ជាតិ
គុណប្រយោជន៍ អត្ថប្រយោជន៍ពីការពិសារទឹករ៉ែដែលមាន PH ខ្ពស់
× ទឹកអាល់កាឡាំង គឺជាទឹកដែលត្រូវបានគេធ្វើដោយអ៊ីយ៉ូដ ដែលមានន័យថាកម្រិត pH នៃទឹកត្រូវបានកើនឡើង។ កម្រិតpH គឺជាចំនួនដែលវាស់ថា តើសារធាតុអាស៊ីត ឬអាល់កាឡាំងមានកម្រិតពី ០ ដល់ ១៤ ។ ទឹកអាល់កាឡាំង មានកម្រិត pH ប្រហែល ៨ ឬ ៩ និងកម្រិត pH នៃទឹកម៉ាស៊ីនធម្មតាគឺ ៧។ វាត្រូវបានគេជឿជាក់ថា ទឹកអាល់កាឡាំង ជួយមនុស្សដែលមានជាតិអាស៊ីតច្រើនពេក ឲ្យជួយបន្សាបអាស៊ីតក្នុងរាងកាយមនុស្ស។
អត្ថប្រយោជន៍របស់ទឹកអាល់កាឡាំង៖
1. ទឹកអាល់កាឡាំង ផ្តល់ជាតិទឹកខ្លាំងបើប្រៀបធៀបនឹងទឹកធម្មតា។ វាមានប្រយោជន៍សម្រាប់មនុស្ស ដែលធ្វើការប្រចាំថ្ងៃ ហើយត្រូវការទឹកច្រើននៅក្នុងខ្លួន។ និយាយតាមបែបវិទ្យាសាស្ត្រ ម៉ូលេគុលទឹកនៅក្នុងទឹកអាល់កាឡាំង មានទំហំតូចជាង និងងាយស្រូបយកដោយកោសិការបស់អ្នក ដែលជួយឱ្យរាងកាយរបស់អ្នកមានជាតិទឹកឡើងវិញយ៉ាងឆាប់រហ័ស។
2. អត្ថប្រយោជន៍ទឹកអាល់កាឡាំង ក៏រួមបញ្ចូលទាំងការបង្កើនភាពស៊ាំផងដែរ។ ប្រព័ន្ធភាពស៊ាំរបស់អ្នក អាចជួយបន្សាបជាតិអាស៊ីតនៅក្នុងខ្លួន ដែលបណ្តាលមកពីរបបអាហារមិនល្អ និងជាតិពុលរបស់បរិស្ថាន។
3. ទឹកអាល់កាឡាំង មានសារធាតុរ៉ែផ្សេងៗដូចជា ម៉ាញ៉េស្យូម និងកាល់ស្យូម ដែលសារធាតុទាំងពីរនេះ មានសារៈសំខាន់ សម្រាប់ថែរក្សាឆ្អឹងឱ្យមានសុខភាពល្អ។
4. ទឹកអាល់កាឡាំង មានសារធាតុប្រឆាំងអុកស៊ីតកម្ម ដ៏ខ្លាំងក្លាដែលជួយទប់ស្កាត់ការលូតលាស់ របស់កោសិកាដែលបំផ្លាញរ៉ាឌីកាល់សេរី នៅក្នុងខ្លួនមនុស្ស។
5. អត្ថប្រយោជន៍ដ៏សំខាន់បំផុតមួយ នៃទឹកអាល់កាឡាំង គឺវាបន្សាបអាស៊ីតនៅក្នុងខ្លួនរបស់យើង ដោយបន្ថយអាស៊ីតជាច្រើន នៅក្នុងក្រពះនិងពោះវៀន។
© រក្សាសិទ្ធិដោយ thmeythmey.com