ប្រធាន​អាស៊ាន​រំពឹង​សម្រេចបាន​«​ក្រម​ប្រតិបត្តិ​សមុទ្រ​ចិន​ខាងត្បូង​»​នៅ​ឆ្នាំនេះ ស្របពេល​ចិន ក៏មាន​កិច្ចសហការ​ល្អ
សូមទំនាក់ទំនងផ្សព្វផ្សាយពាណិជ្ជកម្ម : 086 654 846 - 012 722 108


អន្តរជាតិ
ប្រធាន​អាស៊ាន​រំពឹង​សម្រេចបាន​«​ក្រម​ប្រតិបត្តិ​សមុទ្រ​ចិន​ខាងត្បូង​»​នៅ​ឆ្នាំនេះ ស្របពេល​ចិន ក៏មាន​កិច្ចសហការ​ល្អ
អត្ថបទ : ថ្មីៗ       January-11-2017, 9:39 pm         831
រូបភាព
​ប្រធាន​វិលជុំ​អាស៊ាន ហ្វីលីពីន មាន​សង្ឃឹមថា ក្រម​ប្រតិបត្តិ​សមុទ្រ​ចិន​ខាងត្បូង (CoC) ដែលមាន​ភាគី​ពាក់ព័ន្ធ​ជា​សមាជិកសមាគម​ប្រជាជាតិ​អាស៊ី​អា​គ្នេ​យ័៍ និង​ចិន អាច​នឹង​បញ្ចប់​នៅត្រឹម​ពាក់កណ្តាល​ឆ្នាំ​២០១៧​នេះ​។ ការ​ហ៊ាន​អះអាង​របស់​រដ្ឋាភិបាល​ក្រុង​ម៉ានីល​បែបនេះ ក៏ដោយ​សារ បច្ចុប្បន្ន​ក្រុមការងារ​តាក់តែង កំពុងតែបន្ត​ការងារ​នេះ​ទាំងគ្រប់​លំដាប់ថ្នាក់ ខណៈ​ក្រុង​ប៉េកាំង ក៏មាន​កិច្ចសហការ​ល្អជា​មួយ​ផងដែរ​នោះ​។


​រដ្ឋមន្ត្រីការបរទេស​ហ្វីលីពីន លោក Perfecto Yasay នៅ​ថ្ងៃទី​១១ មករា បាន​ប្រាប់​អ្នកសារព័ត៌មាន​យ៉ាង​ដូច្នេះ​ថា​៖« ក្នុងពេលដែល​យើង កំពុងតែ​និយាយ យើង ក៏​កំពុងតែ​បន្តការងារ​ក្នុងការ​ពិភាក្សា​ជាមួយនឹង​មន្ត្រីជាន់ខ្ពស់​របស់​យើង មន្ត្រី​ថ្នាក់ក្រោម ហើយ​កិច្ចពិភាក្សា​នេះ ក៏​កំពុងតែ​ទៅមុខ​ផងដែរ​។ កត្តា​នេះហើយ ដែល​យើង មាន​សង្ឃឹមថា យើង​អាច​ទទួលបាន​ក្រម​ប្រតិបត្តិ​មួយ​ត្រឹម​ពាក់កណ្តាល​ឆ្នាំ​២០១៧​។​» នេះ​បើ​យោងតាម​ការចុះផ្សាយ​រប​ស់​ភ្នាក់ងារ​ព័ត៌មាន Reuters​។

​នាឱកាស​ដដែល​នោះ លោក​ប្រមុខ​ការទូត ក៏បាន​សង្កត់ធ្ងន់​ទៀតថា ចិន បាន​មាន​កិច្ចសហប្រតិបត្តិកា​រយ៉ា​ង​ល្អ​ក្នុង​ការជួយ​ជំរុញ​ការងារ​ក្នុងការ​សម្រេច​ឲ្យ​បាន​ក្រម​ប្រតិបត្តិ​នេះ​។ នេះ​បើ​យោងតាម​ប្រភពព័ត៌មាន​ដដែល​នោះ​។​

