ជំនួប​រវាង​បក្ស​ទាំងពីរ នៅតែមាន​ភាពស្រពិចស្រពិល
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


ជាតិ, ​​​ន​យោ​បាយ​ជាតិ​
ជំនួប​រវាង​បក្ស​ទាំងពីរ នៅតែមាន​ភាពស្រពិចស្រពិល
អត្ថបទ : ថ្មីៗ       January-11-2017, 9:19 pm         1387
រូបភាព
​ភ្នំពេញ​៖ បក្ស​កាន់អំណាច​និង​បក្សប្រឆាំង បាន​ស្រុះស្រួល​គ្នា​រួចហើយ ថា អាច​នឹងមាន​ជំនួប​ចរចា នៅក្រោយ​ថ្ងៃទី​១១ មករា ប៉ុន្តែ​រហូតមក​ដល់ពេលនេះ នៅតែមាន​ភាពស្រពិចស្រពិល​នៅឡើយ​ជុំវិញ​កាលកំណត់​សម្រាប់​ការជួបគ្នា​នេះ ដដែល​។


​លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា និយាយថា សម្តេច ស ខេង ដែលជា​តួអង្គ​ដ៏​សំខាន់​ក្នុងការ​ចរចា​នោះ កំពុងតែ​រវល់​យ៉ាងខ្លាំង​ក្នុង​ការងារ​របស់លោក ដូច្នេះ ទើប​ដំណឹង​នៃ​ការចរចា នៅតែ​រក្សា​ភាព​ស្ងៀមស្ងាត់​បែបនេះ​។ លោក​សុខ ឥសាន និយាយ ដូច្នេះ​ថា​៖«​ការងារ​លោក (​ស ខេង​) មិនទាន់​ស្រាកស្រាន្ត​ទេ​ឥឡូវ​ហ្នឹង​។ តាមមើលទៅ ប្រហែលជា​មិន​ងាយ​ទេ ព្រោះ​សម្តេច ស ខេង រវល់​ណាស់​»​។​

​អ្នកនាំពាក្យ​បក្ស​កាន់អំណាច​រូបនេះ មិនទាន់​ហ៊ាន​ស​ន្និ​ដ្ឋា​ថា កាលបរិច្ឆេទ​សម្រាប់​ការចរចា នឹងត្រូវ​ប្រកាស​ឲ្យ​ជាក់លាក់ នៅពេល​នោះទេ ដរាបណា​មិនទាន់មាន​តម្រុយ​ពីស​ម្តេច ស ខេង​។​

​ចំណែក​ខាង​គណបក្ស​សង្គ្រោះ​ជាតិ​វិញ  លោក យឹម សុវណ្ណ អ្នកនាំពាក្យ​គណបក្ស ប្រាប់​សារព័ត៌មាន​ថ្មីៗ​ថា គណបក្ស​សង្គ្រោះ​ជាតិ មិនទាន់​ទទួលបាន​ដំណឹង​អ្វី ពី​គណបក្ស​ប្រជាជន​កម្ពុជា​នៅឡើយ​ទេ ទាក់ទង​នឹង​ការចរចា​។ យ៉ាងណាក្តី លោក សុវណ្ណ និយាយថា​ខាង​លោក​ត្រៀមខ្លួន​ជាស្រេច​ហើយ​សម្រាប់​កិច្ចប្រជុំ​នៅពេលណា​ដែលមាន​ការបញ្ជាក់​ពី​គណបក្ស​ប្រជាជន​។ 

​ក្រុម​សង្គម​ស៊ីវិល​មួយចំនួន រួមទាំង​អ្នកតាមដាន​ស្ថានការណ៍​នយោបាយ​ផង​រំពឹងទុក​ថា ការចរចា​រវាង​បក្ស​ទាំងពីរ នឹង​អាច​នាំទៅរក​ការដោះលែង​ឲ្យ​មាន​សេរីភាព​នូវ​មន្ត្រី​សិទ្ធិមនុស្ស និង​សកម្មជន​ដីធ្លី រួមទាំង​សកម្មជន​បក្សប្រឆាំង​ផ្សេងទៀត ដែល​កំពុង​ជាប់​ក្នុង​ពន្ធនាគារ​ក្រោម​អ្វីដែល​អ្នកសង្កេតការណ៍​ជាច្រើន​ចាត់ទុកថា​ជា​រឿង​ក្តីក្តាំ​នយោបាយ​៕

