ជាតិ
សុវត្តិភាព ចរាចរណ៍
×![]()
ដោយ: ថ្មីៗ
ភ្នំពេញ៖ មនុស្ស ៨នាក់បានស្លាប់ និងរងរបួសស្រាល ២៤នាក់ ក្នុងករណីគ្រោះថ្នាក់ចរាចរណ៍ ចំនួន ២៤លើក ( យប់៧លើក ) នៅទូទាំងប្រទេសកាលពីថ្ងៃទី២៩ ខែកញ្ញា ឆ្នាំ២០១៦។ នេះបើតាមការផ្សាយរបស់អគ្គស្នងការដ្ឋាននគរបាលជាតិ។
តាមការផ្សាយរបស់អគ្គស្នងការដ្ឋាននគរបាលជាតិ យានយន្តសរុបចំនួន ២៧គ្រឿង បានខូចខាតក្នុងករណីគ្រោះថ្នាក់ចរាចរណ៍ទាំង១៥លើកនេះ។ យានយន្តទាំងនោះ រួមមាន ម៉ូតូចំនួន ១៧គ្រឿង រថយន្តធុនតូចចំនួន ៦គ្រឿង រថយន្តធុនធំ ២គ្រឿង និងយានផ្សេងៗ ចំនួន ២គ្រឿង។
តាមការផ្សាយដែលផ្អែកលើរបាយការណ៍ពីនាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ មូលហេតុនាំឲ្យមានករណីគ្រោះថ្នាក់ចរាចរណ៍ គឺការបើកបរល្មើសល្បឿន, បត់គ្រោះថ្នាក់, ស្រវឹង, មិនគោរពសិទ្ធិ, មិនប្រកាន់ស្តាំ និងប្រជែង។ រីឯ អ្នកគ្រោះថ្នាក់ចរាចររណ៍មិនពាក់មួកសុវត្ថិភាពចំនួន ១៦នាក់ (យប់ ៦នាក់)។ ករណីគ្រោះថ្នាក់ភាគច្រើន កើតឡើង ក្នុងខេត្តបន្ទាយមានជ័យ១លើក (ស្លាប់៣នាក់ និងរបួស១នាក់), ស្វាយរៀង ២លើក( ស្លាប់១នាក់ និងរបួស ២នាក់), សៀមរាប២លើក (ស្លាប់ ១នាក់ និងរបួស១នាក់), ខេត្តកណ្តាល ១លើក (ស្លាប់១នាក់ និងរបួស២នាក់) , កំពង់ស្ពឺ១លើក (ស្លាប់១នាក់) និង ខេត្តព្រៃវែង១លើក (ស្លាប់១នាក់)។
ចំពោះត្រួតពិនិត្យអនុវត្តច្បាប់ចរាចរណ៍ផ្លូវគោកទូទាំងប្រទេស កាលថ្ងៃទី២៩ កញ្ញានេះ យានយន្តល្មើសមានចំនួនសរុប ២,០៣៨គ្រឿង ក្នុងនោះសមត្ថកិច្ចបានអប់រំណែនាំចំនួន ៥៩៥គ្រឿង និងពិន័យសរុប ចំនួន ១,៤៤៣គ្រឿង៕
© រក្សាសិទ្ធិដោយ thmeythmey.com
