ព័ត៍មានសុខភាព
×![]()
ដោយ: ថ្មីៗ
នេះគឺជាព័ត៌មានអាក្រក់មួយៈ ជំងឺបេះដូង គឺជាមូលហេតុដែលនាំអោយស្លាប់មនុស្សជាច្រើន ។ ប៉ុន្តែព័ត៌មានល្អគឺថា មានរឿងជាច្រើនដែលអ្នកអាចធ្វើដើម្បីរក្សាបេះដូងរបស់អ្នកអោយមានសុខភាពល្អ។
វេជ្ជបណ្ឌិត ជូឌីត ម៉េកខល (Judith Mackall) ជាគ្រូពេទ្យឯកទេសជំងឺបេះដូងបាននិយាយថា លំហាត់ប្រាណគឺជារឿងល្អមួយដែលគួរតែចាប់ផ្តើម។
Mackall បាននិយាយថា ៣០នាទីនៃការធ្វើលំហាត់ប្រាណក្នុងមួយថ្ងៃអាចផ្តល់នូវអត្ថប្រយោជន៍ជាច្រើនសម្រាប់បេះដូងរបស់អ្នក។ ប្រសិនបើអ្នកមិនធ្វើលំហាត់ប្រាណ៣០នាទីក្នុងពេលតែម្តងទេនោះ, សូមចែកពេលនៃការធ្វើអោយបាន៣ដងក្នុងមួយថ្ងៃ និងម្តងៗ១០នាទី។ ការស្រាវជ្រាវបានបង្ហាញថា បរិមាណនៃការធ្វើលំហាត់ប្រាណអាចផ្តល់ភាពប្រសើរឡើងដល់ចំនួននៃកូឡេស្តេរ៉ុល និងបន្ថយទម្ងន់ និងសម្ពាធឈាមក្នុងអំឡុងពេល១០សប្តាហ៍។
Mackall ក៏បាននិយាយថា ការញ៉ាំអាហារដែលផ្តល់នូវសុខភាពក៏ជារឿងសំខាន់ផងដែរ ហើយអ្នកគួរតែញ៉ាំអាហារដូចជាផ្លែឈើ និងបន្លែជារៀងរាល់ថ្ងៃ។ វានឹងបន្ថយហានិភ័យនៃជំងឺបេះដូងរបស់អ្នកដោយជួយគ្រប់គ្រងសម្ពាធឈាម និងបន្ថយការរលាក។
Mackall បានបន្តថា ប្រសិនបើអ្នកជក់បារី, វាដល់ពេលដែលត្រូវឈប់ហើយ។
គាត់បានបន្តថា ប្រសិនបើអ្នកជក់បារី, អ្នកនឹងខាតអាយុដល់ទៅ៧ឆ្នាំ។ ហើយប្រសិនបើអ្នកមានជំងឺសរសៃឈាមបេះដូង ហើយអ្នកជក់បារីទៀតនោះ, អ្នកនឹងស្លាប់១៥ឆ្នាំមុន៕
ត្រួតពិនិត្យដោយគ្រូពេទ្យwww.health.com.kh
© រក្សាសិទ្ធិដោយ thmeythmey.com
