សង្គមអន្តរជាតិ
អន្តរជាតិ
កុមារអាយុ១២ឆ្នាំម្នាក់ ធ្វើតុក្កតាខ្លាឃ្មុំជាង៨០០ដើម្បីចែកដល់កុមារដែលសម្រាកនៅពេទ្យ
×![]()
ដោយ: ធីតា
សប្បុរសធម៌មិនគិតពីអាយុនោះឡើយ។ កុមារាអូស្ត្រាលីម្នាក់ បានក្លាយជាគំរូរបស់មនុស្សទូទៅ។ ត្រឹមអាយុ១២ឆ្នាំប៉ុណ្ណោះ Campbell Remess បានដេរ និងច្នៃជាសត្វខ្លាឃ្មុំជាង៨០០ ដើម្បីធ្វើជាកាដូដល់កុមារផ្សេងទៀតដែលមានជំងឺ។
រយៈពេល៣ឆ្នាំមកហើយ Campbell Remess បានចាប់ដេរ និងច្នៃជាសត្វខ្លាឃ្មុំដើម្បីចែកដល់កុមារដែលសម្រាកព្យាបាលជំងឺនៅមន្ទីរពេទ្យ។ យោងតាមការផ្សាយរបស់គេហទំព័រ Essential Kids របស់អូស្ត្រាលី Campbell ដែលមានរហស្សនាមថា «Bumble» តែងតែចំណាយប្រាក់ខ្លួនឯងដើម្បីទិញសម្ភារ ដូចជាសំឡី រោម និងក្រណាត់ ហើយបង្កើតជាតុក្កតាខ្លាឃ្មុំ ដោយប្រើម៉ាស៊ីនរបស់ម្តាយ។
Campbell បានផ្តួចផ្តើមគំនិតសប្បុរសធម៌តាំងពីអាយុ៩ឆ្នាំ ដោយគេតែងតែសួរឪពុកម្តាយទាក់ទងនឹងការជូនកាដូដល់កុមារនៅតាមមន្ទីរពេទ្យនាពិធីបុណ្យណូអែល ប៉ុន្តែឪពុកម្តាយប្រាប់ថា ត្រូវចំណាយច្រើនណាស់។
ទោះបីជាយ៉ាងណាក៏ដោយ Campbell មិនរាថយឡើយ ហើយគេក៏មានគំនិតបង្កើតវាដោយខ្លួន ដោយមិនចាំបាច់ចំណាយលុយច្រើនទិញ។ បន្ថែមពីលើនេះ គេបានបង្កើតទំព័រហ្វេសប៊ុកមួយដែលមានឈ្មោះថា «Project 365»។
គម្រោងរបស់ Campbell មានការទទួលស្គាល់ និងគាំទ្រជាច្រើន ដែលនាំឲ្យទទួលបានការឧបត្ថម្ភមួយចំនួនដើម្បីទិញសម្ភារ។ កុមារសប្បុរសរូបនេះ ក៏ត្រូវបានសម្ភាសដោយទូរទស្សន៍ និងសារព័ត៌មានធំៗផងដែរ រួមមាន ABC, SBS, TODAY និង BBC ជាដើម។
ជាមួយគ្នានេះផងដែរ Campbell ទទួលបានរង្វាន់ Peoples Choice Award ក្នុងព្រឹត្តិការណ៍ Tas Community Achievement Awards ក្នុងប្រទេសអូស្ត្រាលីផងដែរ។ មិនត្រឹមតែកុមារនោះឡើយ ឪពុកម្តាយកុមារទាំងនោះ តែងតែដឹងគុណចំពោះ Campbell ជានិច្ច ពីព្រោះចិត្តសប្បុរសរបស់គេ ជួយផ្តល់កម្លាំងជាច្រើនដល់កូនៗរបស់ពួកគាត់៕
រយៈពេល៣ឆ្នាំមកហើយ Campbell Remess បានចាប់ដេរ និងច្នៃជាសត្វខ្លាឃ្មុំដើម្បីចែកដល់កុមារដែលសម្រាកព្យាបាលជំងឺនៅមន្ទីរពេទ្យ។ យោងតាមការផ្សាយរបស់គេហទំព័រ Essential Kids របស់អូស្ត្រាលី Campbell ដែលមានរហស្សនាមថា «Bumble» តែងតែចំណាយប្រាក់ខ្លួនឯងដើម្បីទិញសម្ភារ ដូចជាសំឡី រោម និងក្រណាត់ ហើយបង្កើតជាតុក្កតាខ្លាឃ្មុំ ដោយប្រើម៉ាស៊ីនរបស់ម្តាយ។
Campbell បានផ្តួចផ្តើមគំនិតសប្បុរសធម៌តាំងពីអាយុ៩ឆ្នាំ ដោយគេតែងតែសួរឪពុកម្តាយទាក់ទងនឹងការជូនកាដូដល់កុមារនៅតាមមន្ទីរពេទ្យនាពិធីបុណ្យណូអែល ប៉ុន្តែឪពុកម្តាយប្រាប់ថា ត្រូវចំណាយច្រើនណាស់។
ទោះបីជាយ៉ាងណាក៏ដោយ Campbell មិនរាថយឡើយ ហើយគេក៏មានគំនិតបង្កើតវាដោយខ្លួន ដោយមិនចាំបាច់ចំណាយលុយច្រើនទិញ។ បន្ថែមពីលើនេះ គេបានបង្កើតទំព័រហ្វេសប៊ុកមួយដែលមានឈ្មោះថា «Project 365»។
គម្រោងរបស់ Campbell មានការទទួលស្គាល់ និងគាំទ្រជាច្រើន ដែលនាំឲ្យទទួលបានការឧបត្ថម្ភមួយចំនួនដើម្បីទិញសម្ភារ។ កុមារសប្បុរសរូបនេះ ក៏ត្រូវបានសម្ភាសដោយទូរទស្សន៍ និងសារព័ត៌មានធំៗផងដែរ រួមមាន ABC, SBS, TODAY និង BBC ជាដើម។
ជាមួយគ្នានេះផងដែរ Campbell ទទួលបានរង្វាន់ Peoples Choice Award ក្នុងព្រឹត្តិការណ៍ Tas Community Achievement Awards ក្នុងប្រទេសអូស្ត្រាលីផងដែរ។ មិនត្រឹមតែកុមារនោះឡើយ ឪពុកម្តាយកុមារទាំងនោះ តែងតែដឹងគុណចំពោះ Campbell ជានិច្ច ពីព្រោះចិត្តសប្បុរសរបស់គេ ជួយផ្តល់កម្លាំងជាច្រើនដល់កូនៗរបស់ពួកគាត់៕
Tag:
សប្បុរសធម៌
កុមារអូស្ត្រាលី
© រក្សាសិទ្ធិដោយ thmeythmey.com
