អន្តរជាតិ
អូបាម៉ា៖ «អំណាចក្រោមកណ្តាប់ដៃមនុស្សតែម្នាក់នឹងនាំប្រទេសធ្លាក់ក្នុងសង្គ្រាម»
លោក បារ៉ាក់ អូបាម៉ា ថ្លែងសុន្ទរកថាបើកកិច្ចប្រជុំមហាសន្និបាតអង្គការសហប្រជាតិលើកទី៧១នៅថ្ងៃអង្គារទី២០កញ្ញា
×![]()
ក្នុងពេល ថ្លែងសុន្ទរកថាចុងក្រោយនៅមហាសន្និបាតអង្គការសហប្រជាជាតិ លោក បារ៉ាក់ អូបាម៉ា ប្រធានាធិបតីជិតផុតអាណត្តិ បានបញ្ជាក់យ៉ាងច្បាស់ថា «នយោបាយការបរទេសអាមេរិកជា កម្លាំងមួយដែលបង្កើតរឿងល្អសម្រាប់ពិភពលោកទាំងមូល»។ ហើយលោកលើកឡើងថាលោកនៅតែជឿជាក់ថា «ប្រជាធិបតេយ្យសេរី»ជាកម្លាំងចលករតែមួយគត់ដែលនាំមកនូវការអភិវឌ្ឍ និងសន្តិភាពពិភពលោក។ ប្រព័ន្ធគ្រប់គ្រងដោយបុរសខ្លាំងនិងការដឹកនាំដែលអំណាចសម្រេច ស្ថិតនៅកណ្តាប់ដៃថ្នាក់លើ មិនសមស្របឡើយសម្រាប់សង្គមបច្ចុប្បន្ន។
សូមស្តាប់ការបកស្រាយរបស់លោក សៅ ផលនិស្ស័យ៖
លោក បារ៉ាក់ អូបាម៉ា បានយកសុន្ទរកថាចុងក្រោយនៅមហាសន្និបាតអង្គការសហប្រជាជាតិដើម្បីទិតៀន បណ្តាប្រទេសមួយចំនួនដែលកំពុងគំរាមកំហែងសណ្តាប់ធ្នាប់ពិភពលោក ក្នុងនោះមានចិន រុស្ស៊ី និងប្រទេសមួយចំនួនទៀតនៅមជ្ឈិមបូព៌ានិងអាហ្វ្រិក។ ប្រធានាធិបតីរូបនេះរិះគន់រុស្ស៊ីថាកំពុងប្រើកម្លាំងទ័ពក្នុងនាមជា មហាអំណាចដើម្បីសង្កត់សង្កិនប្រទេសទន់ខ្សោយ និងកសាងភាពរុងរឿងរបស់ខ្លួនឡើងវិញ។ ហើយលោកក៏ទិតៀនចិនដែលយកប្រវត្តិសាស្ត្រជាលេសវាតទីយកអស់សមុទ្រ ចិនខាងត្បូង ហើយបន្តសង់កោះសិប្បនិម្មិតដើម្បីបម្រើប្រយោជន៍យោធា ដោយជាន់ឈ្លីច្បាប់អន្តរជាតិ។
បន្ថែមពីនេះ លោក អូបាម៉ា ក៏លើកឡើងពីបញ្ហាប្រឈមនានាដែលពិភពលោកកំពុងជួបប្រទះនិងមិនទាន់ ដោះស្រាយចេញ ដូចជាវិបត្តិជនភៀសខ្លួន, ជម្លោះសាសនា, សង្គ្រាមស៊ីវិលស៊ីរី, ចលនាក្រុមភេរវជនរដ្ឋឥស្លាមឬក្រុមដែស្ហជាដើមផង។ លោកជឿជាក់ថា បញ្ហាទាំងនេះអាចដោះស្រាយចេញ បើសិនសហគមន៍អន្តរជាតិទាំងមូលលះបង់ភាពអាត្មានិយម, ការរើសអើងសាសនា និងពូជសាសន៍ និងកសាងការយោគយល់អធ្យាស្រ័យគ្នា ទោះជាវាស្មុគស្មាញក៏ដោយ។ លោកក៏ឆ្លៀតសង្កត់ធ្ងន់ជាថ្មីផងដែរថា សង្គ្រាមស៊ីវិលស៊ីរី មិនអាចដោះស្រាយដោយប្រើប្រាស់កម្លាំងទ័ពបានឡើយ តែវាអាចទៅរួចដោយប្រើប្រាស់វិធានការការទូត។ ហើយលោកការពាររាល់គោលនយោបាយរបស់អាមេរិកដែលបានប្រើប្រាស់ដើម្បី ដោះស្រាយជម្លោះស៊ីរីដែរ។
