ជាតិ
សង្គមជាតិ
ប្រតិបត្តិករទេសចរណ៍ជួបជុំគ្នាដើម្បីរកគន្លឹះធ្វើឲ្យវិស័យទេសចរណ៍មាននិរន្តរភាព
×![]()
ដោយ: ថ្មីៗ
សៀមរាប៖ ប្រតិបត្តិករទេសចរណ៍នៅក្នុងខេត្តសៀមរាប បានរៀបចំកម្មវិធីជួបជុំគ្នាមួយ ក្នុងបំណងចែករំលែកពីការងារផ្សេងៗទាក់ទងនឹងវិស័យទេសចរណ៍។ ការជជែក ចែករំលែក និងស្វែងរកដំណោះស្រាយរួមពីការងារទេសចរណ៍ គឺសុទ្ធសឹងជាប្រធានបទ ដែលប្រតិបត្តិករទេសចរណ៍ លើកមកពិគ្រោះគ្នា ធ្វើយ៉ាងណាដើម្បីឲ្យវិស័យដ៏មានសក្តានុពលក្នុងខេត្តទេសចរណ៍សៀមរាបមាននិរន្តរភាព។
លោក ហ្វីលីព កៅ បានប្រាប់អ្នកសារព័ត៌មានក្នុងកម្មវិធីរាត្រីជួបជុំប្រតិបត្តិករទេសចរណ៍ខេត្តសៀមរាបថា នេះជាលើកទី១៣ហើយដែលក្លឹបទេសចរណ៍ខេត្តសៀមរាបរបស់លោក បានរៀបចំកម្មវិធីនេះឡើង។ តាមការបញ្ជាក់របស់លោក ហ្វីលីព កៅ កម្មវិធីនេះធ្វើឡើងជារៀងរាល់ខែ គោលបំណងសំខាន់ជួបជុំប្រត្តិករទេសចរណ៍ទាំងអស់ក្នុងខេត្តសៀមរាប ដើម្បីជួបគ្នា ផ្លាស់ប្តូរយោបល់ និងចែករំលែកនូវបទពិសោធន៍នានា ជុំវិញវិស័យទេសចរណ៍។
បន្ថែមពីលើនេះ លោក ហ្វីលីព កៅ បានបញ្ជាក់ថា លោកចង់ឲ្យសកម្មភាពបែបនេះមានជារហូតទៅ ក្នុងបំណងយ៉ាងណាធ្វើឲ្យប្រាកដថា វិស័យទេសចរណ៍ក្នុងខេត្តសៀមរាប មាននិរន្តរភាព។ ប្រធានក្លឹបទេសចរណ៍ខេត្តសៀមរាប (STC) បានរម្លឹកពីការងារខ្លះៗ ដែលក្រុមរបស់លោកបានចូលរួមជួយសង្គមនាពេលកន្លងមក ដូចជាការយកថវិកាដែលបានពីការរៀបចំពិធីជួបជុំនានា ទៅជួយដល់មន្ទីរពេទ្យកុមារអង្គរ។ល។
លោក ចាន់ សុភា សមាជិកក្លឹបទេសចរណ៍ខេត្តសៀមរាប បានឲ្យដឹងដែរថា វិស័យទេសចរណ៍ គឺជាវិស័យមួយដែលរកចំណូលបានច្រើន ហើយវាក៏ជាវិស័យមួយដែលផុយស្រួយផងដែរ ដូច្នេះចាំបាច់ត្រូវប្រតិបត្តិកទាំងអស់ជួបជជែកគ្នា ដើម្បីស្វែងរកដំណោះស្រាយរួមគ្នា។
គួរបញ្ជាក់ថា ពិធីជួបជុំប្រតិបត្តិករទេសចរណ៍ខេត្តសៀមរាបលើកទី១៣ ធ្វើឡើងនៅរាត្រីថ្ងៃទី២៥ វិច្ឆិកា ឆ្នាំ២០១៦ នៅសណ្ឋាគារហ៊ីលឡក់ ហូថែល និងស្ប៉ា (HILLOCKS Hotel & Spa)។ ប្រតិបត្តិករទេសចរដែលបានចូលរួមកម្មវិធីនេះមានចំនួនប្រមាណជាង១០០នាក់៕
លោក ហ្វីលីព កៅ បានប្រាប់អ្នកសារព័ត៌មានក្នុងកម្មវិធីរាត្រីជួបជុំប្រតិបត្តិករទេសចរណ៍ខេត្តសៀមរាបថា នេះជាលើកទី១៣ហើយដែលក្លឹបទេសចរណ៍ខេត្តសៀមរាបរបស់លោក បានរៀបចំកម្មវិធីនេះឡើង។ តាមការបញ្ជាក់របស់លោក ហ្វីលីព កៅ កម្មវិធីនេះធ្វើឡើងជារៀងរាល់ខែ គោលបំណងសំខាន់ជួបជុំប្រត្តិករទេសចរណ៍ទាំងអស់ក្នុងខេត្តសៀមរាប ដើម្បីជួបគ្នា ផ្លាស់ប្តូរយោបល់ និងចែករំលែកនូវបទពិសោធន៍នានា ជុំវិញវិស័យទេសចរណ៍។
បន្ថែមពីលើនេះ លោក ហ្វីលីព កៅ បានបញ្ជាក់ថា លោកចង់ឲ្យសកម្មភាពបែបនេះមានជារហូតទៅ ក្នុងបំណងយ៉ាងណាធ្វើឲ្យប្រាកដថា វិស័យទេសចរណ៍ក្នុងខេត្តសៀមរាប មាននិរន្តរភាព។ ប្រធានក្លឹបទេសចរណ៍ខេត្តសៀមរាប (STC) បានរម្លឹកពីការងារខ្លះៗ ដែលក្រុមរបស់លោកបានចូលរួមជួយសង្គមនាពេលកន្លងមក ដូចជាការយកថវិកាដែលបានពីការរៀបចំពិធីជួបជុំនានា ទៅជួយដល់មន្ទីរពេទ្យកុមារអង្គរ។ល។
លោក ចាន់ សុភា សមាជិកក្លឹបទេសចរណ៍ខេត្តសៀមរាប បានឲ្យដឹងដែរថា វិស័យទេសចរណ៍ គឺជាវិស័យមួយដែលរកចំណូលបានច្រើន ហើយវាក៏ជាវិស័យមួយដែលផុយស្រួយផងដែរ ដូច្នេះចាំបាច់ត្រូវប្រតិបត្តិកទាំងអស់ជួបជជែកគ្នា ដើម្បីស្វែងរកដំណោះស្រាយរួមគ្នា។
គួរបញ្ជាក់ថា ពិធីជួបជុំប្រតិបត្តិករទេសចរណ៍ខេត្តសៀមរាបលើកទី១៣ ធ្វើឡើងនៅរាត្រីថ្ងៃទី២៥ វិច្ឆិកា ឆ្នាំ២០១៦ នៅសណ្ឋាគារហ៊ីលឡក់ ហូថែល និងស្ប៉ា (HILLOCKS Hotel & Spa)។ ប្រតិបត្តិករទេសចរដែលបានចូលរួមកម្មវិធីនេះមានចំនួនប្រមាណជាង១០០នាក់៕
Tag:
ទេសចរណ៍ខេត្តសៀមរាប
© រក្សាសិទ្ធិដោយ thmeythmey.com
