ពីនេះ ពីនោះ
ព័ត៍មានសុខភាព
សុខភាព
ការសិក្សា៖ អ្នកខ្លះងាយនឹងសន្លប់ដោយសារគ្រឿងស្រវឹង
× ការសិក្សាថ្មីមួយបានឱ្យដឹងថា មនុស្សមួយចំនួនងាយនឹងសន្លប់ដោយសារការញ៉ាំសុរាជាងអ្នកដទៃ ដោយសារតែភាពខុសគ្នានៃដំណើរការរបស់ជាតិអាល់កុលមានឥទ្ធិពលលើខួរក្បាល។
ក្រុមអ្នកស្រាវជ្រាវបានស្កេនខួរក្បាលដោយប្រើ MRI ដែលបានធ្វើឡើងខណៈដែលមនុស្ស ១២នាក់ ដែលធ្លាប់មានប្រវត្តិសន្លប់ដោយសារគ្រឿងស្រវឹង និងមនុស្ស ១២នាក់មិនធ្លាប់សន្លប់ បានប្រើការចងចាំ។ ពួកគេបានធ្វើការពិសោធន៍ការចងចាំទាំងពេលដែលទទួលទាននិងមិនទទួលទានគ្រឿងស្រវឹង។
ការរកឃើញនេះត្រូវបានចេញផ្សាយក្នុងសារពត៌មាន Alcoholism។
អ្នកស្រាវជ្រាវ Reagan Wetherill បាននិយាយថា “ការរកឃើញរបស់យើងបានណែនាំថាអ្នកខ្លះងាយនឹងជួបប្រទះនឹងការសន្លប់ដែលបង្ករឡើងដោយគ្រឿងស្រវឹងជាងអ្នកដទៃ ដោយសារតែភាពខុសគ្នានៃឥទ្ធិពលជាតិអាល់កុលមានលើសកម្មភាពរបស់ខួរក្បាលក្នុងតំបន់ដែលទាក់ទងនឹងការពិនិត្យដោយខ្លួនឯង ការយកចិត្តទុកដាក់ និងការចងចាំ”។
“មិត្តរបស់អ្នកអាចញ៉ាំគ្រឿងស្រវឹងបានក្នុងកម្រិតណាមួយដោយមិនស្រវឹងនិងមានស្មារតីធម្មតា មិនមែនមានន័យថាអ្នកឬអ្នកដទៃទៀតអាចញ៉ាំបានក្នុងកម្រិតដូចគ្នាដោយមិនប៉ះពាល់ស្មារតីរបស់អ្នកនោះទេ”។
© រក្សាសិទ្ធិដោយ thmeythmey.com