COVID-19
ជាតិ
×![]()
ដោយ: ថ្មីៗ
ក្រសួងសុខាភិបាល នាព្រឹកថ្ងៃព្រហស្បតិ៍នេះ បានប្រកាសពីករណីវិជ្ជមានកូវីដ-១៩ ចំនួន ៦៥នាក់ទៀតនៅកម្ពុជា ដែលក្នុងនោះ ៥៨នាក់ ពាក់ព័ន្ធព្រឹត្តិការណ៍សហគមន៍២០កុម្ភៈ។ សរុបមកដល់ពេលនេះ កម្ពុជាមានអ្នកកូវីដ-១៩ ចំនួន៦៩៧នាក់ ដែលក្នុងនោះអ្នកពាក់ព័ន្ធព្រឹតិ្តការណ៍សហគមន៍២០កុម្ភៈឡើងដល់១៩៤នាក់។
៥៨ករណីថ្មីដែលពាក់ព័ន្ធព្រឹត្តិការណ៍២០កុម្ភៈ មានចិន៥១នាក់ ខ្មែរ៥នាក់ វៀតណាម៩នាក់ ជប៉ុន១នាក់ កូរ៉េខាងត្បូង១នាក់ សិង្ហបុរី១នាក់។ ក្នុងចំណោមអ្នកជំងឺទាំងនោះ មានកុមារីអាយុ១៦ខែម្នាក់ ដែលជាជនជាតិវៀតណាម។ តាមក្រសួងសុខាភិបាល អ្នកទាំងនោះមានអាសយដ្ឋាននៅទីតាំងផ្សេងៗគ្នាក្នុងរាជធានីភ្នំពេញ។ អ្នកជំងឺត្រូវបានដាក់ឲ្យសម្រាកព្យាបាលនៅមណ្ឌលចត្តាឡីស័ក រាជធានីភ្នំពេញ។
រីឯ៧ករណីទៀត មាន១ករណីជាបុរសជនជាតិខ្មែរអាយុ៦៥ឆ្នាំ ដែលបម្រើការជាកងទ័ពមួកខៀវ អាសយដ្ឋាននៅភូមិកូនមុំ ខេត្តរតនគិរី។ គាត់មកពីប្រទេសនៅអាហ្វ្រិក ហើយមកដល់កម្ពុជានៅថ្ងៃទី២១ ខែកុម្ភៈ។ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅសាលារក្សាសន្តិភាពពហុសាស្ត្រកំពង់ស្ពឺ។
៦ករណីទៀតសុទ្ធតែជាជនជាតិចិន (ប្រុស៤ ស្រី២) អាសយដ្ឋាននៅក្រុងព្រះសីហនុ ខេត្តព្រះសីហនុ។ ពួកគាត់មានបំណងធ្វើដំណើរទៅចិនវិញ ហើយបានទៅធ្វើតេស្តសុំវិញ្ញាបនបត្របញ្ជាក់សុខភាព។ លទ្ធផលបង្ហាញថា វិជ្ជមាន ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។
គិតមកដល់ថ្ងៃនេះ កម្ពុជាមានកូវីដ-១៩ សរុប៦៩៧ករណី ដោយសះស្បើយ៤៧៧ករណី និង២១៧ករណីកំពុងសម្រាកព្យាបាល។ អ្នកពាក់ព័ន្ធព្រឹត្តិការណ៍សហគមន៍២០កុម្ភៈ ឡើងដល់១៩៤នាក់ហើយ៕
៥៨ករណីថ្មីដែលពាក់ព័ន្ធព្រឹត្តិការណ៍២០កុម្ភៈ មានចិន៥១នាក់ ខ្មែរ៥នាក់ វៀតណាម៩នាក់ ជប៉ុន១នាក់ កូរ៉េខាងត្បូង១នាក់ សិង្ហបុរី១នាក់។ ក្នុងចំណោមអ្នកជំងឺទាំងនោះ មានកុមារីអាយុ១៦ខែម្នាក់ ដែលជាជនជាតិវៀតណាម។ តាមក្រសួងសុខាភិបាល អ្នកទាំងនោះមានអាសយដ្ឋាននៅទីតាំងផ្សេងៗគ្នាក្នុងរាជធានីភ្នំពេញ។ អ្នកជំងឺត្រូវបានដាក់ឲ្យសម្រាកព្យាបាលនៅមណ្ឌលចត្តាឡីស័ក រាជធានីភ្នំពេញ។
រីឯ៧ករណីទៀត មាន១ករណីជាបុរសជនជាតិខ្មែរអាយុ៦៥ឆ្នាំ ដែលបម្រើការជាកងទ័ពមួកខៀវ អាសយដ្ឋាននៅភូមិកូនមុំ ខេត្តរតនគិរី។ គាត់មកពីប្រទេសនៅអាហ្វ្រិក ហើយមកដល់កម្ពុជានៅថ្ងៃទី២១ ខែកុម្ភៈ។ បច្ចុប្បន្នអ្នកជំងឺត្រូវបានដាក់ឲ្យសម្រាកព្យាបាលនៅសាលារក្សាសន្តិភាពពហុសាស្ត្រកំពង់ស្ពឺ។
៦ករណីទៀតសុទ្ធតែជាជនជាតិចិន (ប្រុស៤ ស្រី២) អាសយដ្ឋាននៅក្រុងព្រះសីហនុ ខេត្តព្រះសីហនុ។ ពួកគាត់មានបំណងធ្វើដំណើរទៅចិនវិញ ហើយបានទៅធ្វើតេស្តសុំវិញ្ញាបនបត្របញ្ជាក់សុខភាព។ លទ្ធផលបង្ហាញថា វិជ្ជមាន ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យបង្អែកខេត្តព្រះសីហនុ។
គិតមកដល់ថ្ងៃនេះ កម្ពុជាមានកូវីដ-១៩ សរុប៦៩៧ករណី ដោយសះស្បើយ៤៧៧ករណី និង២១៧ករណីកំពុងសម្រាកព្យាបាល។ អ្នកពាក់ព័ន្ធព្រឹត្តិការណ៍សហគមន៍២០កុម្ភៈ ឡើងដល់១៩៤នាក់ហើយ៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
