ជាតិ
សេដ្ឋកិច្ច
×![]()
ភ្នំពេញ៖ ខណៈដែលវិស័យស្រូវអង្ករកម្ពុជា កំពុងជួបបញ្ហាតម្លៃ និងទីផ្សារ មតិខ្លះលើកឡើងថា រដ្ឋាភិបាលគួរបិទការនាំចូលអង្ករពីប្រទេសវៀតណាមក្នុងមួយរយៈពេលជួបវិបត្តិនេះ រហូតដល់រដូវប្រមូលផលធំ ដើម្បីឲ្យស្រូវអង្ករកសិករមានទីផ្សារក្នុងស្រុកកាន់តែធំ។ អ្នកជំនាញមិនបានផ្ដល់អនុសាសន៍ឲ្យបិទការនាំចូលអង្ករទេ ខណៈដែលតំណាងក្រសួងពាណិជ្ជកម្មថា រដ្ឋាភិបាលអនុវត្តតាមរបបទីផ្សារសេរី។ វិធានការរឹតបណ្ដឹង និងការថ្លឹងថ្លែងពីផលប្រយោជន៍ពាណិជ្ជកម្មក្នុងរយៈពេលវែង ត្រូវបានលើកឡើង។
អ្នកយកព័ត៌មាននៃសារព័ត៌មានថ្មីៗ បានសាកសួរអ្នកជំនាញ និងមន្ត្រីជាន់ខ្ពស់ក្រសួងពាណិជ្ជកម្មអំពីជម្រើសសមស្រប ដែលស្ថាប័នពាក់ព័ន្ធអាចអនុវត្តជុំវិញការនាំចូលអង្ករពីប្រទេសវៀតណាម។
លោក ហ៊ុន ឡាក់ អនុប្រធានសហព័ន្ធស្រូវអង្ករកម្ពុជា(CRF) លើកឡើងថា រដ្ឋាភិបាលមិនអាចបិទការនាំចូលអង្ករពីប្រទេសជិតខាងបានទេ តែគួរប្រើវិធានការរឹតបណ្ដឹងចំពោះការនាំចូលទាំងនោះ ដែលនឹងជួយឲ្យការផ្គត់ផ្គង់ក្នុងស្រុកមានទីផ្សារប្រសើរឡើង។ លោកថ្លែងដូច្នេះថា៖«ជាទូទៅគេមិនបិទទេ តែគេរឹតបន្តឹង ដោយប្រើយន្តការស្របច្បាប់។ បានសេចក្ដីថា ត្រូវត្រួតពិនិត្យឲ្យបានត្រឹមត្រូវ ហើយមានកំណត់ជាលក្ខខណ្ឌ ពាក់ព័ន្ធនឹងបញ្ហាសុខភាព ប្រភពដើមទំនិញ និងមើលទៅលើចំនួន ដែលមិនអនុញ្ញាតឲ្យឆ្លង នៅពេលណាទំនិញខុសនឹងបែបបទ ឬមិនបានបង់ពន្ធជាដើម»។ លោកអះអាងថា យន្តការនេះ មានលក្ខណៈស្របច្បាប់ពាណិជ្ជកម្មអន្តរជាតិ និងរក្សាបានទំនាក់ទំនងជាមួយប្រទេសជិតខាង។
«ស្ថាប័ននៅតាមមាត់ច្រកថាជាង ៧ម៉ឺនតោន។ តែតួលេខជាទូទៅ ពិសេសពីតាមបណ្ដារោងម៉ាស៊ីនកិនស្រូវ គឺអង្ករនាំចូលមានចំនួនលើសច្រើនជាងនេះ។ ហើយកាលណាអាចទប់ស្កាត់ដោយប្រើយន្តការបានត្រឹមត្រូវ និងទប់ស្កាត់តាមច្រកតូចៗបាន នោះការនាំចូលនឹងថយ ណាមួយគេត្រូវបង់ពន្ធ និងថ្លៃដឹកជញ្ជូនទៀត»។ នេះបើតាមលោក ហ៊ុន ឡាក់ ដែលបន្តទៀតថា៖«ពេលនោះ យើងអាចជួយបង្កើនប្រសិទ្ធិភាពផលិតអង្ករបម្រើទីផ្សារក្នុងស្រុកបាន។ ហើយផលស្រូវកសិករ ដែលកំពុងតែប្រមូល ក៏មានច្រកចេញ គឺបានបម្រើដល់ទីផ្សារក្នុងស្រុក»។ ក្រៅពីវិធានការរឹតត្បិតការនាំចូលអង្ករ អ្នកជំនាញក្នុងវិស័យស្រូវអង្កររូបនេះ ចាត់ទុកការបំផុសឲ្យទិញផលិតផលក្នុងស្រុកក៏ជាយន្តការមួយល្អផងដែរ។
ថ្មីៗនេះ ក្រសួងពាណិជ្ជកម្មបានចេញប្រកាស ដែលតម្រូវឲ្យមានការបញ្ជាក់អត្តសញ្ញាអង្ករនាំចូល លើសំបកវេចខ្ចប់។ លោក ហ៊ុន ឡាក់ ថ្លែងថា នេះជាចំណែកមួយក្នុងវិធានការរឹតបន្តឹងការនាំចូលអង្ករ ប៉ុន្តែលោកទទូចឲ្យស្ថាប័នពាក់ព័ន្ធត្រូវអនុវត្តជាក់ស្ដែងឲ្យមានប្រសិទ្ធភាព។
អ្នកនាំពាក្យក្រសួងពាណិជ្ជកម្ម លោកស្រី សឿង សុផារី មានប្រសាសន៍ថា ដោយអនុវត្តរបបទីផ្សារសេរី និងបរិបទអាស៊ាន រដ្ឋាភិបាលមិនអាចបិទការនាំចូលអង្ករបាននោះទេ។ យើងប្រកាសប្រាប់បរទេស អ្នកក្នុងតំបន់ថាយើងអនុវត្តសេដ្ឋកិច្ចទីផ្សារសេរី។ បើយើងប្រកាសថាបិទបែបណ្នឹង វាជារឿងមិនល្អសម្រាប់ប្រទេស»។
ឆ្លើយតបនឹងសំណួរថា តើរដ្ឋាភិបាលអាចអនុវត្តដូចប្រទេសថៃ ដែលប្រើរបាំងមិនមែនពន្ធគយមកលើការនាំចូលផលិតផលកសិកម្មពីកម្ពុជា?។ អ្នកនាំពាក្យក្រសួងពាណិជ្ជកម្មរូបនេះ អះអាងដូច្នេះថា៖« យើងមិនធ្វើតាមប្រទេសគេទេ វាអត់សូវចំណេញអ្វីប៉ុន្មាន ហើយសមត្ថភាពបច្ចេកទេសយើងនៅទន់ខ្សោយនៅឡើយ បើយើងធ្វើដូចគេក៏អត់សូវមានប្រសិទ្ធភាពដែរ។ យើងខាតក្នុងរយៈពេលខ្លី តែចំណេញក្នុងរយៈវែង»។
លោកស្រី សឿង សុផារី អះអាងថា ខណៈដែលតម្លៃស្រូវក្នុងស្រុកទាប ពាណិជ្ជករនឹងងាកមកទិញស្រូវក្នុងស្រុកវិញ។ លោកស្រីនិយាយថា៖«តម្លៃស្រូវអង្ករយើងថ្លៃជាងប្រទេសជិតខាង ដែលនាំឲ្យឈ្មួញចង់បានប្រាក់ចំណេញច្រើន ងាកទៅនាំចូលអង្ករពីក្រៅ ប៉ុន្តែស្រូវយើងធ្លាក់ថ្លៃដូចនេះ គាត់នឹងងាកមកទិញស្រូវក្នុងស្រុក ហើយណាមួយគាត់មិនចំណាយថ្លៃដឹកជញ្ជូន»។
