កីឡាអន្តរជាតិ
អន្តរជាតិ
ម្តាយរបស់ Ronaldinho អតីតវីរបុរសប្រេស៊ីល និង Barcelona ស្លាប់ដោយសារកូវីដ-១៩
× អ្នកស្រី Dona Miguelina ម្តាយបង្កើតរបស់ Ronaldinho អតីតកីឡាករបាល់ទាត់អន្តរជាតិប្រេស៊ីល និងក្លិប Barcelona បានទទួលមរណភាពក្នុងអាយុ៧១ឆ្នាំ ដោយសារកូវីដ-១៩ បន្ទាប់ពីត្រូវបានបញ្ជូនទៅព្យាបាលនៅមន្ទីរពេទ្យក្រុង Porto Alegre កាលពីចុងឆ្នាំ២០២០។
កាលពីថ្ងៃទី២១ ខែធ្នូ Ronaldinho បានប្រកាសជាសាធារណៈពីស្ថានភាពសុខភាពម្តាយរបស់ខ្លួន ដោយបានបួងសួងឲ្យគាត់ឆាប់ជាសះស្បើយ។
ក្លិប Atletico Mineiro ក៏ដូចជា Barcelona បានចូលរួមរំលែកទុក្ខអតីតកីឡាកររបស់ខ្លួននៅលើបណ្តាញសង្គម រីឯកីឡាករល្បីៗជាច្រើន ក្នុងនោះមាន Lionel Messi ផងដែរនោះ ក៏បានលើកទឹកចិត្តដល់មិត្តរួមក្រុមរបស់ខ្លួនផងដែរ។
Ronaldinho ផ្ទាល់ក៏ធ្លាប់មានវិជ្ជមានកូវីដ-១៩ ផងដែរ ប៉ុន្តែមិនមានលក្ខណៈធ្ងន់ធ្ងរឡើយ ដែលក្រោយមកបានជាសះស្បើយ។
គិតត្រឹមល្ងាចថ្ងៃទី២២ ខែកុម្ភៈនេះ ប្រេស៊ីលមានអ្នកឆ្លងជាង១០,១៦លាននាក់ ដែលស្ថិតនៅលំដាប់ទីបីបន្ទាប់ពីសហរដ្ឋអាមេរិក និងឥណ្ឌា ប៉ុន្តែមានអ្នកស្លាប់ជាង២៤,៦៥ម៉ឺននាក់ ដែលជាតួលេខច្រើនជាងគេលំដាប់ទីពីរ បន្ទាប់ពីសហរដ្ឋអាមេរិក៕
© រក្សាសិទ្ធិដោយ thmeythmey.com