COVID-19
ជាតិ
×![]()
ភ្នំពេញ៖ ក្រសួងសុខាភិបាលនាថ្ងៃទី៤ ខែកុម្ភៈបានប្រកាសរកឃើញបុរសខ្មែរម្នាក់មកពីប្រទេសគុយវ៉ែតម្នាក់ មានកូវីដ-១៩។ ទន្ទឹមនេះក្រសួងក៏ប្រកាសករណីជាសះស្បើយចំនួន៤នាក់ដែលជាពលករមកពីប្រទេសថៃផងដែរ។ 
ក្រសួងសុខាភិបាលបានបញ្ជាក់ថា បុរសដែលផ្ទុកកូវីដ-១៩នៅថ្ងៃនេះ មានអាសយដ្ឋាននៅក្នុងស្រុកក្រូចឆ្មារ ខេត្តត្បូងឃ្មុំ។ បុរសរូបនេះ បានធ្វើដំណើរពីគុយវ៉ែតមកដល់កម្ពុជា កាលពីថ្ងៃទី១ កុម្ភៈ។ បច្ចុប្បន្នអ្នកជំងឺនេះ កំពុងព្យាបាលនៅមជ្ឈមណ្ឌលជាតិកំចាត់រោគរបេង និងហង់សិន។
ចំពោះអ្នកជាសះស្បើយចំនួន៤នាក់នៅថ្ងៃនេះ ជាពលករមកពីប្រទេស ដែលបានសម្រាកព្យាបាលនៅខេត្តបន្ទាយមានជ័យ ។ ក្នុងនោះមានស្ត្រីអាយុ៣៨ឆ្នាំ នៅក្នុងស្រុកក្រឡាញ់ ខេត្តសៀមរាប បានមកដល់កម្ពុជានៅថ្ងៃទី១១ ខែមករា។ ស្ត្រីម្នាក់ទៀតមានអាយុ៤២ឆ្នាំ ស្នាក់នៅក្នុងសង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានមកដល់កម្ពុជានៅថ្ងៃទី១២ ខែមករា។
បុរសអាយុ៣១ឆ្នាំ ស្នាក់នៅក្នុងឃុំគោករមៀត ស្រុកថ្មពួកខេត្តបន្ទាយមានជ័យ បានមកដល់កម្ពុជានៅថ្ងៃទី១៧ ខែមករា។ ចំណែកបុរសម្នាក់ទៀតអាយុ២៦ឆ្នាំ ស្នាក់នៅក្នុងឃុំស្រណោល ស្រុកក្រឡាញ ខេត្តសៀមរាប បានមកដល់កម្ពុជានៅថ្ងៃទី១៤ ខែមករា។ បច្ចុប្បន្នពួកគេទាំង៤នាក់នោះត្រូវបានពេទ្យអនុញ្ញាតឲ្យចាកចេញពីមន្ទីរពេទ្យបង្អែកខេត្តបន្ទាយមានជ័យហើយ។
គិតត្រឹមថ្ងៃទី៤ ខែកុម្ភៈ កម្ពុជាមានករណីឆ្លងកូវីដ-១៩ សរុប៤៦៧នាក់ ក្នុងនោះ មាន៤៥១នាក់ បានជាសះស្បើយ។ អ្នកជំងឺ១៦នាក់ទៀត កំពុងសម្រាកព្យាបាលជំងឺនៅតាមមន្ទីរពេទ្យក្នុងរាជធានីភ្នំពេញ ប៉ៃលិន និងបន្ទាយមានជ័យ៕
Tag:
ជំងឺ
កូវីដ-១៩
© រក្សាសិទ្ធិដោយ thmeythmey.com
