ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
អ្នកភូមិបង្កោងក្នុងតំបន់អង្គរធ្វើពិធីចាប់ត្រីរួមគ្នាប្រណិប័តន៍តាមទំនៀមពីបុរាណ
07, Feb 2021 ,
5:14 pm
រូបភាព
រូបពីអាជ្ញាធរជាតិអប្សរា
×
ដោយ:
អុីសា រ៉ហានី (Isa Rohany)
សៀមរាប៖ ដូចរាល់ឆ្នាំ ឱ្យតែដល់ខែមាឃ អ្នកភូមិបង្កោងបានរៀបចំពិធីចាប់ត្រីរួមគ្នា ដើម្បីបង្ហាញពីភាពសប្បាយរីករាយ សាមគ្គីភាព ពិសេសអភិរក្សមរតកពីដូនតាដែលបន្សល់ទុកមកដល់បច្ចុប្បន្នកាល។
នៅព្រឹកថ្ងៃទី៦ ខែកុម្ភៈ ប្រជាពលរដ្ឋច្រើនរយនាក់នៃភូមិបង្កោង ឃុំអំពិល ស្រុកប្រាសាទបាគង បានចុះចាប់ត្រីរួមគ្នា ទៅតាមកាលកំណត់ដែលបានព្រៀងទុក។ ពិធីនៅឆ្នាំនេះ បានពន្យារពេលបន្ដិច ដោយសារទឹកក្នុងត្រពាំងបុរាណក្នុងភូមិមានបរិមាណច្រើន យ៉ាងណាគេតែងធ្វើក្នុងខែមាឃជាកំហិត។
មេភូមិបង្កោង លោក ពេជ្រ ឃិន បានឱ្យដឹងថា នេះជាពិធីដែលអ្នកភូមិតែងធ្វើជារហូតមកមិនដែលខានឡើយ។ ហើយការចាប់ត្រីក្នុងត្រពាំងបឹងនេះទៀតសោត ក៏អនុញ្ញាតឱ្យពលរដ្ឋក្នុងភូមិនេះតែប៉ុណ្ណោះ ទើបអាចចុះចាប់បាន ដោយប្រើឧបករណ៍បុរាណ មានសំណាញ់ អង្រុត ឈ្នាងជាដើម។ លោកបន្ថែមថា អ្នកភូមិទាំងអស់ តម្រូវឱ្យមកជុំគ្នាទាំងព្រលឹមស្រាងៗ ឬអ្នកខ្លះមកតាំងពីយប់ម៉ោង៤ភ្លឺ ដោយរង់ចាំស្ដាប់សញ្ញាដុតកាំជ្រួចពីមេភូមិ ទើបពួកគេអាចចុះចាប់ត្រីបាន។
ពិធីចាប់ត្រីនេះ ក៏ស្របតាមពិធីឡើងមាឃ ឬឡើងអ្នកតាផងដែរ។ ត្រីមួយចំណែកនៃពិធីនេះ តម្រូវឱ្យទុកសម្រាប់ត្រៀមធ្វើទឹកសម្លនំបញ្ចុកសម្រាប់ពិធីនៅថ្ងៃបន្ទាប់ គឺពិធីឡើងអ្នកតា ដែលអ្នកភូមិយកសម្ល បង្អែម ភេសជ្ជៈទៅជុំគ្នានៅសាលាឆទាន។ ទំនៀមនេះ ក៏នៅមានតាមបណ្ដាភូមិដទៃទៀតនៅក្នុងតំបន់អង្គរដែរ តែមិនមានពិធីចាប់ត្រីរួមគ្នាដូចអ្នកភូមិបង្កោងនេះទេ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ចាប់ត្រី
អង្គរ
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
7 ថ្ងៃ
«បុរាណ»និង«បូរាណ» មានអត្ថន័យដូចគ្នា
1 សប្តាហ៍
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម