២៣តុលា៖ សម្តេច ហ៊ុន សែន អំពាវនាវឲ្យពលរដ្ឋចូលរួមថែរក្សាសន្តិភាព

ជាតិ

២៣តុលា៖ សម្តេច ហ៊ុន សែន អំពាវនាវឲ្យពលរដ្ឋចូលរួមថែរក្សាសន្តិភាព

23, Oct 2016 , 3:10 pm

រូបភាព

ដោយ: ថ្មីៗ

ក្នុងថ្ងៃខួបឆ្នាំទី២៥ នៃកិច្ចព្រមព្រៀងសន្តិភាពទីក្រុងប៉ារីសស្តីពីកម្ពុជា តួអង្គស្ថាបនិកសំខាន់មួយរូបក្នុងកិច្ចព្រមព្រៀងសន្តិភាពនេះ បានបន្តសេចក្តីអំពាវនាវក្នុងគោលដៅពង្រឹងសន្តិភាពដដែល ដែលលោកបានចាប់ផ្តើមតាំងពីទស្សវត្សរ៍១៩៨៧។

ថ្ងៃទី២៣តុលាឆ្នាំ២០១៦ សម្តេចនាយករដ្ឋមន្ត្រី ហ៊ុន សែន បានបង្ហោះរូបថតអនុស្សាវរីយ៍មួយចំនួនតូច នៅលើទំព័រហ្វេសប៊ុក ដែលបង្ហាញអំពីជំនួបជាច្រើនរវាងឯកឧត្តម ហ៊ុន សែន និង ព្រះអង្គម្ចាស់ នរោត្តម សីហនុ ដែលក្រោយមកបាននាំដល់ការចុះហត្ថលេខាលើកិច្ចព្រមព្រៀងសន្តិភាពទីក្រុងប៉ារីសស្តីពីកម្ពុជា។

ជាមួយរូបថតអនុស្សាវរីយ៍៨សន្លឹក គេក៏អាចឃ្លាមួយបន្ថែមទៀតនៅលើទំព័រហ្វេសប៊ុករបស់សម្តេច ហ៊ុន សែន៖«សូមជនរួមជាតិចូលរួមថែរក្សាសន្តិភាព ដើម្បីប្រទេសជាតិយើង មានឱកាសអភិវឌ្ឍកាន់តែរីកចម្រើន ជឿនលឿនទៅមុខទៀត»។

សម្តេចនាយករដ្ឋមន្ត្រី ក៏បានយកថ្ងៃខួប២៥ឆ្នាំនៃកិច្ចព្រមព្រៀងសន្តិភាពនេះ ដើម្បីជួបជុំជាមួយអាជ្ញាធរ មន្ត្រីរាជការ និងកងរាជអាវុធហត្ថប្រចាំរាជធានីភ្នំពេញផងដែរ។ វាជាឱកាសដែលសម្តេចបានមានប្រសាសន៍រំឮកឡើងវិញអំពីការចរចាសន្តិភាពរវាងសម្តេច និងព្រះបរមរតនកោដ្ឋ ប្រាប់មន្ត្រីរាជការ និងអាជ្ញាធររាជធានីភ្នំពេញជាច្រើនពាន់នាក់នោះ។