ជាតិ
លោក សួន វិសាល នឹងទទួលតំណែងប្រធានមេធាវី ជាផ្លូវការ នៅរសៀលថ្ងៃព្រហស្បតិ៍នេះ រូបពីគេហទំព័រនៃគណៈមេធាវី
×
ភ្នំពេញ៖ ការផ្ទេរតំណែងប្រធានគណៈមេធាវីជាផ្លូវការ នឹងប្រព្រឹត្តទៅ នៅរសៀលថ្ងៃទី១៩ ខែមករា ឆ្នាំ២០១៧នេះ។
លោក សួន វិសាល ប្រធានគណៈមេធាវីថ្មី ដែលទើបនឹងជាប់ឆ្នោតកាលពីប៉ុន្មានខែមុន បានប្រាប់សារព័ត៌មានថ្មីៗថា មេធាវីទូទាំងប្រទេសកម្ពុជា នឹងចូលរួមក្នុងពិធីផ្ទេរតំណែងនេះ។
បើតាមសេចក្តីជូនដំណឹងពីគណៈមេធាវី ពិធីផ្ទេរតំណែងខាងលើ ក៏នឹងមានការចែកវិញ្ញាបនបត្រខាងវិជ្ជាជីវៈមេធាវីផងដែរ។
សូមបញ្ជាក់ កាលពីថ្ងៃទី១៦ ខែតុលា ឆ្នាំ២០១៦ លោក សួន វិសាល ដែលជាមេធាវីចាស់វស្សាមួយរូប ត្រូវបានបោះឆ្នោតជ្រើសរើសជាប្រធានគណៈមេធាវី សម្រាប់អាណត្តិទី១១ ជំនួស លោក ប៊ុន ហុន ដែលបានកាន់តំណែងនេះ អស់ចំនួនពីរអាណត្តិជាប់គ្នាមកនោះ៕
© រក្សាសិទ្ធិដោយ thmeythmey.com