COVID-19
ជាតិ
×![]()
ដោយ: សារព័ត៌មានថ្មីៗ
ពលករខ្មែរចំនួន១១ទៀតហើយ បានជាសះស្បើយពីជំងឺកូវីដ-១៩ ក្នុងនោះ៧នាក់ ជាអ្នកជំងឺសម្រាកព្យាបាលនៅមន្ទីរពេទ្យបង្អែកខេត្តបន្ទាយមានជ័យ ៤នាក់ទៀតព្យាបាលនៅមន្ទីរពេទ្យបង្អែកខេត្តបាត់ដំបង។ មិនមានករណីឆ្លងថ្មីនោះទេ នៅក្នុងសេចក្តីប្រកាសព័ត៌មានរបស់ក្រសួងសុខាភិបាល នៅថ្ងៃទី២៧ មករានេះ។ 
តាមសេចក្តីប្រកាសព័ត៌មានរបស់ក្រសួងសុខាភិបាល ពលករខ្មែរដែលសះស្បើយទាំង១១នាក់នោះ មានស្ត្រីអាយុ២៩ឆ្នាំ មានអាសយដ្ឋាននៅសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ដែលធ្វើដំណើរពីប្រទេសថៃ មកដល់កម្ពុជានៅថ្ងៃទី១១ មករា។ បុរសអាយុ២៣ឆ្នាំ មានអាសយដ្ឋាននៅសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ដែលធ្វើដំណើរពីប្រទេសថៃ មកដល់កម្ពុជានៅថ្ងៃទី១១ មករា។ បុរសអាយុ២៩ឆ្នាំ មានអាសយដ្ឋាននៅភូមិបន្ទាយមាន ឃុំបន្ទាយនាង ស្រុកមង្គលបុរី ខេត្តបន្ទាយមានជ័យ ដែលធ្វើដំណើរពីប្រទេសថៃ មកដល់កម្ពុជានៅថ្ងៃទី៦ មករា។ ស្ត្រីអាយុ ២៨ឆ្នាំ មានអាសយដ្ឋាននៅភូមិបន្ទាយមាន ឃុំបន្ទាយនាង ស្រុកមង្គលបុរី ខេត្តបន្ទាយមានជ័យ ដែលធ្វើដំណើរពីប្រទេសថៃ មកដល់កម្ពុជានៅថ្ងៃទី៦ មករា។ ស្ត្រីអាយុ ៣៨ឆ្នាំ មានអាសយដ្ឋាននៅភូមិប៉ែនមាស ឃុំសំរោង ស្រុកត្រាំកក់ ខេត្តតាកែវ ដែលធ្វើដំណើរពីប្រទេសថៃ មកដល់កម្ពុជានៅថ្ងៃទី១៧ មករា។ បុរសអាយុ២៣ឆ្នាំ មានអាសយដ្ឋាននៅភូមិបន្ទាយមានរិទ្ធ ឃុំគោករមៀត ស្រុកថ្មពួក ខេត្តបន្ទាយមានជ័យ ដែលធ្វើដំណើរពីប្រទេសថៃ មកដល់កម្ពុជានៅថ្ងៃទី១៧ មករា។ តាមក្រសួងសុខាភិបាល អ្នកទាំង៧នាក់នេះ ទទួលបានលទ្ធផលអវិជ្ជមាន២លើក និងត្រូវបានអនុញ្ញាតឲ្យចេញពីមន្ទីរពេទ្យបង្អែកខេត្តបន្ទាយមានជ័យ។
អ្នកសះស្បើយ ៤នាក់ទៀត ជាអ្នកដែលទទួលបានលទ្ធផលអវិជ្ជមាន ២លើកដូចគ្នា រួមមានបុរសអាយុ៣៤ឆ្នាំ មានអាសយដ្ឋាននៅឃុំបឹងរាំង ស្រុកកំរៀង ខេត្តបាត់ដំបង បានធ្វើដំណើរពីប្រទេសថៃ មកដល់កម្ពុជានៅថ្ងៃទី១៣មករា។ បុរសអាយុ២៨ឆ្នាំ មានអាសយដ្ឋាននៅឃុំសំរោង ស្រុកសំរោង ខេត្តតាកែវ បានធ្វើដំណើរពីប្រទេសថៃ មកដល់កម្ពុជានៅថ្ងៃទី១៣មករា។ ស្ត្រីអាយុ២៨ឆ្នាំ មានអាសយដ្ឋាននៅសង្កាត់ព្រៃព្រីងត្បូង សង្កាត់ពោធិ៍សែនជ័យ រាជធានីភ្នំពេញ បានធ្វើដំណើរពីប្រទេសថៃ មកដល់កម្ពុជានៅថ្ងៃទី១៣មករា។ ស្ត្រីអាយុ៣៥ឆ្នាំ មានអាសយដ្ឋាននៅស្រុកកំរៀង ខេត្តបាត់ដំបង បានធ្វើដំណើរពីប្រទេសថៃ មកដល់កម្ពុជានៅថ្ងៃទី១៣មករា។
សូមជម្រាបថា គិតត្រឹមថ្ងៃទី២៧ ខែមករា ឆ្នាំ២០២១នេះ កម្ពុជាបានរកឃើញករណីវិជ្ជមានសរុប ៤៦០ករណី ក្នុងនោះ ៤២៣ករណីបានសះស្បើយ។ នៅសល់អ្នកជំងឺចំនួន ៣៧នាក់ទៀតកំពុងសម្រាកព្យាបាលនៅមន្ទីរពេទ្យ៕
© រក្សាសិទ្ធិដោយ thmeythmey.com