​សូម​ជម្រាប​ផងដែរ​ថា បញ្ហា​សមុទ្រ​ចិន​ខាងត្បូង គឺជា​ជម្លោះ​អធិបតេយ្យ​ដែលមាន​រដ្ឋ​ពាក់ព័ន្ធ​ដូចជា ព្រុយ​ណេ ម៉ាឡេស៊ី ហ្វីលីពីន និង​វៀតណាម ជាមួយនឹង​ចិន​។ កន្លងមក លិ​ខិ​តូ​បក​រណ៍​ដែល​បញ្ញត្តិ​ពី​យន្តការ និង​ដំណោះស្រាយ​សមុទ្រ​ចិន​ខាងត្បូង ដែល​ធ្វើឡើង​ដោយ​អាស៊ាន និង​ចិន គឺមាន​តែមួយ​ប៉ុណ្ណោះ​។ នោះ​គឺ​សេចក្តីថ្លែងការណ៍​ស្តីពី​ភាគី​ក្រម​ប្រតិបត្តិ​សមុទ្រ​ចិន​ខាងត្បូង (DoC) ដែល​ត្រូវបាន​ចុះហត្ថលេខា​ដោយ​មេដឹកនាំ​អាស៊ាន និង​ចិន នៅ​ឆ្នាំ​២០០២ ក្នុងពេលដែល​កម្ពុជា​ធ្វើជា​ប្រធាន​អាស៊ាន​។

​ក្នុងពេល​នៃ​ការចុះហត្ថលេខា​លើ​សេច​ក្ត​ថ្លែងការណ៍ DoC មេដឹកនាំ​អាស៊ាន ក៏​ព្រមព្រៀង​ក្នុង​ការបន្ត​កិច្ចប្រឹងប្រែង​ការចរចា​ដើម្បី​សម្រេច​ឲ្យ​បាន​នូវ​ក្រម​ប្រតិបត្តិ (CoC) ផងដែរ​។ ក្រម​ប្រតិបត្តិការ​នេះ ត្រូវបាន​ផ្អាក​ចរចា​ជាច្រើនលើក​ច្រើនសារ​មក​ហើយ ដ្បិត ភាគី​ពាក់ព័ន្ធ​នៃ​ជម្លោះ មិនមាន​ការឯកភាព​គ្នា ជាពិសេស​នោះ ការជំទាស់​ពី​ចិន​។ បើ​ក្រម​ប្រតិបត្តិ ពិតជា​អាច​សម្រេចបាន​មែន​នោះ វា ក្លាយជា​លិ​ខិ​តូ​បក​រណ៍​លក្ខណៈ​ចាប់បង្ខំ​មួយ​រវាង​អាស៊ាន និង​ចិន ដែល​បញ្ញត្តិ​ពី​យន្តការ និង​ដំណោះស្រាយ​សមុទ្រ​ចិន​ខាង​ត្បួ​ង​ដែលមាន​លក្ខណៈ​គ្រប់​ជ្រុងជ្រោយ​។

​នៅ​ថ្ងៃទី​៥ មករា កន្លងទៅ អនុរដ្ឋមន្ត្រី​ការបរទេស​ហ្វីលីពីន លោក Enrique Manalo ក៏បាន​អះអាង​ដែរ​ថា បញ្ហា​សមុទ្រ​ចិន​ខាងត្បូង មាននៅ​ក្នុង​របៀបវារៈ​របស់​អាស៊ាន ហើយ អាស៊ាន នឹង​បន្ត​ធ្វើការ​ជាមួយនឹង​គ្នា​នៅក្នុង​ឆ្នាំនេះ​ដោយ​ផ្តោត​សំខាន់​លើ ក្រម​ប្រតិបត្តិ​សមុទ្រ​ចិន​ខាងត្បូង ដែល​មិនទាន់​បញ្ចប់​នៅឡើយ​នោះ និង​សេចក្តីថ្លែងការណ៍​ស្តីពី​ភាគី​ក្រម​ប្រតិបត្តិ​សមុទ្រ​ចិន​ខាងត្បូង និង​គោលការណ៍​នៃ​ក្រម​ប្រតិបត្តិ​៕

