COVID-19
ជាតិ
ពលរដ្ឋខ្មែរអាយុ៥៩ឆ្នាំចុះ ចាក់ Sinopharm រីឯលើស៦០ឆ្នាំចាក់ AstraZeneca
× សម្តេចនាយករដ្ឋមន្ត្រី ហ៊ុន សែន នាសន្និសីទសារព័ត៌មាននៅមន្ទីរពេទ្យកាល់ម៉ែត្រ បានប្រកាសពីយុទ្ធនាការចាក់វ៉ាក់សាំងផ្លូវការនៅកម្ពុជា ដោយពលរដ្ឋខ្មែរចន្លោះពីអាយុ១៨ដល់៥៩ឆ្នាំ ត្រូវចាក់វ៉ាក់សាំង Sinopharm ដែលជាជំនួយរបស់ចិន ឯពលរដ្ឋអាយុ៦០ឆ្នាំ ត្រូវចាក់វ៉ាក់សាំងអង់គ្លេសដែលផលិតនៅឥណ្ឌា AstraZeneca ដែលជាជំនួយពីយន្តការ COVAX។
គិតដល់ពេលនេះ ពលរដ្ឋកម្ពុជាជាង១២,៥ម៉ឺននាក់ហើយដែលបានចាក់វ៉ាក់សាំងកូវីដ-១៩ បន្ទាប់ពីបានជំនួយ៦០ម៉ឺនដូសពីភាគីចិននូវវ៉ាក់សាំង Sinopharm ហើយកាលយប់ពីថ្ងៃទី២ ខែមីនា កម្ពុជាបានវ៉ាក់សាំង AstraZeneca ៣២៤០០០ដូស តាមរយៈយន្តការ COVAX។ នៅមុនចូលឆ្នាំខ្មែរ កម្ពុជានឹងទទួលបាន៤០ម៉ឺនដូសបន្ថែមទៀតពីចិន៕
© រក្សាសិទ្ធិដោយ thmeythmey.com