១.លោក អូបាម៉ា ប្រាប់មេដឹកនាំពិភពលោកថា ប្រជាធិបតេយ្យសេរីនាំមកសន្តិភាពនិងស្ថិរភាព
អ្វីដែលគួរឲ្យកត់សម្គាល់ក្នុងពេលថ្លែងសុន្ទរកថាទៅកាន់មេដឹកនាំ ពិភពលោកដែលមានវត្តមានក្នុងមហាសន្និបាតអង្គការសហប្រជាជាតិ គឺ លោក បារ៉ាក់ អូបាម៉ា លើកឡើងពីជំនឿរបស់លោកលើ«សណ្តាប់ធ្នាប់នយោបាយសេរី» ឬ«ប្រជាធិបតេយ្យសេរី»។ លោកយល់ថា វាជាកម្លាំងដែលអាចនាំមកនូវសន្តិភាព ស្ថិរភាព និងការអភិវឌ្ឍដល់ពិភពលោកទាំងមូល។
មេដឹកនាំរូបនេះ អះអាងថា វាជារឿងដែលមានតម្លៃ ដែលគ្រប់គ្នាប្រយុទ្ធដើម្បីកសាងប្រជាធិបតេយ្យ។ តែលោកទទួលស្គាល់ថា អាមេរិកមិនអាចតម្រូវ ឬបង្ខំឲ្យគ្រប់គ្នាទទួលយកប្រជាធិបតេយ្យឡើយ។ ហើយប្រព័ន្ធនេះក៏មិនល្អឥតខ្ចោះដែរ។ ហើយម្យ៉ាងទៀតដើម្បីកសាងស្ថាប័នដែលមានទំនួលខុសត្រូវនិងមានមូលដ្ឋាន រឹងមាំស្របតាមគោលការណ៍ប្រជាធិបតេយ្យជារឿងលំបាកបំផុតមួយ។ មកទល់បច្ចុប្បន្នចំនួនប្រទេសដែលជ្រើសរើសយកលទ្ធិប្រជាធិបតេយ្យកើនឡើង ទ្វេដងក្នុងរយៈពេល២៥ឆ្នាំចុងក្រោយ។
ប្រទេសទាំងអស់មិនអាចពឹងផ្អែកលើបុរសខ្លាំង និងរបបដឹកនាំដែលអំណាចសម្រេចពឹងលើថ្នាក់លើឡើយ ហើយវាត្រឹមតែនាំមកនូវអស្ថិរភាពនិងសង្គ្រាមប៉ុណ្ណោះ។ លោក អូបាម៉ា ចង់បញ្ជាក់ថា របបដឹកនាំដែលមិនស្តាប់បង្គាប់ប្រជាជន និងក្រាញអំណាចមិនអាចនាំឲ្យប្រទេសជាតិរីកចម្រើននិងអាចរក្សាបាននូវ ស្ថិរភាពនិងសន្តិភាពឡើយ។ ផ្ទុយទៅវិញ គេអាចធ្វើឲ្យប្រទេសជាតិអន្តរាយផងដែរ។ ជាឧទាហរណ៍ បញ្ហានយោបាយនិងជម្លោះហិង្សានៅបណ្តាប្រទេសមួយចំនួននៅអឺរ៉ុបខាងកើត , តំបន់អាហ្វ្រិក និងនៅតំបន់មជ្ឈិមបូព៌ាជាដើម។ ដូចឃើញស្រាប់ ចលនាប្រជាជន Maidan ប្រឆាំងរដ្ឋាភិបាលអ៊ុយក្រែនកាលពីឆ្នាំ ២០១៤ ដែលទម្លាក់ប្រធានាធិបតី Viktor Yanukovych ។ ហើយចលនានេះកើតឡើង ព្រោះពួកគេមិនអាចទ្រាំទ្រចំពោះរបបដឹកនាំដែលសង្កត់សង្កិននិងបំបិទ សិទ្ធិប្រជាជន ។
យោងតាមប្រវត្តិសាស្ត្រអាមេរិក ជំនឿលើប្រជាធិបតេយ្យ អនុញ្ញាតឲ្យប្រជាជនសាមញ្ញអាចបាតុកម្មនិងជួបជុំគ្នាដោយអហិង្សា ដែលវាជាការអនុវត្តសិទ្ធិនិងសេរីភាព។ ហើយតម្លៃប្រជាធិបតេយ្យនេះបានកែប្រែភាពចម្រុះនៃសង្គមអាមេរិកទៅជា ភាពរឹងមាំ។ ស្ត្រីទទួលបានការឲ្យតម្លៃនិងការគោរពពីសង្គមទាំងមូល ហើយជនជាតិភាគតិចទទួលបានការគាំពារនិងថែទាំពីសំណាក់រដ្ឋាភិបាល ថែមទៀត។
