ជាតិ
សិល្បះ
វិទ្យាស្ថានបារាំងបញ្ចាំងភាពយន្តឯកសារស្តីពីជីវិតអ្នកនិពន្ធ ឃុន ស្រ៊ុន នៅថ្ងៃសៅរ៍នេះ
× «ចេតិយសម្រាប់ ឃុន ស្រ៊ុន» ( Un tombeau pour Khun Srun) គឺជាចំណងជើងភាពយន្តឯកសារដែលជាស្នាដៃរបស់សមិទ្ធិករជនជាតិបារាំងលោក Eric Galmard។
ភាពយន្តឯកសារនេះនឹងត្រូវដាក់បញ្ចាំងនៅវិទ្យាស្ថានភាសាបារាំងនៅវេលាម៉ោង៧យប់ថ្ងៃសៅរ៍ទី១៩ខែវិច្ឆិកានេះ។ សមិទ្ធិករ Eric Galmard ក៏នឹងមានវត្តមាននៅក្នុងការដាក់បញ្ចាំងភាពយន្តនោះដែរ។ សំបុត្រចូលទស្សនាត្រូវលក់ក្នុងតម្លៃ១ដុល្លារ និង២ដុល្លារ។ សិស្សនៃវិទ្យាស្ថានបារាំងអាចចូលទស្សនាដោយឥតគិតថ្លៃ។
លោក ឃុន ស្រ៊ុន ជាអ្នកនិពន្ធដែលមានឈ្មោះបោះសំឡេងមួយរូបនៅក្នុងទសវត្សរ៍១៩៦០ និង១៩៧០។ លោកបានរត់ចូលព្រៃម៉ាគីក្នុងឆ្នាំ១៩៧៣ ហើយបន្ទាប់មកត្រូវបានសម្លាប់នៅក្នុងឆ្នាំ១៩៧៨ ពោលគឺតែ២សប្តាហ៍មុនរបបអាវខ្មៅ ប៉ុល ពត ត្រូវបានផ្តួលរំលំ។
អ្នកទស្សនានឹងបានស្គាល់អ្នកនិពន្ធ ឃុន ស្រ៊ុន កាន់តែច្បាស់តាមរយៈសាច់ញាតិ និងសាក្សីជាច្រើនដែលសមិទ្ធិករបង្ហាញនៅក្នុងភាពយន្តឯកសារនេះ៕
© រក្សាសិទ្ធិដោយ thmeythmey.com