កម្ពុជា និង កូរ៉េខាងត្បូង លុបការយកពន្ធត្រួតគ្នា ដើម្បីសម្រួលការធ្វើធុរកិច្ច

ជាតិ

សេដ្ឋកិច្ច

កម្ពុជា និង កូរ៉េខាងត្បូង លុបការយកពន្ធត្រួតគ្នា ដើម្បីសម្រួលការធ្វើធុរកិច្ច

28, Nov 2019 , 2:54 pm

រូបភាព

ជំនួបទ្វេភាគីរវាងលោក ប្រាក់ សុខុន និង អ្នកស្រី កាង ឃ្យុងវ៉ា ក្នុងទីក្រុងប៊ូសាន កូរ៉េខាងត្បូង កាលពីថ្ងៃទី២៥ ខែវិច្ឆិកា ឆ្នាំ២០១៩ (រូបពីទំព័រហ្វេសប៊ុករបស់លោក ប្រាក់ សុខុន)

ដោយ: ថ្មីៗ

លោក ប្រាក់ សុខុន រដ្ឋមន្ត្រីការបរទេសកម្ពុជា និង អ្នកស្រី កាង ឃ្យុងវ៉ា រដ្ឋមន្ត្រីការបរទេសកូរ៉េខាងត្បូង បានចុះហត្ថលេខាលើកិច្ចព្រមព្រៀងស្តីពីការលុបបំបាត់ការយកពន្ធត្រួតគ្នា ពាក់ព័ន្ធនឹងប្រាក់ចំណូល និងបង្ការការគេចពន្ធ «ដើម្បីសម្រួលដល់ទំនាក់ទំនងផ្នែកធុរកិច្ចនៃប្រទេសទាំងពីរ»។ ជំនួបទ្វេភាគីរវាងរដ្ឋមន្ត្រីទាំងពីរ គឺធ្វើឡើងនៅក្រុងប៊ូសាន ប្រទេសកូរ៉េខាងត្បូង កាលពីថ្ងៃទី២៥ ខែវិច្ឆិកា ឆ្នាំ២០១៩។

សេចក្តីប្រកាសព័ត៌មានរបស់ក្រសូងការបរទេសកម្ពុជាស្តីពីវត្តមានរបស់លោក ប្រាក់ សុខុន ក្នុងកិច្ចប្រជុំអាស៊ាន-សាធារណរដ្ឋកូរ៉េ និង កិច្ចប្រជុំមេគង្គ-សាធារណរដ្ឋកូរ៉េ ដែលផ្សព្វផ្សាយនៅថ្ងៃទី២៨ ខែវិច្ឆិកា បានឲ្យដឹងថា ក្នុងជំនួបទ្វេភាគីនោះ លោក ប្រាក់ សុខុន និង អ្នកស្រី កាង ឃ្យុងវ៉ា ក៏ប្រកាសសិក្សារួមគ្នាផងដែរ ពីលទ្ធភាពធ្វើកិច្ចព្រមព្រៀងពាណិជ្ជកម្មសេរីកម្ពុជា-កួរ៉េ។

អត្ថបទទាក់ទង

កម្ពុជា-កូរ៉េខាងត្បូង សិក្សាបង្កើតកិច្ចព្រមព្រៀងពាណិជ្ជកម្មសេរីទ្វេភាគី

សេចក្តីប្រកាសព័ត៌មាន សរសេរទៀតថា កិច្ចព្រមព្រៀងពាណិជ្ជកម្មសេរីកម្ពុជា-កួរ៉េ នឹងជួយពង្រីកទំហំពាណិជ្ជកម្មរវាងប្រទេសទាំងពីរឲ្យកាន់តែធំថែមទៀត ខណៈ បច្ចុប្បន្ន ទំហំពាណិជកម្មនៃប្រទេសទាំងពីរ កើនដល់ជិត១ពាន់ដុល្លារហើយ។

ក្នុងជំនួបជាមួយអ្នកស្រី កាង ឃ្យុងវ៉ា លោក ប្រាក់ សុខុន អរគុណកូរ៉េខាងត្បូង ដែលបន្តរួមចំណែកអភិវឌ្ឍសេដ្ឋកិច្ចកម្ពុជា ដោយថ្មីៗនេះ បានសម្រេចផ្តល់កម្ចីសម្បទានដល់៧រយលានដុល្លារ មកឲ្យកម្ពុជា គិតពីឆ្នាំ២០១៩ ដល់ ឆ្នាំ២០២៣៕