លោក ច័ន្ទ សុផល នាយកមជ្ឈមណ្ឌលសិក្សាគោលនយោបាយ ថ្លែងថា ការបិទ ឬមិនបិទអង្ករនាំចូល រដ្ឋាភិបាលត្រូវពិនិត្យលក្ខខណ្ឌច្បាប់ សន្ធិសញ្ញានានា និងថ្លឹងថ្លែងពីផលប្រយោជន៍ពាណិជ្ជកម្ម។ លោកមានប្រសាសន៍ដូច្នេះថា«បើផ្អែកលើតម្រូវការជាក់ស្ដែងក្នុងស្រុក ដើម្បីជួយទីផ្សារអង្ករកម្ពុជា យើងគួរតែបិទមិនឲ្យនាំចូលអង្ករពីបរទេសមែន ប៉ុន្តែការបិទនេះគឺអាចជាបញ្ហា បើសិនមិនអនុលោមកិច្ចព្រមព្រៀងដែលមាន»។
លោកបន្តទៀតថា៖«ទី២ បើយើងធ្វើខុសនឹងកិច្ចព្រមព្រៀង ក៏ចេះតែធ្វើបានដែរ ប៉ុន្តែអាចមានផលលំបាកដែរ ឧទាហរណ៍ថា វៀតណាមមិនឲ្យស្រូវយើងចូលទៅគេវិញ ដែលតាមការប៉ាន់ស្មាន ២ភាគ៣នៃស្រូវដែលលើសតម្រូវការក្នុងស្រុក ត្រូវបានវៀតណាមប្រមូលទិញ ថាតើនឹងមានអ្វីកើតឡើង?»។ «ជាក់ស្តែងក្នុងខែកន្លងមកនេះ គឺក្រុមហ៊ុនវៀតណាមអត់បានមកទិញទេ រោងម៉ាស៊ីនក្នុងស្រុកអត់មានលទ្ធភាពទិញទាំងអស់ផង នេះគ្រាន់តែកូនរដូវប្រមូលផលតូចផង ចុះទម្រាំរដូវប្រមូលផលធំ»។ នេះបើតាមលោក ច័ន្ទ សុផល ដែលបានជំរុញរដ្ឋាភិបាលក្ដាប់តួលេខនាំចូល-ចេញស្រូវអង្ករឲ្យបានជាក់លាក់ ដើម្បីងាយស្រួលអនុវត្តវិធានការពាក់ព័ន្ធនានា។
នៅខែមិថុនាឆ្នាំនេះ ក្រសួងសេដ្ឋកិច្ច និងហិរញ្ញវត្ថុ បានប្រកាសដំឡើងតម្លៃគោលអង្ករនាំចូល ដែលអនុញ្ញាតឲ្យនាំចូលអង្ករដែលមានតម្លៃពី៣០០ដុល្លារ ដល់៦០០ដុល្លារក្នុង១តោនប៉ុណ្ណោះ៕
អ្នកយកព័ត៌មាននៃសារព័ត៌មានថ្មីៗ បានសាកសួរអ្នកជំនាញ និងមន្ត្រីជាន់ខ្ពស់ក្រសួងពាណិជ្ជកម្មអំពីជម្រើសសមស្រប ដែលស្ថាប័នពាក់ព័ន្ធអាចអនុវត្តជុំវិញការនាំចូលអង្ករពីប្រទេសវៀតណាម។
លោក ហ៊ុន ឡាក់ អនុប្រធានសហព័ន្ធស្រូវអង្ករកម្ពុជា(CRF) លើកឡើងថា រដ្ឋាភិបាលមិនអាចបិទការនាំចូលអង្ករពីប្រទេសជិតខាងបានទេ តែគួរប្រើវិធានការរឹតបណ្ដឹងចំពោះការនាំចូលទាំងនោះ ដែលនឹងជួយឲ្យការផ្គត់ផ្គង់ក្នុងស្រុកមានទីផ្សារប្រសើរឡើង។ លោកថ្លែងដូច្នេះថា៖«ជាទូទៅគេមិនបិទទេ តែគេរឹតបន្តឹង ដោយប្រើយន្តការស្របច្បាប់។ បានសេចក្ដីថា ត្រូវត្រួតពិនិត្យឲ្យបានត្រឹមត្រូវ ហើយមានកំណត់ជាលក្ខខណ្ឌ ពាក់ព័ន្ធនឹងបញ្ហាសុខភាព ប្រភពដើមទំនិញ និងមើលទៅលើចំនួន ដែលមិនអនុញ្ញាតឲ្យឆ្លង នៅពេលណាទំនិញខុសនឹងបែបបទ ឬមិនបានបង់ពន្ធជាដើម»។ លោកអះអាងថា យន្តការនេះ មានលក្ខណៈស្របច្បាប់ពាណិជ្ជកម្មអន្តរជាតិ និងរក្សាបានទំនាក់ទំនងជាមួយប្រទេសជិតខាង។
