អត្ថបទពាណិជ្ជកម្ម
BNI Cambodiaរៀបចំពិធីជួបជុំប្រចាំឆ្នាំរបស់ខ្លួននៅសណ្ឋាគារ Intercontinantal
×
បណ្តាញអ្នកជំនួញអន្តរជាតិប្រចាំកម្ពុជាហៅកាត់ថា BNI Cambodia បានរៀបចំពិធីជួបជុំប្រចាំឆ្នាំរបស់ខ្លួនពេញមួយថ្ងៃនៅ ថ្ងៃទី៣ ខែធ្នូ ឆ្នាំ២០១៦នេះ នៅសណ្ឋាគារ Intercontinantal ដោយមានសមាជិកជាអ្នកជំនួញនៅក្នុងស្រុក និង BNI Asean ប្រមាណជាង៣០០នាក់ចូលរួមចែករំលែកបទពិសោធន៍ និងឱកាសពាណិជ្ជកម្មរវាងគ្នាទៅវិញទៅមក។
លោក ឡុក ស្មិតសាមឌី ជានាយកបណ្តាញអ្នកជំនួញអន្តរជាតិប្រចាំនៅកម្ពុជា “BNI Cambodia” បានមានប្រសាសន៍ថា BNI Cambodia ត្រូវបាននាំចូលមកក្នុងប្រទេសកម្ពុជាជាលើកដំបូងតាមរយៈការទិញសិទ្ធិពាណិជ្ជកម្មនៅឆ្នាំ២០១៣ ដោយគិតមកដល់ពេលនេះមានម្ចាស់អាជីវកម្មជិត៣០០នាក់បានកំពុងប្រើប្រាស់ប្រព័ន្ធ BNI ដើម្បីពង្រីកអាជីវកម្មរបស់គាត់។
លោកបានបន្តថា បច្ចុប្បន្ននេះ BNI Cambodia មាន៦សាខាដែលសមាជិកសរុបចំនួន២៨១នាក់ បង្កើតឱកាសអាជីវកម្មឲ្យគ្នាទៅវិញទៅមកចំនួន១៨.០៥០ឱកាស បើគិតជាសាច់ប្រាក់ចំនួន ២៧លានដុល្លារ និងបង្កើតការងារចំនួន១២០០កន្លែងដល់ប្រទេសកម្ពុជាផងដែរ។ ប្រព័ន្ធ BNI បានបង្កើតឡើងនៅឆ្នាំ១៩៨៥ ដោយលោក Ivan Misner ហើយគិតមកដល់បច្ចុប្បន្ននេះមានសមាជិក២១០០០០នាក់ រីឯសាខាចំនួន៧៧៤៩ និង៧៣ប្រទេស សម្រាប់ឆ្នាំ២០១៦មានចំណូលសរុប១០.៨៥កោដ្ឋិដុល្លារ។
លោកនាយកបណ្តាញអ្នកជំនួញអន្តរជាតិប្រចាំនៅកម្ពុជាបានបន្ថែមទៀតថា អ្វីដែលធ្វើឲ្យ BNIទទួលបានជោគជ័យដូចសព្វថ្ងៃនេះ ដោយឈរលើទស្សនៈវិជ្ជាមួយ “Givers Gain” ។សមាជិក BNIទាំងអស់យល់ថា យើងមានលក្ខណៈជាកសិករមិនមែនជាព្រានព្រៃទេ ហើយយើងដាំដុះស្រោចទឹកលើទំនាក់ទំនងអាជីវកម្មយូរអង្វែង ព្រោះយើងយល់ថា ការប្រកបអាជីវកម្មបានល្អលុះត្រាតែគេស្គាល់យើង គេចូលចិត្តយើង និងគេជឿជាក់លើយើងដែរ៕
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com