២.លោក អូបាម៉ា ៖ «គោលនយោបាយអាមេរិកនាំផលល្អដល់ពិភពលោកទាំងមូល»
គោលនយោបាយការបរទេសអាមេរិកជាកម្លាំងមួយដែលនាំផលល្អដល់ពិភពលោក។ នេះជាការលើកឡើងរបស់លោក បារ៉ាក់ អូបាម៉ា ក្រៅពីប្រកាសថាលោកជឿជាក់លើគោលការណ៍ប្រជាធិបតេយ្យសេរី។ បើក្រឡេកមើលភាពជោគជ័យនៃនយោបាយការបរទេសរបស់ លោក អូបាម៉ា ដែលនាំមកនូវផលវិជ្ជាមានក្នុងរយៈពេលពីរអាណត្តិ មានដូចជាកិច្ចព្រមព្រៀងនុយក្លេអ៊ែរអ៊ីរ៉ង់, កិច្ចព្រមព្រៀងអាកាសធាតុក្រុងប៉ារីស, ការភ្ជាប់ទំនាក់ទំនងជាមួយគុយបា, រួមទាំងវិធានការប្រឆាំងនិងដោះស្រាយបញ្ហាមេរោគអេបូឡានៅអាហ្វ្រិក ខាងលិចជាដើម។
ឆ្លៀតឱកាសក្នុងពេលផ្តល់សុន្ទរកថា ប្រធានាធិបតីរូបនេះអំពាវនាវឲ្យសហគមន៍អន្តរជាតិជំរុញឲ្យមាន សមាហរណកម្មស៊ីជម្រៅជាងមុនទូទាំងពិភពលោកដើម្បីកាត់បន្ថយវិសមភាព សង្គម និងកាត់បន្ថយភាពក្រីក្រ។ កិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិកសុទ្ធសឹងតែជា មធ្យោបាយសំខាន់ដែលជួយសេដ្ឋកិច្ចពិភពលោក កាត់បន្ថយគម្លៀតរវាងប្រទេសអ្នកក្រនិងអ្នកមាន និងកាត់បន្ថយភាពក្រីក្រថែមទៀតផង។
ហើយលោកស្នើឲ្យពិភពលោកគាំទ្រគំនិតផ្តួចផ្តើម «ពិភពលោកដែលគ្មានអាវុធនុយក្លេអ៊ែរ» ដូចដែលលោកជំរុញឲ្យមានការចុះកិច្ចព្រមព្រៀងនុយក្លេអ៊ែរជាមួយអ៊ីរ៉ង់ កន្លងមក។ ប៉ុន្តែលោកបង្ហាញកង្វល់ពាក់ព័ន្ធការបន្តបាញ់សាកល្បងអាវុធនិង បង្កើនសមត្ថភាពផលិតអាវុធនុយក្លេអ៊ែររបស់កូរ៉េខាងជើងផង៕
សូមស្តាប់ការបកស្រាយរបស់លោក សៅ ផលនិស្ស័យ៖
លោក បារ៉ាក់ អូបាម៉ា បានយកសុន្ទរកថាចុងក្រោយនៅមហាសន្និបាតអង្គការសហប្រជាជាតិដើម្បីទិតៀន បណ្តាប្រទេសមួយចំនួនដែលកំពុងគំរាមកំហែងសណ្តាប់ធ្នាប់ពិភពលោក ក្នុងនោះមានចិន រុស្ស៊ី និងប្រទេសមួយចំនួនទៀតនៅមជ្ឈិមបូព៌ានិងអាហ្វ្រិក។ ប្រធានាធិបតីរូបនេះរិះគន់រុស្ស៊ីថាកំពុងប្រើកម្លាំងទ័ពក្នុងនាមជា មហាអំណាចដើម្បីសង្កត់សង្កិនប្រទេសទន់ខ្សោយ និងកសាងភាពរុងរឿងរបស់ខ្លួនឡើងវិញ។ ហើយលោកក៏ទិតៀនចិនដែលយកប្រវត្តិសាស្ត្រជាលេសវាតទីយកអស់សមុទ្រ ចិនខាងត្បូង ហើយបន្តសង់កោះសិប្បនិម្មិតដើម្បីបម្រើប្រយោជន៍យោធា ដោយជាន់ឈ្លីច្បាប់អន្តរជាតិ។
