មួកត្នោតខ្មែរត្រូវប៉ាន់ ក្នុងថ្ងៃអុំទូក

ជាតិ

មួកត្នោតខ្មែរត្រូវប៉ាន់ ក្នុងថ្ងៃអុំទូក

14, Nov 2016 , 2:38 pm

រូបភាព

ដោយ:

ភ្នំពេញ៖ អាកាសធាតុក្តៅ បានធ្វើឲ្យមួកស្លឹកត្នោតខ្មែរ ត្រូវប៉ាន់ខ្លាំង នៅបណ្តោយទន្លេចតុមុខ ទីដែលប្រជាពលរដ្ឋទាំងនៅក្រុងភ្នំពេញ និងតាមបណ្តាខេត្ត កំពុងទស្សនាការប្រណាំងទូក ង ។

លោកស្រី វិត ជាអ្នកលក់មួកស្លឹកត្នោតម្នាក់ ក្នុងចំណោមអ្នកលក់ដែលភាគច្រើនមានវ័យចាស់ផ្សេងទៀត។ ស្ត្រីវ័យ៦១ឆ្នាំរូបនេះ បានថ្លែងប្រាប់សារព័ត៌មានថ្មីៗថា មួកត្នោតនេះ គាត់ទទួលបន្តពីឈ្មួញមក មិនមែនគាត់ធ្វើដោយខ្លួនឯងនោះទេ។ មួកមួយ លោកស្រី លក់ក្នុងតម្លៃ ២៥០០រៀល ទៅ៣០០០ រៀល ។

លោកស្រី វិតបញ្ជាក់ទៀតថា នៅថ្ងៃទី១៣ ម្សិលមិញ ដែលជាថ្ងៃបុណ្យអុំទូកទី១ លោកស្រី ចំណេញបានប្រមាណ៦ម៉ឺនរៀល ហើយនៅថ្ងៃទី២នេះ ស្ត្រីដែលខំស្កាត់ពីភូមិភ្នំបាត ជិតភ្នំព្រះរាជទ្រព្យរូបនេះ រំពឹងថាអាចបានចំណេញច្រើនជាងថ្ងៃទី១ ខណៈមេឃក៏ក្តៅ ហើយមួក ក៏លក់ដាច់ជាហូហែរនោះ។ លោកស្រី វិត បញ្ជាក់ដូច្នេះថា៖ «ថ្ងៃនេះលក់ដាច់គ្រាន់បើដែរ»។

សូមអញ្ជើញទស្សនារូបភាពដូចតទៅ៖