អន្តរជាតិ
Angelina Jolie ប្តឹងសុំលែងលះ Brad Pitt មេធាវីរបស់ Angelina Jolie បានអះអាងថា កូនក្តីខ្លួនប្តឹងសុំលែងលះលោក Brad Pitt ក្រោយរៀបការបាន២ឆ្នាំ។ រូបថត REX
× លោក Robert Offer មេធាវីរបស់តារាភាពយន្តហូលីវូត Angelina Jolie បានអះអាងថា កូនក្តីរបស់ខ្លួនបានប្តឹងសុំ «រំលាយអាពាហ៍ពិពាហ៍» កាលពីថ្ងៃចន្ទ ក្រោមហេតុផលរស់នៅមិនចុះសម្រុងគ្នា។ នេះបើតាមការផ្សាយរបស់ BBC។
លោក Offer បានបញ្ជាក់ថា Angelina ដែលជាកូនក្តី នឹងមិនធ្វើការអត្ថាធិប្បាយអ្វីនោះឡើយ ដោយស្នើសុំឲ្យរក្សាព័ត៌មានឯកជននៅក្នុងគ្រួសារនៅពេលនេះ។
គូស្នេហ៍ដ៏ល្បីល្បាញទាំងពី បានរស់នៅជាមួយគ្នាតាំងពីឆ្នាំ២០០៤ មុននឹងចូលដល់ការរៀបអាពាហ៍ពិពាហ៍នៅខែសីហា ឆ្នាំ២០១៤។ អ្នកទាំងពីរមានកូន៦នាក់ទាំងកូនបង្កើត និងកូនចិញ្ចឹម ដោយ Maddox (ដើមកំណើតកម្ពុជា) ជាកូនច្បង រីឯប្អូនៗរួមមាន Pax, Zahara, Shiloh និងប្អូនភ្លោះ Knox និង Vivienne៕
Tag:
Angelina Jolie
Brad Pitt
© រក្សាសិទ្ធិដោយ thmeythmey.com