English-Français
លោក Pierre Gillette៖«ទស្សនកិច្ច ដឺហ្គោល បង្ហាញពីចំនុចកំពូលនៃមិត្តភាពកម្ពុជាបារាំង»
×![]()
កាលពីឆ្នាំ១៩៩៦ លោក ព្យែរ ហ្ស៊ីឡែត (Pierre Gillette) ដែលជាអតីតនិពន្ធនាយកកាសែតភាសាបារាំង Cambodge Soir នៅកម្ពុជា ធ្លាប់បានបោះពុម្ពផ្សាយលេខពិសេសក្នុងឱកាសខួប៣០ឆ្នាំនៃដំណើរទស្សនកិច្ចលោកប្រធានាធិបតីបារាំង ដឺហ្គោល នៅកម្ពុជា។ នៅថ្ងៃនេះ ស្ថានទូតបារាំង និងក្រសួងការបរទេសកម្ពុជាបានរៀបចំរួមគ្នាពិធីរំលឹកខួប៥០ឆ្នាំនៃដំណើរទស្សនកិច្ចរបស់លោកឧត្តមសេនីយ៍ ដឺហ្គោលនេះទៀត។ សម្រាប់អ្នកកាសែតជនជាតិបារាំងដ៏មានពិសោធន៍ផ្នែកនយោបាយរូបនេះ ទស្សនកិច្ចរបស់លោក ដឺហ្គោល នៅកម្ពុជាក្នុងខែកញ្ញាឆ្នាំ១៩៦៦នោះ បានបញ្ជាក់ពីកម្រិតកំពូលនៃមិត្តភាពរវាងប្រទេសទាំងពីរ ក្រោយពេលកម្ពុជាទទួលឯករាជ្យពីបារាំង។
សូមលោកអ្នកស្តាប់បទសម្ភាសន៍ជាភាសាបារាំងរវាងលោក គី សុខលីម និងលោក Pierre Gillette:
មានចំនុចសំខាន់ពីរដែលត្រូវបានលើកឡើងនៅក្នុងបទសម្ភាសន៍នេះ។ ទីមួយគឺអត្ថន័យនៃសេចក្តីថ្លែងការណ៍នយោបាយថ្នាក់តំបន់របស់លោកឧត្តមសេនីយ ដឺហ្គោល ពហុកីឡដ្ឋានជាតិអូឡាំពិក នៅចំពោះមុខពលរដ្ឋខ្មែរប្រមាណ១០ម៉ឺននាក់។ លោក Pierre Gillette បានរំលឹកថា សេចក្តីថ្លែងការណ៍ភ្នំពេញរបស់លោក ដឺហ្គោល បានគាំទ្រនយោបាយអព្យាក្រឹតរបស់សម្តេចនរោត្តម សីហនុ ហើយបានប្រាប់ទៅសហរដ្ឋអាមេរិកឲ្យបញ្ចប់សង្គ្រាម និងវិលមករកតុពិភាក្សាដើម្បីស្វែងរកសន្តិភាពក្នុងតំបន់។ ទីពីរ ដែលទាក់ទងនឹងអត្ថន័យនៃទស្សនកិច្ចរបស់ឧត្តមសេនីយ៍ ដឺហ្គោល នៅកម្ពុជាក្នុងឆ្នាំ១៩៦៦នោះ សម្រាប់លោក Pierre Gillette វាគឺជាការបង្ហាញអំពីការឡើងដល់កម្រិតកំពូលនៃមិត្តភាពរវាងប្រទេសទាំងពីរ ក្រោយកម្ពុជាទទួលបានឯករាជ្យ៕
Tag:
De Gaulle
discours de Phnom Penh
© រក្សាសិទ្ធិដោយ thmeythmey.com
