កីឡាអន្តរជាតិ
អន្តរជាតិ
UCL៖ Pirlo ថា Ronaldo ចង់រកគ្រាប់ឱ្យបានច្រើនក្នុងជំនួប Juventus និង Porto
× Cristiano Ronaldo នឹងលេងឱ្យក្រុម Juventus ក្នុងជំនួបទល់នឹង FC Porto ក្នុងការប្រកួត Champions League ជើងទី១ វគ្គ១៦ក្រុមចុងក្រោយនៅរាត្រីថ្ងៃទី១៧ ខែកុម្ភៈនេះ វេលាម៉ោង ៣:០០នាទី [ម៉ោងនៅកម្ពុជា]។ លោក Andrea Pirlo អះអាថា Ronaldo ចង់ស៊ុតបញ្ចូលទីឱ្យបានច្រើនគ្រាប់ ពេលប៉ះក្រុមនៅប្រទេសកំណើតមួយនេះ។
Pirlo អ្នកចាត់ការទូទៅ Juventus ក៏បានផ្តាំកូនក្រុមត្រូវមានការប្រុងប្រយ័ត្ធខ្ពស់ក្នុងការប្រកួតទល់នឹងក្រុមព័រទុយហ្គាល់មួយនេះ ដើម្បីកុំឱ្យខកចិត្តដូចរដូវកាលមុន ដែលពួកគេត្រូវ Lyon ទម្លាក់ពីក្របខណ្ឌអឺរ៉ុបត្រឹមវគ្គ១៦ក្រុម។
Ronaldo ដែលឈានចូលដល់វ័យ ៣៦ឆ្នាំថ្មីៗនេះ មិនដែលលេងតតាំងទល់នឹងក្រុមដែលមានមូលដ្ឋាននៅព័រទុយហ្គាល់សម្រាប់ពានរង្វាន់ Champions League ចាប់ពីខែវិច្ឆិកា ឆ្នាំ ២០១៦ ម្លេះ ពោលគឺតាំងពីរូបគេលេងឱ្យ Real Madrid ក្នុងជ័យជម្នះ២-១ លើក្រុម Sporting CP។
ការវិលត្រឡប់របស់ម្ចាស់ពាន Ballon d'Or ៥សម័យទៅកាន់ទឹកដីកំណើត ត្រូវបានលោក Pirlo យល់ថានេះជាការផ្តល់កម្លាំងចិត្តបន្ថែមទៀតសម្រាប់ Ronaldo ក្នុងការរកគ្រាប់បាល់បន្ថែម។
អ្នកចាត់ការសញ្ជាតិអ៊ីតាលីបានប្រាប់អ្នកកាសែតក្នុងសន្និសីទថា៖ «Cristiano Ronaldo បានត្រឡប់ទៅផ្ទះវិញនៅព័រទុយហ្គាល់។ គាត់ចង់រកគ្រាប់បាល់ឱ្យបានច្រើនជាងនេះបន្ថែមទៀត»។
សម្រាប់ជំនួបមួយគូទៀតដែលធ្វើនៅម៉ោងដំណាលគ្នានេះ គឺ Sevilla ត្រូវស្វាគមន៍ Borussia Dortmund នៅជើងទី១ វគ្គ១៦ក្រុមចុងក្រោយ៕
Tag:
Champions League
Cristiano Ronaldo
© រក្សាសិទ្ធិដោយ thmeythmey.com