ពីនេះ ពីនោះ
«សន្យាសភាព» មានន័យដូចម្តេច?
× «សន្យាសភាព» អានថា«ស័ន-យ៉ាសៈ ភាប» ជាភាសាសំស្ក្រឹត ដែលមានន័យថា មរណភាពយ៉ាងឆាប់ភ្លាម។ ឧទាហរណ៍៖ ទទួលសន្យាសភាពដោយអាសន្នរោគ។
ពាក្យនេះកម្រមានអ្នកប្រើក្នុងបច្ចុប្បន្នកាលនេះណាស់ ភាគច្រើនប្រើពាក្យ«ស្លាប់»ជាកិរិយាសព្ទមានន័យថា អស់ខ្យល់ដង្ហើម អស់ជីវិត។
ស្លាប់ ប្រើជាវេវចនៈ មានន័យថា បរិនិព្វាន,សោយទិព្វជង្គត,សោយទិវង្គត,សោយពិរាល័យ,សុគត ឬ សុរគត; ក្ស័យ, ក្សិណក្ស័យ; ទទួលអសញ្ញកម្ម ឬ ទទួលអសញ្ញភាព; ទទួលមរណភាព; ទទួលអនិច្ចធម្ម; ទទួលអនិច្ចកម្ម; ធ្វើកាលកិរិយា; រលត់, រលត់ខន្ធ, រំលាងខន្ធ, ធ្លាយខន្ធ, ធ្លាយសង្ខារ ឬ បែកធ្លាយសង្ខារ; បាត់បង់; ដើរ; ផុត, ផុតរលត់; ដាច់ខ្យល់, អស់ដង្ហើម; ងាប់; តាយសាក; តាយហោង; ស្មឹង, តាយស្មឹង; តេន (ប្រើតាមថ្នាក់ ខ្ពស់, កណ្ដាល, ទាបនិងសាមញ្ញ)៕
© រក្សាសិទ្ធិដោយ thmeythmey.com