សម្ដេច ហ៊ុន សែន ប្រកាសកាត់ប្រាក់បៀវត្ស៧ខែ ជាង៦៣លានរៀល ដើម្បីប្រយុទ្ធប្រឆាំងកូវីដ-១៩

COVID-19

ជាតិ

នយោបាយជាតិ

សម្ដេច ហ៊ុន សែន ប្រកាសកាត់ប្រាក់បៀវត្ស៧ខែ ជាង៦៣លានរៀល ដើម្បីប្រយុទ្ធប្រឆាំងកូវីដ-១៩

26, Jan 2021 , 11:23 am

រូបភាព

ដោយ: ធឿន បញ្ញាឬទិ្ធ

ភ្នំពេញ៖ សម្ដេចនាយករដ្ឋមន្ត្រី ហ៊ុន សែន ប្រកាសកាត់ប្រាក់បៀវត្ស៩លានរៀល រយៈពេល៧ខែ ជូនទៅក្រសួងសុខាភិបាល សម្រាប់យកទៅប្រើប្រាស់ប្រយុទ្ធប្រឆាំងកូវីដ-១៩។ នេះបើតាមសំណេរលើហ្វេសប៊ុកផ្លូវការសម្ដេច នៅព្រឹកថ្ងៃទី២៦ មករា។

ប្រាក់បៀវត្សសម្ដេច ហ៊ុន សែន ចំនួន១០លានរៀល។ សម្ដេច ប្រកាសកាត់ប្រាក់បៀវត្សទាំងអស់នេះ ឱ្យទៅក្រសួងសុខាភិបាល។ «បៀវត្សរបស់ខ្ញុំ១០លានរៀល/ខែ ត្រូវបង់ពន្ធ៩១០.០០០រៀល/ខែ និងប្រគល់ជូនក្រសួងសុខាភិបាល៩.០៩០០.០០០រៀល/ខែ សរុប៧ខែចំនួន៦៣.៦៣៩.០០០រៀល»។ នេះបើតាមសម្ដេច ហ៊ុន សែន ដែលបានបន្ថែមថា ប្រាក់បៀវត្សនេះ គឺកាត់ចាប់ពីខែកុម្ភៈ ដល់ខែសីហា ឆ្នាំ២០២១។

កាលពីឆ្នាំ២០២០កន្លងមកនាយករដ្ឋមន្ត្រី ហ៊ុន សែន ក៏ធ្លាប់បានកាត់ប្រាក់បៀវត្ស៧ខែដែរ។ ក្រោយសម្ដេច ប្រកាសនេះ ក៏មានប្រធានព្រឹទ្ធសភា រដ្ឋសភា រដ្ឋមន្ត្រី និងមន្ត្រីតាមក្រសួងស្ថាប័ន រួមទាំងកងកម្លាំងគ្រប់ប្រភេទ ក៏បានចូលវិភាគជាមួយរដ្ឋាភិបាល តាមរយៈការកាត់ប្រាក់បៀវត្សពួកគេ តាមសទ្ធាទៀតផង។

អត្ថបទទាក់ទង

រដ្ឋាភិបាលសន្សំបាន៩១៨លានដុល្លារ ពីការកាត់បន្ថយចំណាយថវិកាឆ្នាំ២០២០

រដ្ឋាភិបាល កាត់ចំណាយ៤៧៥លានដុល្លារទៀត ដែលឡើង៩១៨លានដុល្លារ សម្រាប់ប្រយុទ្ធប្រឆាំងCOVID-19

គួរបញ្ជាក់ថា គិតត្រឹមថ្ងៃទី ២៦ មករា កម្ពុជា រកឃើញករណីវិជ្ជមានកូវីដ-១៩ចំនួន៤៦០ករណី ក្នុងនោះ សះស្បើយ ៤១២នាក់ ហើយមានអ្នកជំងឺចំនួន ៤៨នាក់ កំពុងសម្រាកព្យាបាលនៅមន្ទីរពេទ្យ៕