COVID-19
កីឡាអន្តរជាតិ
អន្តរជាតិ
UCL៖ ហុងគ្រី ផ្តល់ទីលានប្រកួតឱ្យក្រុមពីអាល្លឺម៉ង់-អង់គ្លេស ដែលមានបញ្ហា COVID-19
× ហុងគ្រី ផ្តល់ទីលានប្រកួតជំនួបជើងទី១ វគ្គ១៦ក្រុមចុងក្រោយ Champions League រវាង Borussia Monchengladbach និង Manchester City។ នេះជាគូទីពីរហើយន្ទាប់ពី RasenBallsport Leipzig ជាមួយ Liverpool ដែលត្រូវលេងនៅទឹកដីកណ្តាលក្នុងក្រុងប៊ុយដាប៉ែស ប្រទេសហុងគ្រី ដ្បិតអាល្លឺម៉ង់ហាមមិនឱ្យក្រុមពីអង់គ្លេសចូលប្រទេស។
អាល្លឺម៉ង់បានហាមឃាត់រាល់អ្នកធ្វើដំណើរពីបណ្តាប្រទេសនានារួមទាំងអង់គ្លេសផងដើម្បីបង្ការការឆ្លងជំងឺ COVID-19។ ដោយសារមូលហេតុនេះ តម្រូវឱ្យក្លិបដែលមានមូលដ្ឋានក្នុងក្របខណ្ឌ Bundesliga ដែលត្រូវលេងទល់នឹងក្រុមពីប្រទេសហាមឃាត់ក្នុងក្របខណ្ឌអឺរ៉ុប ត្រូវរកទីលាននៅក្រៅប្រទេសដើម្បីប្រកួត។
កីឡដ្ឋាន Puskas Arena ដែលស្ថិតក្នុងក្រុងប៊ុយដាប៉ែស ប្រទេសហុងគ្រីត្រូវបានផ្តល់ឱ្យសម្រាប់ការប្រកួតទាំងពីរគូរវាង Borussia Monchengladbach និង Man City និង Leipzig ទល់ Liverpool។
ជំនួបរវាង Monchengladbach និង Man City ជើងទី១ វគ្គ១៦ក្រុមចុងក្រោយនឹងធ្វើឡើងនៅរាត្រីថ្ងៃទី២៤ ខែកុម្ភៈ បន្ទាប់ពីការប្រកួតរបស់ Leipzig ជាមួយ Liverpool ដែលធ្វើនៅរាត្រីថ្ងៃទី១៦ ខែកុម្ភៈ។ ដោយឡែក សម្រាប់ជំនួបជើងទី២ នៅពាក់កណ្តាលខែមីនា ក្រុមអង់គ្លេសនឹងប្រើប្រាស់ទឹកដីរបស់ខ្លួនធម្មតា៕
Tag:
Champions League
COVID-19
© រក្សាសិទ្ធិដោយ thmeythmey.com