«ស្ថាប័ននៅតាមមាត់ច្រកថាជាង ៧ម៉ឺនតោន។ តែតួលេខជាទូទៅ ពិសេសពីតាមបណ្ដារោងម៉ាស៊ីនកិនស្រូវ គឺអង្ករនាំចូលមានចំនួនលើសច្រើនជាងនេះ។ ហើយកាលណាអាចទប់ស្កាត់ដោយប្រើយន្តការបានត្រឹមត្រូវ និងទប់ស្កាត់តាមច្រកតូចៗបាន នោះការនាំចូលនឹងថយ ណាមួយគេត្រូវបង់ពន្ធ និងថ្លៃដឹកជញ្ជូនទៀត»។ នេះបើតាមលោក ហ៊ុន ឡាក់ ដែលបន្តទៀតថា៖«ពេលនោះ យើងអាចជួយបង្កើនប្រសិទ្ធិភាពផលិតអង្ករបម្រើទីផ្សារក្នុងស្រុកបាន។ ហើយផលស្រូវកសិករ ដែលកំពុងតែប្រមូល ក៏មានច្រកចេញ គឺបានបម្រើដល់ទីផ្សារក្នុងស្រុក»។ ក្រៅពីវិធានការរឹតត្បិតការនាំចូលអង្ករ អ្នកជំនាញក្នុងវិស័យស្រូវអង្កររូបនេះ ចាត់ទុកការបំផុសឲ្យទិញផលិតផលក្នុងស្រុកក៏ជាយន្តការមួយល្អផងដែរ។
ថ្មីៗនេះ ក្រសួងពាណិជ្ជកម្មបានចេញប្រកាស ដែលតម្រូវឲ្យមានការបញ្ជាក់អត្តសញ្ញាអង្ករនាំចូល លើសំបកវេចខ្ចប់។ លោក ហ៊ុន ឡាក់ ថ្លែងថា នេះជាចំណែកមួយក្នុងវិធានការរឹតបន្តឹងការនាំចូលអង្ករ ប៉ុន្តែលោកទទូចឲ្យស្ថាប័នពាក់ព័ន្ធត្រូវអនុវត្តជាក់ស្ដែងឲ្យមានប្រសិទ្ធភាព។
អ្នកនាំពាក្យក្រសួងពាណិជ្ជកម្ម លោកស្រី សឿង សុផារី មានប្រសាសន៍ថា ដោយអនុវត្តរបបទីផ្សារសេរី និងបរិបទអាស៊ាន រដ្ឋាភិបាលមិនអាចបិទការនាំចូលអង្ករបាននោះទេ។ យើងប្រកាសប្រាប់បរទេស អ្នកក្នុងតំបន់ថាយើងអនុវត្តសេដ្ឋកិច្ចទីផ្សារសេរី។ បើយើងប្រកាសថាបិទបែបណ្នឹង វាជារឿងមិនល្អសម្រាប់ប្រទេស»។
ឆ្លើយតបនឹងសំណួរថា តើរដ្ឋាភិបាលអាចអនុវត្តដូចប្រទេសថៃ ដែលប្រើរបាំងមិនមែនពន្ធគយមកលើការនាំចូលផលិតផលកសិកម្មពីកម្ពុជា?។ អ្នកនាំពាក្យក្រសួងពាណិជ្ជកម្មរូបនេះ អះអាងដូច្នេះថា៖« យើងមិនធ្វើតាមប្រទេសគេទេ វាអត់សូវចំណេញអ្វីប៉ុន្មាន ហើយសមត្ថភាពបច្ចេកទេសយើងនៅទន់ខ្សោយនៅឡើយ បើយើងធ្វើដូចគេក៏អត់សូវមានប្រសិទ្ធភាពដែរ។ យើងខាតក្នុងរយៈពេលខ្លី តែចំណេញក្នុងរយៈវែង»។
លោកស្រី សឿង សុផារី អះអាងថា ខណៈដែលតម្លៃស្រូវក្នុងស្រុកទាប ពាណិជ្ជករនឹងងាកមកទិញស្រូវក្នុងស្រុកវិញ។ លោកស្រីនិយាយថា៖«តម្លៃស្រូវអង្ករយើងថ្លៃជាងប្រទេសជិតខាង ដែលនាំឲ្យឈ្មួញចង់បានប្រាក់ចំណេញច្រើន ងាកទៅនាំចូលអង្ករពីក្រៅ ប៉ុន្តែស្រូវយើងធ្លាក់ថ្លៃដូចនេះ គាត់នឹងងាកមកទិញស្រូវក្នុងស្រុក ហើយណាមួយគាត់មិនចំណាយថ្លៃដឹកជញ្ជូន»។
លោក ច័ន្ទ សុផល នាយកមជ្ឈមណ្ឌលសិក្សាគោលនយោបាយ ថ្លែងថា ការបិទ ឬមិនបិទអង្ករនាំចូល រដ្ឋាភិបាលត្រូវពិនិត្យលក្ខខណ្ឌច្បាប់ សន្ធិសញ្ញានានា និងថ្លឹងថ្លែងពីផលប្រយោជន៍ពាណិជ្ជកម្ម។ លោកមានប្រសាសន៍ដូច្នេះថា«បើផ្អែកលើតម្រូវការជាក់ស្ដែងក្នុងស្រុក ដើម្បីជួយទីផ្សារអង្ករកម្ពុជា យើងគួរតែបិទមិនឲ្យនាំចូលអង្ករពីបរទេសមែន ប៉ុន្តែការបិទនេះគឺអាចជាបញ្ហា បើសិនមិនអនុលោមកិច្ចព្រមព្រៀងដែលមាន»។
លោកបន្តទៀតថា៖«ទី២ បើយើងធ្វើខុសនឹងកិច្ចព្រមព្រៀង ក៏ចេះតែធ្វើបានដែរ ប៉ុន្តែអាចមានផលលំបាកដែរ ឧទាហរណ៍ថា វៀតណាមមិនឲ្យស្រូវយើងចូលទៅគេវិញ ដែលតាមការប៉ាន់ស្មាន ២ភាគ៣នៃស្រូវដែលលើសតម្រូវការក្នុងស្រុក ត្រូវបានវៀតណាមប្រមូលទិញ ថាតើនឹងមានអ្វីកើតឡើង?»។ «ជាក់ស្តែងក្នុងខែកន្លងមកនេះ គឺក្រុមហ៊ុនវៀតណាមអត់បានមកទិញទេ រោងម៉ាស៊ីនក្នុងស្រុកអត់មានលទ្ធភាពទិញទាំងអស់ផង នេះគ្រាន់តែកូនរដូវប្រមូលផលតូចផង ចុះទម្រាំរដូវប្រមូលផលធំ»។ នេះបើតាមលោក ច័ន្ទ សុផល ដែលបានជំរុញរដ្ឋាភិបាលក្ដាប់តួលេខនាំចូល-ចេញស្រូវអង្ករឲ្យបានជាក់លាក់ ដើម្បីងាយស្រួលអនុវត្តវិធានការពាក់ព័ន្ធនានា។
នៅខែមិថុនាឆ្នាំនេះ ក្រសួងសេដ្ឋកិច្ច និងហិរញ្ញវត្ថុ បានប្រកាសដំឡើងតម្លៃគោលអង្ករនាំចូល ដែលអនុញ្ញាតឲ្យនាំចូលអង្ករដែលមានតម្លៃពី៣០០ដុល្លារ ដល់៦០០ដុល្លារក្នុង១តោនប៉ុណ្ណោះ៕
Tag:
អង្ករ
ច័ន្ទ សុផល
ហ៊ុន ឡាក់
សឿង សុផារី
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
4 ថ្ងៃ
