ពីនេះ ពីនោះ
«បញ្ចោរ» និង «បញ្ជោរ» ន័យខុសគ្នា តែមានអ្នកសរសេរច្រឡំច្រើន
× រវាងជើង «ច» និង «ជ» បើសរសេរច្រឡំ ពាក្យនឹងផ្តល់ន័យផ្សេងគ្នា។ សារព័ត៌មានថ្មីៗ សូមលើកយកឧទាហរណ៍ ទាក់ទងពាក្យ «បញ្ចោរ» និង «បញ្ជោរ»។
តាមវចនានុក្រម «បញ្ចោរ» ជាកិរិយាសព្ទ ដែលមានន័យថា ពោលវាចាអាសគ្រាមទៅកាន់ស្ត្រីដោយប្រើពាក្យថា មេចោរ . . . ជាដើម ។ បញ្ចោរលើកអាស បញ្ចោរចំអាស ។
រីឯកិរិយាសព្ទ «បញ្ជោរ» មានន័យថា ធ្វើឲ្យជោរ; និយាយលើកជើង, លើកសរសើរឲ្យឡើងទឹកចិត្តហាក់ដូចជាទឹកជោរ ។ ឡើងបញ្ជោរ កិ. ឬ គុ. ដែលឡើងទឹកចិត្តចេញអាការរីករាយដោយសារគេបញ្ជោរ ។ ស៊ីបញ្ជោរ គុ. ដែលបានតែគេបញ្ជោរទើបគាប់ចិត្ត ៕
© រក្សាសិទ្ធិដោយ thmeythmey.com