊ានលើកទី២៩ និងកិច្ចប្រជុំពាក់ព័ន្ធជាច្រើនទៀត។ កិច្ចប្រជុំប្រចាំឆ្នាំ ដែលឡាវធ្វើជាម្ចាស់ផ្ទះនេះ នឹងចាប់ផ្ដើមពីថ្ងៃទី៦ ដល់ថ្ងៃទី៨ ខែកញ្ញា។
ថ្លែងពីការិយាល័យរដ្ឋាភិបាល ប្រមុខរដ្ឋាភិបាលឡាវ និយាយថា លោកចង់ឲ្យប្រជាជនទាំងអស់ ធ្វើជាម្ចាស់ផ្ទះល្អរាក់ទាក់ ក្នុងការទទួលថ្នាក់ដឹកនាំប្រទេសនានា ក៏ដូចជាមន្ត្រីជាន់ខ្ពស់ នៃបណ្ដាប្រទេសសមាជិកអាស៊ាន និងប្រទេសជាដៃគូ ដែលនឹងមកចូលរួមព្រឹត្តិការណ៍ដ៏សំខាន់នេះ។ លោកបន្តថា ឡាវត្រៀមខ្លួនរួចរាល់ហើយ សម្រាប់បដិសណ្ឋារកិច្ចមេដឹកនាំទាំងអស់។ នេះបើយោងតាមផ្សាយរបស់កាសែត Vientiane Time។
ប្រមុខរដ្ឋ ប្រមុខរដ្ឋាភិបាលរដ្ឋសមាជិកអាស៊ាន៩ផ្សេងទៀត ដែលរួមទាំងនាយករដ្ឋមន្ត្រីកម្ពុជា សម្ដេច ហ៊ុន សែន និងប្រធានាធិបតីថ្មីហ្វីលីពីន លោក Rodrigo Duterte នឹងអញ្ជើញចូលរួមកិច្ចប្រជុំអាស៊ានលើកទី២៩ និងកិច្ចប្រជុំពាក់ព័ន្ធជាមួយដៃគូសន្ទនា។ ប្រធានបទសំខាន់ នៃជំនួបប្រចាំឆ្នាំនេះ នឹងផ្ដោតលើសន្តិសុខ ក៏ដូចជាទំនាក់ទំនងក្នុងចំណោមសមាជិកអាស៊ាន និងជាមួយប្រទេសដៃគូផងដែរ។
ប្រធានាធិបតីអាមេរិក លោក បារ៉ាក់ អូបាម៉ា ប្រធានាធិបតីកូរ៉េខាងត្បូង លោកស្រី ប៉ាក គឿនហេ នាយករដ្ឋមន្ត្រីជប៉ុន លោក ស៊ីនហ្សូ អាបេ និងប្រមុខរដ្ឋាភិបាលចិន ឥណ្ឌា អូស្ត្រាលី ណូវែលសេឡង់ រុស្សីនិងអគ្គលេខាធិការអង្គការសហប្រជាជាតិ លោក បាន គី មូន សុទ្ធតែមានវត្តមានចូលរួមទាំងអស់។
សន្តិសុខត្រូវគេរំពឹងថា នឹងត្រូវរឹតបន្តឹងខ្លាំង ដ្បិតមានការចូលរួមពីថ្នាក់ដឹកនាំធំៗមកពីប្រទេសជាច្រើន ខណៈការគំរាមកំហែងលើសន្តិសុខ មានការកើនឡើងខ្លាំងក្នុងរយៈពេលចុងក្រោយនេះ បន្ទាប់ពីមានការវាយប្រហារជាច្រើននៅថៃ ដែលជាអ្នកជិតខាង។ កងកម្លាំងសន្តិសុខ នឹងត្រូវពង្រាយនៅព្រលានយន្តហោះ កន្លែងប្រជុំ និងសណ្ឋាគារដែលមេដឹកនាំទាំងអស់ស្នាក់នៅ៕
Tag:
ឡាវ
អាស៊ាន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
