ស្ពានបណ្តែតទឹកប្រាសាទអង្គរទាក់ទាញភ្ញៀវទេសចរ

ជាតិ

សង្គមជាតិ

ស្ពានបណ្តែតទឹកប្រាសាទអង្គរទាក់ទាញភ្ញៀវទេសចរ

14, Jan 2017 , 3:00 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ អាចជារូបភាពមួយដ៏ថ្មីស្រឡាងនៅក្នុងប្រាសាទ ដែលគ្រប់ច្រកល្ហកសុទ្ធសឹងជាថ្ម។ ធុងទឹកដែលគេរចនាឡើងពីជ័រមានពណ៌ប្រផះបន្តិច ត្រូវបានគេតម្រៀបជាស្ពានបណ្តែតទឹក ដើម្បីជំនួសការធ្វើចរាចរណ៍លើស្ពានហាលប្រាសាទអង្គរវត្ត។ វត្តមាននៃស្ពាននេះ កំពុងទាញចំណាប់អារម្មណ៍ដល់ភ្ញៀវទេសចរដែលបានមកទស្សនាអង្គរ ក្នុងនោះដែរ រូបភាពនេះក៏មានភាពល្បីល្បាញក្នុងបណ្តាញសង្គមផងដែរ។

ដើម្បីបញ្ចៀសគ្រោះថ្នាក់ជាយថាហេតុ អាជ្ញាធរជាតិអប្សរា ដែលមានកិច្ចសហការជាមួយសាកលវិទ្យាល័យស៊ូហ្វីយ៉ាប្រទេសជប៉ុន បានសម្រេចរៀបចំស្ពានបណ្តែតទឹកមួយកន្លែង ដើម្បីជំនួសស្ពានហាល ដែលគ្រោងបិទចរាចរណ៍ទាំងស្រុង ក្នុងដំណើរការជួសជុលនាពេលខាងមុខ។ តាមគម្រោង ការដ្ឋានជួសជុលស្ពានហាលខាងលិចប្រាសាទអង្គរវត្ត គ្រោងនឹងដំណើរការជួសជុលរយៈពេល៤ឆ្នាំ។

និយាយពីស្ពានបណ្តែតទឹកវិញ ទោះជាមិនទាន់រួចរាល់ក៏ពិតមែន តែរូបភាពនៃដំណើរការសាងសង់ បាននិងកំពុងធ្វើឲ្យភ្ញៀវទេសចរជាច្រើនចង់ឆ្លងកាត់។ ស្ពាននេះត្រូវបានសង់ឡើងកម្ពស់ពីទឹកប្រមាណ៥តឹក និងមានរចនាជាបង្កាន់ដៃសងខាងផងដែរ។ ក្នុងសេចក្តីជូនដំណឹងរបស់អាជ្ញាធរជាតិអប្សរាដែលចេញផ្សាយកាលពីចុងខែវិច្ឆិកា ឆ្នាំ២០១៦ ស្ពាននេះគ្រោងនឹងសង់រួចរាល់នៅចុងខែ ឧសភា ឆ្នាំ២០១៧៕

ខាងក្រោមនេះជាទិដ្ឋភាពខ្លះៗនៃស្ពានបណ្តែតទឹកនៅខាងលិចប្រាសាទអង្គរវត្ត ដែលបានថតនៅព្រឹកថ្ងៃទី១៤ មករា ឆ្នាំ២០១៧។

សូមអញ្ជើញទស្សនាដូតតទៅ៖