Tag:
 CNRP
  CPP
  ចរចា​
   រក្សាសិទ្ធិដោយ thmeythmey.com  
ព័ត៌មានដែលទាក់ទង
ព័ត៌មានចម្រុះ
9 hrs - 27092
​លោក ជួន សុវណ្ណ បាន​ព្រមាន​ដកតំណែង​មេ​ប៉ុស្តិ៍​ណា ដែល​បណ្តោយ​ឲ្យ​មាន​បទល្មើស​គ្រឿងញៀន​កើតឡើង​ដដែលៗ ក្នុង​ដែនដី​ដែល​ខ្លួន​គ្រប់គ្រង​។  ក្រៅពី​ព្រមាន​បែបនេះ លោក ជួន សុវណ្ណ ក៏​រំឭក​មន្ត្រី​ខ្លួន​ឲ្យ​យកចិត្តទុកដាក់​លើក​ការគ្រប់គ្រង​អាវុធជាតិផ្ទុះ និង​បង្ក្រាប​ល្បែងស៊ីសង​ដែរ​។​
9 hrs - 944
​ភ្នំពេញ​៖ អង្គការ​Global Witness បាន​លើកឡើងថា អង្គប្រជុំ​សេដ្ឋកិច្ច​អន្តរជាតិ នៅ​ទីក្រុង Davos ប្រទេស​ស្វី​ស មិនគួរ​ផ្ដល់​វេទិការ​ឲ្យ​មេដឹកនាំ​ផ្ដាច់ការ​កម្ពុជា ចូលរួម​ស្វែងរក​ដៃគូរ​វិនិយោគ​អន្តរជាតិ​ថ្មី​នោះទេ​។ មន្ត្រី​ទីស្តីការគណៈរដ្ឋមន្ត្រី ចាត់ទុក​សម្តី​របស់​អង្គការ Global Witness ថា ជាការ​ញុះញង់​អន្តរជាតិ ដើម្បី​បំផ្លាញ​សេចក្ដីសុខ​ប្រទេស​កម្ពុជា ។
10 hrs - 387
​ជនជាតិ​វៀតណាម​ចំនួន​ ៦២នាក់ (​ស្រី​១​នាក់​)​ ត្រូវបាន​សមត្ថកិច្ច​ឃាត់ខ្លួន នៅ​ខេត្ត​ម​ណ្ឌ​គិរី កាលពី​យប់​ថ្ងៃទី​១៨ ខែមករា ឆ្នាំ​២០១៧​។ នេះ​បើតាម​ការចុះផ្សាយ​ក្នុង​គេហទំព័រ​របស់​អគ្គស្ន​ង​ការ​នគរបាលជាតិ​។
10 hrs - 1369
​ភ្នំពេញ​៖ អគ្គិសនី​កម្ពុជា បានចេញ​សេចក្ដីជូនដំណឹង​ស្ដីពី​ការផ្អាក​ផ្គត់ផ្គង់​ចរន្តអគ្គិសនី រយៈពេល​៤​ថ្ងៃ ចាប់ពី​ថ្ងៃទី​១៩ ដល់​ថ្ងៃទី​២២ ខែមករា​នេះ​។ ការផ្អាក​ផ្គត់ផ្គង់​ចរន្តអគ្គិសនី ដោយសារ​ការជួសជុល ផ្លាស់ប្ដូរ តម្លើង​បរិក្ខារ និង​រុះរើ​គន្លង​ខ្សែបណ្ដាញ​ដែល​បង្កលក្ខណៈ​ដល់​ការដ្ឋាន​ពង្រីក​ផ្លូវ​។ នេះ​បើតាម​សេចក្ដីជូនដំណឹង​របស់​អគ្គិសនី​កម្ពុជា​។
11 hrs - 1440
​សៀមរាប​៖ ស្ពាន​បណ្តែត​ទឹក​នៅ​កសិណ​អង្គរវត្ត កំពុងដំណើរការ​សាងសង់​ជិត​រួចរាល់​ជា​ស្ថាពរ​ហើយ​។ ស្ពាន​បណ្តែត​ទឹក​នេះ​គឺ​សង់​ឡើង​ដើម្បី​ជំនួស​ចរាចរណ៍​ស្ពាន​ហាល​ខាងលិច​អង្គរ ដែល​គ្រោង​បិទ​ការដ្ឋាន​ដើម្បី​ជួសជុល​។ តាម​អ្នកបច្ចេកទេស ស្ពាន​បណ្តែត​ទឹក​នេះ​អាច​ផ្ទុក​មនុស្ស​បាន​ជាង​៦​ពាន់​ក្នុងពេល​តែមួយ​។​

19 Jan 2017