អត្ថបទពាណិជ្ជកម្ម
ពិធីបើកសម្ពោធសាខាសិទ្ធិអាជីវកម្មថ្មី (NEW FRANCHISE STORE) ក្នុងតំបន់សែនសុខ “ផាកកាហ្វេ ដឹហ្គ្រីនខំម្យូនីធីម៉ល”
×![]()
ដោយ: សារព័ត៌មានថ្មីៗ
ក្នុងនាមក្រុមហ៊ុន យូណាយធីត ផាក ឯ.ក សូមសម្តែងការស្វាគមន៍យ៉ាងកក់ក្តៅ ចំពោះវត្តមានរបស់លោក លោកស្រី អ្នកនាង កញ្ញា ភ្ញៀវកិត្តិយសទាំងអស់ ដែលបានអញ្ជើញចូលរួម ជាអធិបតី ក្នុងពិធី “ផាកកាហ្វេដឹហ្គ្រីនខំម្យូនីធីម៉ល” ដែលសាខាថ្មីមួយទៀត ក្នុងខណ្ឌសែនសុខ ។“ផាកកាហ្វេដឹហ្គ្រីនខំម្យូនីធីម៉ល” គឺជាសាខាសិទិ្ធអាជីវកម្ម (FranchiseStore) ថ្មី១កន្លែងទៀត។
ជាមួយការបម្រើជូនអតិថិជន នូវអាហារសុខភាព ប្រកបដោយរសជាតិយ៉ាងឈ្ងុយឆ្ងាញ់ មានច្រើនជម្រើស កាហ្វេភេសជ្ជៈ ទឹកផ្លែឈើស្រស់ៗ ដោយប្រើគ្រឿងផ្សំធម្មជាតិល្អៗ ស្រស់ៗ ជាផលិតផលក្នុងស្រុក សម្រាប់ការផលិត និងរៀបចំបម្រើអតិថិជន ប្រកាន់ភ្ជាប់នូវអនាម័យ យ៉ាងខ្ជាប់ខ្ជួន ជាមួយបរិយាកាសហាងមានផាសុកភាព ការរៀបចំបែបទំនើប នៅ Park Café The Green Community Mall ។
លោក ហេង សេងលី អគ្គនាយកគ្រប់គ្រង ក្រុមហ៊ុន យូណាយធីត ផាក ឯ.ក បានបង្ហើបឱ្យដឹងបន្ថែមទៀតថា ក្រុមហ៊ុនកំពុងតែរៀបចំបើកសាខាថ្មីៗ ដែលសុទ្ធតែជាសាខាសិទ្ធិអាជីវកម្ម (Franchise Store) ចំនួន៥កន្លែងផ្សេងទៀត មានដូចជា៖ សាខាព្រែកតាមាក់ ផ្លូវជាតិលេខ6A, សាខាកាល់ម៉ែត នៅទីតាំងថ្មីក្បែរសណ្ឋាគារភ្នំពេញ, សាខាផ្លូវកប់ស្រូវ, សាខាស្តាតអូឡាំពិកទល់មុខវត្តមហាមន្ត្រី និងសាខាក្រុងព្រះសីហនុ។ សាខាទាំងនេះ នឹងបើកបម្រើអតិថិជន នៅចុងត្រីមាសទី១ នៃឆ្នាំ២០២១ខាងមុខ។ សរុបរួម ក្នុងឆ្នាំ២០២១នេះ សាខាទាំងបើកហើយ ត្រៀមនឹងបើក មានរហូតដល់២៥សាខា។
ក្រុមហ៊ុន នៅតែបន្តទទួលស្វាគមន៍ដៃគូសិទ្ធិអាជីវកម្មបន្ថែមទៀត ដើម្បីបំពេញតម្រូវការជូន ដល់បងប្អូនប្រជាជនទូទាំងប្រទេសកម្ពុជា។
សូមរំលឹកផងដែរថា ផាកកាហ្វេ បានចាប់បដិសន្ធិឡើង នៅឆ្នាំ២០០៤ ជាមួយនឹងភោជនីយដ្ឋានដ៏ល្អប្រណិត ប្រកបដោយបរិយាកាសល្អមាន ផាសុកភាពម្ហូបឆ្ងាញ់ៗគ្មានជាតិប៊ីចេង និងសេវាកម្មរហ័ស បែបទំនើប។ ដោយមានការគាំទ្រពីសំណាក់អតិថិជន លើផលិតផល អាហារគ្មានប៊ីចេង កាហ្វេទឹកដោះគ្មានជាតិខ្លាញ់ (Zero Fat Milk) ប្រើទឹកឃ្មុំជំនួសស្ករ កាហ្វេភ្នំពេញឆុងបែបបុរាណខ្មែរ និងភេសជ្ជៈទឹកផ្លែឈើស្រស់ល្អជំនួយសុខភាពផងដែរ៕
© រក្សាសិទ្ធិដោយ thmeythmey.com
