ពីនេះ ពីនោះ
ចាបពូកទ្រូងឆ្នូត ជាបក្សីធ្វើសម្បុកមានលក្ខណៈពិសេស ហើយស្អាតជាងគេ
× ចាបពូកទ្រូងឆ្នូត គឺជាឈ្មោះសត្វស្លាបមួយប្រភេទ ដែលមានរូបរាងតូច។ បក្សីប្រភេទនេះ ចំពោះបក្សីឈ្មោលនៅរដូវបន្តពូជ មានបន្ទូលក្បាលពណ៌លឿង មុខពណ៌ខ្មៅ ទ្រូងពណ៌ត្នោតចាស់ និងមានឆ្នូតៗខ្មៅ ជាជួរ ខ្នងមានពណ៌ក្រម៉ៅ និងមានឆ្នូតខ្មៅធំៗ។ ប៉ុន្តែសម្រាប់បក្សីឈ្មោលនេះដដែល នៅរដូវមិនបន្តពូជវិញ មានចិញ្ចើមពណ៌លឿងខ្ចី ត្រចៀកមានពណ៌ខ្មៅឆូតលឿង។
ចំពោះបក្សីឈ្មោលទៀតសោត បានបែងចែកជាប្រភេទ peguensis ដែលនៅរដូវបន្តពូជ មានឆ្នូតទ្រូង និងខ្នងមានពណ៌ខ្មៅជាំ។ ចំពោះជីវសាស្ត្ររស់នៅវិញ បក្សីនេះ ធ្វើសម្បុកមានលក្ខណៈពិសេស ហើយស្អាតជាងគេ ដែលមានផ្លូវចូលពីក្រោម ហើយបក្សីឈ្មោលសម្បុក និងបក្សីមានសម្បុកខ្លី។ ចំណែកតំបន់ដែលបក្សីនេះសម្បូររស់នៅ មានដូចជា តំបន់កសិកម្ម វាលស្មៅ វាលភក់ និងជាពិសេស នៅក្បែរមាត់ទឹក ដែលមានរយៈកម្ពស់មិនលើសពី ៩១៥ ម៉ែត្រ។ ចំណែកការបន្តពូជ គឺចាប់ពីខែឧសភា ដល់សីហា ពងចំនួន ពី២ ទៅ៥ពង ពណ៌ស៕
ដកស្រង់ពីសៀវភៅ៖ សត្វស្លាបនៃប្រទេសកម្ពុជា, រៀបរៀងដោយលោកតាន់ សេដ្ឋា និង កូលីន ភូល
Tag:
បក្សីនៅប្រទេសកម្ពុជា
© រក្សាសិទ្ធិដោយ thmeythmey.com