Tag:
 ​ហ្វីលីពីន​
  ចិន​
  អាស៊ាន​
  សមុទ្រ​ចិន​ខាងត្បូង
   រក្សាសិទ្ធិដោយ thmeythmey.com  
ព័ត៌មានដែលទាក់ទង
1 month - 3043
1 month - 1891
1 month - 2015
ព័ត៌មានចម្រុះ
7 hrs - 515
​លោកនាយក​រដ្ឋមន្ត្រី​ម៉ាឡេស៊ី ណា​ជីប រ៉ា​ហ្សា​ក់ នៅ​ថ្ងៃទី​១៦ មករា​នេះ បាន​ព្រលះ​មី​យ៉ាន់​ម៉ា​ជាថ្មី​ក្នុង​វេទិកា​ប្រទេស​ឥស្លាម​លើ​បញ្ហា​ជនជាតិភាគតិច​ម៉ូ​ស្លី​ម​រ៉ូ​ហ៊ីង​យ៉ា និង​ថែមទាំង​ទទូច​ឲ្យ​ប្រទេស​ឥស្លាម​ចូលរួម​គ្នា​ដើម្បី​បញ្ចប់​សកម្មភាព​ធ្វើ​ទុក​បុក​ម្នេញ​ពី​សំណាក់​អាជ្ញាធរ​មី​យ៉ាន់​ម៉ា​ទៅលើ​ក្រុម​នោះ​។ នេះ គឺ​សេចក្តីថ្លែងការណ៍​មិន​ពេញចិត្ត​របស់​នាយករដ្ឋមន្ត្រី​ម៉ាឡេស៊ី​ដែល​ធ្វើ​ឡើងជា​លើក​ទី​ពីរ​ហើយ​ទៅ​មិត្ត​អាស៊ាន​មី​យ៉ាន់​ម៉ា​នោះ​។
9 hrs - 3974
​ប្រធានាធិបតី​ផុត​អាណត្តិ បា​រ៉ា​ក់ អូ​បា​ម៉ា បាន​ជួប​ផ្តែរ​ផ្តាំ​អ្នកសារព័ត៌មាន​ប្រចាំ​សេត​វិមាន​ដែល​ធ្លាប់​បំពេញការងារ​អស់​រយៈពេល ៨​ឆ្នាំកន្លងមក​ជា​លើកចុងក្រោយ​នៅ​ថ្ងៃ​ពុធ​ទី ១៨ មករា​។លោក​បាន​ថ្លែងអំណរគុណ និង​ប្រាប់​អ្នកសារព័ត៌មាន​ទាំងនោះ​ថា ពួកគេ​បានធ្វើ​ឲ្យ​គ្រប់យ៉ាង​ប្រសើរឡើង ហើយ​ប្រជាជន​និង​ប្រជាធិបតេយ្យ​អាមេរិក​មិនអាច​ខ្វះ​ពួកគេ​បានឡើយ​។ លោក​បាន​ទទូច​ឲ្យ​អ្នកសារព័ត៌មាន​បន្តធ្វើ​កិច្ចការ​ឲ្យ​អស់ពី​សមត្ថភាព​ដើម្បី​ជំរុញ​ឲ្យ​អាមេរិក​ដើរទៅ​មុខ​ហើយ​លោក​ធានាថា គ្រប់យ៉ាង​នឹង​ល្អប្រសើរ​នៅពេល​ខាងមុខ​។
10 hrs - 572
​ប្រធានាធិបតី​ហ្វីលីពីន លោក រ៉ូ​ឌ្រី​ហ្គូ ឌើ​ទើ​តេ នឹង​បំពេញ​ទស្សនកិច្ច​ទៅកាន់​ចិន​ជាថ្មី​ម្តងទៀត​ដើម្បី​ចូលរួម​កិច្ចប្រជុំ​វេទិកា​នៃ​គំនិត​ផ្តួចផ្តើម​«​ខ្សែក្រវ៉ាត់​មួយ និង​វី​ថី​មួយ​» ។ តាមរយៈ​ដំណើរ​ទស្សនកិច្ច​នេះ លោក ឌើ​ទើ​តេ ក៏រ​ពឹង​ថា​នឹង​អាច​ជួប​ជាមួយនឹង​សម​ភាគី​ចិន លោក ស៊ី ជិន​ពីង​ជាថ្មីទៀត​ផងដែរ​។
11 hrs - 1141
​លោក​ប្រធានាធិបតី​អាមេរិក បា​រ៉ា​ក់ អូ​បា​ម៉ា បាន​ពន្យល់​អំពី​មូលហេតុ​នៃ​ការលើកលែងទោស​ដ៏​ភ្ញាក់ផ្អើល​ដល់​ការកាត់ទោស​ឲ្យ​ជាប់ពន្ធនាគារ​ដល់​អ្នក​វិភាគ​ស៊ើបការណ៍​សម្ងាត់​យោធា​ម្នាក់​ដែល​បានធ្វើ​ឲ្យ​បែកធ្លាយ​ឯកសារ​របស់​យោធា​។
14 hrs - 4891
​នៅសល់​មិន​ដល់​៤៨​ម៉ោង​ឡើយ លោក​បា​រ៉ា​ក់ អូ​បា​ម៉ា និង​ភរិយា​លោក​ស្រី្ត​ទីមួយ Michelle Obama រួមជាមួយ​បុត្រី​ទាំងពីរ​នឹង​ចាក​ចេញពី​សេត​វិមាន​ហើយ​។ លោកស្រី Michelle បាន​អរគុណ​ស្វាមី​លោកស្រី និង​បញ្ជាក់ថា លោកស្រី​មាន​កិត្តិយស​បំផុត​ដែល​បាន​ធ្វើជា​ស្ត្រី​ទីមួយ​។ 

19 Jan 2017