សង្គមអន្តរជាតិ
អន្តរជាតិ
Olson ទទួលស្គាល់ថា ថតរឿងសិចបានចំណូលខ្ពស់ ប៉ុន្តែដូចរស់ក្នុងគុកឥតជញ្ជាំង
×
បន្ទាប់សម្រេចចិត្តបោះបង់ចូលអាជីពជាតួកុនសិច Bree Olson បានផ្ញើសារណែនាំទៅដល់នារីផ្សេងទៀតកុំមានការត្រេកត្រអាលក្នុងវិថីភាពយន្តអាសអាភាស។ វីដេអូរបស់ Olson ត្រូវបានផលិតដោយកម្មវិធីអប់រំ Real Women Real Stories។
ឈានដល់វ័យ២៦ឆ្នាំ តារាស្រស់ស្អាតជនជាតិអាមេរិក Bree Olson ដែលមានឈ្មោះដើមថា Rachel Marie Oberlin បង្ហាញពីការខកចិត្តក្នុងដំណើរជីវិតរបស់ខ្លួន។ នាងបានប្រឡូកក្នុងភាពយន្តអាសអាភាសចាប់តាំងពីអាយុ១៩ឆ្នាំមក ហើយអាជីពនេះ បានធ្វើឲ្យនាងពិបាករកការងាផ្សេងធ្វើ និងខ្វះចំណងមិត្តភាពដ៏ស្មោះត្រង់។
Olson បានរៀបរាប់ក្នុងឃ្លីបវីដេអូថា៖ «នៅពេលដែលខ្ញុំបានជួបមនុស្សផ្សេងៗ ពួកគេតែងតែបង្ហាញការមិនចាប់អារម្មណ៍លើរូបខ្ញុំ នៅពេលដែលពួកគេដឹងពីការងារខ្ញុំ»។ នាងបានអះអាងថា វាមិនពិបាកអ្វីនោះឡើយ ក្នុងការទទួលបានចំណុល៦ម៉ឺនដុល្លារអាមេរិកក្នុងមួយខែពីការថតរឿងសិច ប៉ុន្តែ Olson ចង់បានអាជីពដែលសង្គមទទួលស្គាល់ដូចជា គ្រូពេទ្យ គ្រូបង្រៀន ឬក៏បុគ្គលិកក្រុមហ៊ុន ជាដើម។
Olson បានត្អូញត្អែរពីជីវិតដែលហាក់ដូចជារស់នៅក្នុងគុកឥតជញ្ជាំង ហើយជាទូទៅ នាងតែងតែទទួលរងនូវការបៀនបៀត និងចំអក នៅលើបណ្តាញសង្គមនានា។ នាងបានលើកឡើងថា៖ «ពេលខ្លះ ខ្ញុំមិនចង់ចេញពីផ្ទះឡើយ ពីព្រោះខ្ញុំគ្មានកម្លាំងគ្រប់គ្រាន់ដើម្បីប្រឈមជាមួយមហាជននោះទេ»។
អតីតតារាស្រើបស្រាលរូបនេះ បានណែនាំដល់នារីទូទៅថា ការរកបានចំណូលខ្ពស់ពីការថតភាពយន្តអាសអាភាស មិនបានធ្វើឲ្យនាងរីករាយក្នុងជីវិតនោះឡើយ ដោយទទួលទូទៅតែងតែទទួលរងនូវការមាក់ងាយ៕
ទស្សនាវីដេអូខាងក្រោម៖
VIDEO
© រក្សាសិទ្ធិដោយ thmeythmey.com