សុខភាព៖ គ្រូពេទ្យឯកទេស និងមានជំនាញត្រឹមត្រូវ មិនងាយចាក់ថ្នាំ ឬសេរ៉ូមឡើយ

ព័ត៍មានសុខភាព

សុខភាព៖ គ្រូពេទ្យឯកទេស និងមានជំនាញត្រឹមត្រូវ មិនងាយចាក់ថ្នាំ ឬសេរ៉ូមឡើយ

13, Jan 2017 , 6:59 am

រូបភាព

ដោយ: ថ្មីៗ

បើអ្នករាគ ក្តៅខ្លួន អស់កម្លាំង ឬវឹលមុខ ... ជាការពិតណាស់ ពេលទៅដល់ពេទ្យ គ្រូពេទ្យមួយចំនួន នឹងទារចាក់ថ្នាំ ឬដាក់សេរ៉ូម។ តើវាជាការចាំបាច់ដែរឬទេ បើគ្រាន់តែមាន ជំងឺតិចតួចបែបនេះនោះ?

យោងតាមប្រសាសន៍របស់ ក្រុមវេជ្ជបណ្ឌិតជំនាញ ប្រចាំគេហទំព័រសុខភាព Health.com.kh បានឲ្យដឹងថា គ្រូពេទ្យឯកទេស និងមានជំនាញត្រឹមត្រូវ កម្រនឹងចាក់ថ្នាំ ឬសេរ៉ូមណាស់។ កម្រចាក់ថ្នាំ ឬសេរ៉ូម ដោយសារវេជ្ជបណ្ឌិតទាំងនោះយល់ថា ថ្នាំចាក់មានផលប៉ះពាល់ ជាងថ្នាំលេប ហើយក្នុងករណីភាគច្រើន ថ្នាំគ្រាប់ក៏មានប្រសិទ្ធភាព និងសុវត្ថិភាពខ្ពស់ទៀតផង។

“យើងទទួលស្គាល់ថា ថ្នាំចាក់ មានប្រសិទ្ធភាពខ្ពស់ និងលឿន ប៉ុន្តែ ផលប៉ះពាល់ និងកត្តាប្រឈមមុខ ក៏ខ្ពស់ទៅតាមនោះដែរ ហើយក្នុងករណីភាគច្រើន គ្រូពេទ្យមិនចង់ប្រើថ្នាំចាក់នោះទេ” នេះជាប្រសាសន៍របស់វេជ្ជបណ្ឌិតជំនាញ ប្រចាំគេហទំព័រសុខភាព Health.com.kh។

គួរបញ្ជាក់ផងដែរថា ការចាក់ថ្នាំ អាចប្រឈមនឹងគ្រោះថ្នាក់ជាច្រើន ដូចជា ៖

១. ប្រតិកម្មថ្នាំ ហើយករណីធ្ងន់ធ្ងរ អាចឈានទៅដល់ការស្លាប់

២. អាលែកស៊ី ដូចជា ហើមមុខ ហើមមាត់ និងឡើងកន្ទួលស្បែក

៣. ការឆ្លងមេរោគ ប្រសិនបើមានកំហុសបច្ចេកទេស ឬការធ្វេសប្រហែស

៤. ចង្អោរ ក្អួត វិលមុខ ឈឺក្រពះ លែងឃ្លានអាហារ និងមិនស្រួលក្នុងខ្លួន៕

ត្រួតពិនិត្យដោយ www.health.com.kh