បន្ថែមពីនេះ លោក អូបាម៉ា ក៏លើកឡើងពីបញ្ហាប្រឈមនានាដែលពិភពលោកកំពុងជួបប្រទះនិងមិនទាន់ ដោះស្រាយចេញ ដូចជាវិបត្តិជនភៀសខ្លួន, ជម្លោះសាសនា, សង្គ្រាមស៊ីវិលស៊ីរី, ចលនាក្រុមភេរវជនរដ្ឋឥស្លាមឬក្រុមដែស្ហជាដើមផង។ លោកជឿជាក់ថា បញ្ហាទាំងនេះអាចដោះស្រាយចេញ បើសិនសហគមន៍អន្តរជាតិទាំងមូលលះបង់ភាពអាត្មានិយម, ការរើសអើងសាសនា និងពូជសាសន៍ និងកសាងការយោគយល់អធ្យាស្រ័យគ្នា ទោះជាវាស្មុគស្មាញក៏ដោយ។ លោកក៏ឆ្លៀតសង្កត់ធ្ងន់ជាថ្មីផងដែរថា សង្គ្រាមស៊ីវិលស៊ីរី មិនអាចដោះស្រាយដោយប្រើប្រាស់កម្លាំងទ័ពបានឡើយ តែវាអាចទៅរួចដោយប្រើប្រាស់វិធានការការទូត។ ហើយលោកការពាររាល់គោលនយោបាយរបស់អាមេរិកដែលបានប្រើប្រាស់ដើម្បី ដោះស្រាយជម្លោះស៊ីរីដែរ។
១.លោក អូបាម៉ា ប្រាប់មេដឹកនាំពិភពលោកថា ប្រជាធិបតេយ្យសេរីនាំមកសន្តិភាពនិងស្ថិរភាព
អ្វីដែលគួរឲ្យកត់សម្គាល់ក្នុងពេលថ្លែងសុន្ទរកថាទៅកាន់មេដឹកនាំ ពិភពលោកដែលមានវត្តមានក្នុងមហាសន្និបាតអង្គការសហប្រជាជាតិ គឺ លោក បារ៉ាក់ អូបាម៉ា លើកឡើងពីជំនឿរបស់លោកលើ«សណ្តាប់ធ្នាប់នយោបាយសេរី» ឬ«ប្រជាធិបតេយ្យសេរី»។ លោកយល់ថា វាជាកម្លាំងដែលអាចនាំមកនូវសន្តិភាព ស្ថិរភាព និងការអភិវឌ្ឍដល់ពិភពលោកទាំងមូល។
មេដឹកនាំរូបនេះ អះអាងថា វាជារឿងដែលមានតម្លៃ ដែលគ្រប់គ្នាប្រយុទ្ធដើម្បីកសាងប្រជាធិបតេយ្យ។ តែលោកទទួលស្គាល់ថា អាមេរិកមិនអាចតម្រូវ ឬបង្ខំឲ្យគ្រប់គ្នាទទួលយកប្រជាធិបតេយ្យឡើយ។ ហើយប្រព័ន្ធនេះក៏មិនល្អឥតខ្ចោះដែរ។ ហើយម្យ៉ាងទៀតដើម្បីកសាងស្ថាប័នដែលមានទំនួលខុសត្រូវនិងមានមូលដ្ឋាន រឹងមាំស្របតាមគោលការណ៍ប្រជាធិបតេយ្យជារឿងលំបាកបំផុតមួយ។ មកទល់បច្ចុប្បន្នចំនួនប្រទេសដែលជ្រើសរើសយកលទ្ធិប្រជាធិបតេយ្យកើនឡើង ទ្វេដងក្នុងរយៈពេល២៥ឆ្នាំចុងក្រោយ។
ប្រទេសទាំងអស់មិនអាចពឹងផ្អែកលើបុរសខ្លាំង និងរបបដឹកនាំដែលអំណាចសម្រេចពឹងលើថ្នាក់លើឡើយ ហើយវាត្រឹមតែនាំមកនូវអស្ថិរភាពនិងសង្គ្រាមប៉ុណ្ណោះ។ លោក អូបាម៉ា ចង់បញ្ជាក់ថា របបដឹកនាំដែលមិនស្តាប់បង្គាប់ប្រជាជន និងក្រាញអំណាចមិនអាចនាំឲ្យប្រទេសជាតិរីកចម្រើននិងអាចរក្សាបាននូវ ស្ថិរភាពនិងសន្តិភាពឡើយ។ ផ្ទុយទៅវិញ គេអាចធ្វើឲ្យប្រទេសជាតិអន្តរាយផងដែរ។ ជាឧទាហរណ៍ បញ្ហានយោបាយនិងជម្លោះហិង្សានៅបណ្តាប្រទេសមួយចំនួននៅអឺរ៉ុបខាងកើត , តំបន់អាហ្វ្រិក និងនៅតំបន់មជ្ឈិមបូព៌ាជាដើម។ ដូចឃើញស្រាប់ ចលនាប្រជាជន Maidan ប្រឆាំងរដ្ឋាភិបាលអ៊ុយក្រែនកាលពីឆ្នាំ ២០១៤ ដែលទម្លាក់ប្រធានាធិបតី Viktor Yanukovych ។ ហើយចលនានេះកើតឡើង ព្រោះពួកគេមិនអាចទ្រាំទ្រចំពោះរបបដឹកនាំដែលសង្កត់សង្កិននិងបំបិទ សិទ្ធិប្រជាជន ។
យោងតាមប្រវត្តិសាស្ត្រអាមេរិក ជំនឿលើប្រជាធិបតេយ្យ អនុញ្ញាតឲ្យប្រជាជនសាមញ្ញអាចបាតុកម្មនិងជួបជុំគ្នាដោយអហិង្សា ដែលវាជាការអនុវត្តសិទ្ធិនិងសេរីភាព។ ហើយតម្លៃប្រជាធិបតេយ្យនេះបានកែប្រែភាពចម្រុះនៃសង្គមអាមេរិកទៅជា ភាពរឹងមាំ។ ស្ត្រីទទួលបានការឲ្យតម្លៃនិងការគោរពពីសង្គមទាំងមូល ហើយជនជាតិភាគតិចទទួលបានការគាំពារនិងថែទាំពីសំណាក់រដ្ឋាភិបាល ថែមទៀត។
២.លោក អូបាម៉ា ៖ «គោលនយោបាយអាមេរិកនាំផលល្អដល់ពិភពលោកទាំងមូល»
គោលនយោបាយការបរទេសអាមេរិកជាកម្លាំងមួយដែលនាំផលល្អដល់ពិភពលោក។ នេះជាការលើកឡើងរបស់លោក បារ៉ាក់ អូបាម៉ា ក្រៅពីប្រកាសថាលោកជឿជាក់លើគោលការណ៍ប្រជាធិបតេយ្យសេរី។ បើក្រឡេកមើលភាពជោគជ័យនៃនយោបាយការបរទេសរបស់ លោក អូបាម៉ា ដែលនាំមកនូវផលវិជ្ជាមានក្នុងរយៈពេលពីរអាណត្តិ មានដូចជាកិច្ចព្រមព្រៀងនុយក្លេអ៊ែរអ៊ីរ៉ង់, កិច្ចព្រមព្រៀងអាកាសធាតុក្រុងប៉ារីស, ការភ្ជាប់ទំនាក់ទំនងជាមួយគុយបា, រួមទាំងវិធានការប្រឆាំងនិងដោះស្រាយបញ្ហាមេរោគអេបូឡានៅអាហ្វ្រិក ខាងលិចជាដើម។
ឆ្លៀតឱកាសក្នុងពេលផ្តល់សុន្ទរកថា ប្រធានាធិបតីរូបនេះអំពាវនាវឲ្យសហគមន៍អន្តរជាតិជំរុញឲ្យមាន សមាហរណកម្មស៊ីជម្រៅជាងមុនទូទាំងពិភពលោកដើម្បីកាត់បន្ថយវិសមភាព សង្គម និងកាត់បន្ថយភាពក្រីក្រ។ កិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិកសុទ្ធសឹងតែជា មធ្យោបាយសំខាន់ដែលជួយសេដ្ឋកិច្ចពិភពលោក កាត់បន្ថយគម្លៀតរវាងប្រទេសអ្នកក្រនិងអ្នកមាន និងកាត់បន្ថយភាពក្រីក្រថែមទៀតផង។
ហើយលោកស្នើឲ្យពិភពលោកគាំទ្រគំនិតផ្តួចផ្តើម «ពិភពលោកដែលគ្មានអាវុធនុយក្លេអ៊ែរ» ដូចដែលលោកជំរុញឲ្យមានការចុះកិច្ចព្រមព្រៀងនុយក្លេអ៊ែរជាមួយអ៊ីរ៉ង់ កន្លងមក។ ប៉ុន្តែលោកបង្ហាញកង្វល់ពាក់ព័ន្ធការបន្តបាញ់សាកល្បងអាវុធនិង បង្កើនសមត្ថភាពផលិតអាវុធនុយក្លេអ៊ែររបស់កូរ៉េខាងជើងផង៕
© រក្សាសិទ្ធិដោយ thmeythmey.com
