ពីនេះ ពីនោះ
×![]()
ដោយ: ថ្មីៗ
ភ្នំពេញ៖«ធ្វើស្រែខុសមួយឆ្នាំ ត្រូវមួយឆ្នាំ តែបើទុកដាក់កូនចៅឲ្យមានប្ដីមានប្រពន្ធ ខុសមួយឆ្នាំគឺខុសមួយជីវិត» នេះគឺជាពាក្យចាស់បុរាណដែលតែងតែនិយាយតៗគ្នាមកសម្រាប់ក្រើនរំលឹកដល់កូនចៅមុននឹងសម្រេចចិត្តថានឹងទទួលយក បុរស នារីណាជាប្ដីប្រពន្ធ។ ចុះក្នុងនាមជាបុរស តើត្រូវជ្រើសរើសនារីដែលមានលក្ខណៈសម្បត្តិបែបណាដើម្បីយកមកធ្វើជាគូអនាគតរបស់ខ្លួន?
ដើម្បីចៀសវាងការទទួលរងនូវសេចក្ដីឈឺចាប់ និងស្ដាយក្រោយ បុរសគ្រប់រូបគួរណាស់សង្កេតមើលលក្ខណៈរបស់នារីដូចខាងក្រោម ដើម្បីឲ្យខ្លួនទទួលបាននារីដែលល្អនឹងនាំមកនូវសុខសុភមង្គលឲ្យខ្លួននៅពេលក្លាយជាមិត្តមួយរយឆ្នាំ។ នារីនោះគួរមានលក្ខណៈដូចខាងក្រោម៖
- ជានារីដែលមានប្រាជ្ញា ស្មារតី សត្យារម្មណ៍ស្វាហាប់ រហ័សរហួន ឆាប់ដឹង យល់ហេតុការណ៍មិនចាំបាច់ណែនាំច្រើន
-ជានារីមានគំនិតឆ្លាតវាងវៃ ចេះច្នៃប្រឌិត ជាមនុស្សចេះអភិវឌ្ឍខ្លួន មិនធ្វើខុសដដែលៗ
-ជានារីមិនខ្ជិលច្រអូស មិនទំរន់ មិនចេះពន្យាពេលក្នុងការធ្វើកិច្ចការ។
-ជានារីចេះជួយរក ចេះសន្សំសំចៃ និងទុកដាក់ទ្រព្យរបស់
-ជានារីមានការអៀនខ្មាស់ និងមានចរិតថ្លៃថ្នូរ
-ជានារីមានសន្ដានចិត្តល្អ មិនចិត្តស្រាល ឆាប់ឆេវឆាវ និងខឹងច្រឡោតតោតតូង
-ជានារីចេះរៀបចំខ្លួនបានល្អ មានក្លិនខ្លួនក្រអូប សក់គ្មានចៃ ឬអង្គែ សម្លៀកបំពាក់ភ្លឺស្អាតជាទីពេញចិត្តនៃស្វាមី
-ជានារីមានចិត្តជាកណ្ដាល មិនលម្អៀងខាងសាច់ញាតិខាងណាមួយឡើយ
-ជានារីមានការងារធ្វើឬជំនាញច្បាស់លាស់ ត្រូវមានការងារធ្វើច្បាស់លាស់ មិនមែនមនុស្សតែលតោល
-ជានារីមានចំណេះដឹងស្មើ ឬទាបជាងខ្លួន
-ជានារីមានអាយុតិចជាងខ្លួនទើបល្អប្រសើរ
-ជានារីមានឥរិយាបថ អត្តចរិត អាកប្បកិរិយា មារយាទល្អត្រឹមត្រូវថ្លៃថ្នូរ៕
ដកស្រង់ពីសៀវភៅ៖ ដៃគូជីវិត, រៀបរៀងដោយភិក្ខុលាភសម្បន្នោ សុន ឌឿន
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
