ខ្មែរក្រហម
ជាតិ
អាមេរិកស្វាគមន៍សាលដីកាតុលាការខ្មែរក្រហមដែលឲ្យ ខៀវ សំផន និងនួន ជា ជាប់គុកមួយជីវិត
រូបពីECCC
×![]()
ដោយ: ថ្មីៗ
រដ្ឋាភិបាលអាមេរិក បានសម្តែងការពេញចិត្តនឹងសាលដីការបស់អង្គជំនុំជម្រះតុលាការកំពូលនៃសាលាក្តីខ្មែរក្រហមនៅថ្ងៃពុធ ដែលបានសម្រេចរក្សាសាលក្រម របស់អង្គជំនុំជម្រះសាលាដំបូង ឲ្យលោក នួន ជា និងលោក ខៀវ សំផន ជាប់ពន្ធនាគារអស់មួយជីវិត។
សេចក្តីថ្លែងការណ៍របស់ស្ថានទូតអាមេរិកប្រចាំកម្ពុជានៅថ្ងៃពុធ បានលើកឡើងថា តុលាការខ្មែរក្រហម បានកាត់ទោសលោក ខៀវ សំផន និងលោក នួន ជា ក្នុងសំណុំរឿង ០០២ វគ្គ១ ពីបទឧក្រិដ្ឋប្រឆាំងនឹងមនុស្សជាតិ ការធ្វើទុក្ខទោសដោយសារហេតុផលនយោបាយ និងអំពើអមនុស្សធម៌ដទៃទៀត ទាក់ទងនឹងការជន្លៀសប្រជាជនចេញពីទីក្រុងភ្នំពេញដោយបង្ខំ កាលពី ខែមេសា ឆ្នាំ ១៩៧៥ ។ «សម័យខ្មែរក្រហមកាន់អំណាចគឺជាយុគសម័យដ៏ខ្មៅងងឹតបំផុត នៅក្នុងប្រវត្តិសាស្ត្រនៃប្រទេសកម្ពុជា ហើយសាលដីកាដែលចេញនៅថ្ងៃនេះធានាថា មេដឹកនាំកំពូលពីររូបក្នុងចំណោម មេដឹកនាំកំពូលៗនៃរបបនេះត្រូវបានចាប់អោយទទួលខុសត្រូវ»។ នេះបើតាមសេចក្តីថ្លែងការណ៍របស់ស្ថានទូតអាមេរិកដដែល ហើយក៏បន្តយ៉ាងនេះថា៖«សហរដ្ឋអាមេរិកនឹងបន្តគាំទ្របេសកកម្មរបស់ ECCC ក្នុងការនាំមកនូវយុត្តិធម៌មួយកម្រិត សម្រាប់ប្រជាជនកម្ពុជា និងលាតត្រដាងពីបទឧក្រិដ្ឋដ៏គួរអោយភ័យខ្លាចរបស់ពួកខ្មែរក្រហម។
សូមរម្លឹកថា កាលពីថ្ងៃទី ៧ ខែសីហា ឆ្នាំ២០១៤ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) រកឃើញថា ជនជាប់ចោទមានពិរុទ្ធភាពពីបទឧក្រិដ្ឋប្រឆាំងនឹងមនុស្សជាតិ និងបានផ្តន្ទាទោសដាក់ពន្ធនាគារជនជាប់ចោទទាំងពីរ អស់មួយជីវិត។ លោក នួន ជា អតីតអនុលេខាបក្សកុម្មុយនីស្តកម្ពុជា និងខៀវ សំផន អតីតប្រមុខរដ្ឋនៃកម្ពុជាប្រជាធិបតេយ្យ បានប្តឹងសារទុក្ខនឹងសាលក្រមរបស់អង្គជំនុំជម្រះសាលាដំបូង ដោយម្នាក់ៗបានលើកឡើងទឡ្ហីករណ៍បណ្តឹងសារទុក្ខរៀងៗខ្លួន ចំនួន២២៣ និង១៤៨ ៕
សេចក្តីថ្លែងការណ៍របស់ស្ថានទូតអាមេរិកប្រចាំកម្ពុជានៅថ្ងៃពុធ បានលើកឡើងថា តុលាការខ្មែរក្រហម បានកាត់ទោសលោក ខៀវ សំផន និងលោក នួន ជា ក្នុងសំណុំរឿង ០០២ វគ្គ១ ពីបទឧក្រិដ្ឋប្រឆាំងនឹងមនុស្សជាតិ ការធ្វើទុក្ខទោសដោយសារហេតុផលនយោបាយ និងអំពើអមនុស្សធម៌ដទៃទៀត ទាក់ទងនឹងការជន្លៀសប្រជាជនចេញពីទីក្រុងភ្នំពេញដោយបង្ខំ កាលពី ខែមេសា ឆ្នាំ ១៩៧៥ ។ «សម័យខ្មែរក្រហមកាន់អំណាចគឺជាយុគសម័យដ៏ខ្មៅងងឹតបំផុត នៅក្នុងប្រវត្តិសាស្ត្រនៃប្រទេសកម្ពុជា ហើយសាលដីកាដែលចេញនៅថ្ងៃនេះធានាថា មេដឹកនាំកំពូលពីររូបក្នុងចំណោម មេដឹកនាំកំពូលៗនៃរបបនេះត្រូវបានចាប់អោយទទួលខុសត្រូវ»។ នេះបើតាមសេចក្តីថ្លែងការណ៍របស់ស្ថានទូតអាមេរិកដដែល ហើយក៏បន្តយ៉ាងនេះថា៖«សហរដ្ឋអាមេរិកនឹងបន្តគាំទ្របេសកកម្មរបស់ ECCC ក្នុងការនាំមកនូវយុត្តិធម៌មួយកម្រិត សម្រាប់ប្រជាជនកម្ពុជា និងលាតត្រដាងពីបទឧក្រិដ្ឋដ៏គួរអោយភ័យខ្លាចរបស់ពួកខ្មែរក្រហម។
សូមរម្លឹកថា កាលពីថ្ងៃទី ៧ ខែសីហា ឆ្នាំ២០១៤ អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក) រកឃើញថា ជនជាប់ចោទមានពិរុទ្ធភាពពីបទឧក្រិដ្ឋប្រឆាំងនឹងមនុស្សជាតិ និងបានផ្តន្ទាទោសដាក់ពន្ធនាគារជនជាប់ចោទទាំងពីរ អស់មួយជីវិត។ លោក នួន ជា អតីតអនុលេខាបក្សកុម្មុយនីស្តកម្ពុជា និងខៀវ សំផន អតីតប្រមុខរដ្ឋនៃកម្ពុជាប្រជាធិបតេយ្យ បានប្តឹងសារទុក្ខនឹងសាលក្រមរបស់អង្គជំនុំជម្រះសាលាដំបូង ដោយម្នាក់ៗបានលើកឡើងទឡ្ហីករណ៍បណ្តឹងសារទុក្ខរៀងៗខ្លួន ចំនួន២២៣ និង១៤៨ ៕
Tag:
ខៀវ សំផន
នួន ជា
តុលាការខ្មែរក្រហម
© រក្សាសិទ្ធិដោយ thmeythmey.com
