ពីនេះ ពីនោះ
×![]()
ដោយ: ថ្មីៗ
ភិនភាគ៖ កំប្រុកស្លាបតូច មានប្រវែងដងខ្លួនពី១៣០-១៨៤ម.ម និងមានប្រវែងកន្ទុយពី១០០-១៤០ម.ម។ វាជាប្រភេទដែលមានមាឌតូច ដែលខ្នងរបស់វាមានពណ៌ក្រហមត្នោត និងថ្ពាល់ក្រហម។ ផ្នែកខាងក្រោមមានពណ៌ប្រផេះស្រាល, កន្ទុយមានរាងសំប៉ែត និងមានពណ៌ទឹកក្រូច។
ជីវសាស្ត្រ៖ កំប្រុកប្រភេទនេះ ត្រូវបានរកឃើញនៅក្នុងតំបន់ព្រៃស្រោង ដែលមានរយៈកម្ពស់រហូតដល់ទៅ១០០០ម៉ែត្រ។ វាធ្វើសម្បុកនៅក្នុងប្រហោងឈើ ដែលមានកម្ពស់យ៉ាងហោចណាស់ ៤ម៉ែត្រពីដី។
រប៉ាយរស់នៅ៖ ប្រភេទកំប្រុកស្លាបតូចនេះ ក៏ជាប្រភេទសត្វរាត្រីចរ និងរស់នៅក្នុងប្រហោងឈើដូចកំប្រុកស្លាបធំដែរ។ ប៉ុន្តែ ពេលខ្លះយើងអាចឃើញពួកវានៅពេលព្រលប់ផងដែរ។ ពួកវាមានភាពធន់ ឬបន្សាំក្នុងការរស់នៅតាមប្រភេទព្រៃដែលរិចរិល និងអាចឃើញរស់នៅតាមភូមិ និងទីប្រជុំជនមួយចំនួន ដែលមានដើមឈើ។ កំប្រុកប្រភេទនេះ គេនៅតែអាចមើលឃើញវាបានច្បាស់នៅតាមដើមឈើខ្ពស់ៗនៅក្បែរព្រះរាជដំណាក់ខេត្តសៀមរាបផងដែរ។
ស្ថានភាពអភិរក្ស៖ ពួកវាមានដង់ស៊ីតេរស់នៅច្រើនបង្គួរ ទោះបីជាយ៉ាងណាក៏ដោយ ពួកវាក៏កំពុងតែទទួលរងនូវការគំរាមកំហែងយ៉ាងខ្លាំងទៅលើការបាត់បង់ទីជម្រក និងរស់នៅលាក់ខ្លួននៅតាមតំបន់ស្ងាត់ដាច់ស្រយាលក្នុងព្រៃប្រទេសកម្ពុជា៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
