ឧបាសិកា សុខ ផល ជ្រើសរើសការត្បាញកាបូបកំប្លោក ភ្ជាប់ជីវិតជាអ្នកកាន់សីល

ជាតិ

បទសម្ភាសន៍

វីដេអូ

ឧបាសិកា សុខ ផល ជ្រើសរើសការត្បាញកាបូបកំប្លោក ភ្ជាប់ជីវិតជាអ្នកកាន់សីល

07, Mar 2021 , 8:29 pm

រូបភាព

ដោយ: អុីសា រ៉ហានី (Isa Rohany)

សៀមរាប៖ ពលរដ្ឋមួយចំនួននៅតំបន់ភ្នំក្រោម សង្កាត់ចុងឃ្នៀស មានរបរជាអ្នកត្បាញកំប្លោក។ របរនេះ បានផ្តល់ចំណូលមួយផ្នែកធំ ដល់ប្រជាពលរដ្ឋទាំងនោះ និងជួយស្ដ្រីជាច្រើនឱ្យមានការងារធ្វើ ក្នុងនោះមានឧបាសិកា សុខ ផល ផងដែរ។ លោកយាយ ផល បានជ្រើសរើសការងារត្បាញកាបូបកំប្លោក មិនបៀតបៀនជីវិតសត្វ ដែលស៏ក្តសមសម្រាប់អ្នកកាន់សីលដូចគាត់។ បើតាមឧបាសិកាវ័យ៦៦ឆ្នាំរូបនេះ តម្បាញកំប្លោក ជាប្រភពចំណូលចម្បងខ្លួន។

ដើម្បីជ្រាបច្បាស់ សូមលោកអ្នកនាងទស្សនាកិច្ចសម្ភាសរវាងអ្នកស្រី អ៊ីសា រ៉ហានី នៃសារព័ត៌មានថ្មីៗ និងលោកយា សុខ ផល ដូចតទៅ៖

អស់ពេលច្រើនខែមកហើយ ដែលលោកយាយ សុខ ផល ផ្តើមត្បាញកំប្លោកធ្វើកាបូបឱ្យម្ចាស់អាជីវកម្មមួយកន្លែង ក្នុងសង្កាត់ចុងឃ្នៀស ក្រុងសៀមរាប។ រាល់ថ្ងៃ លោកយាយតែងចំណាយពេលដើម្បីអង្គុយត្បាញកាបូប គឺបន្ទាប់ពីទំនេរពីម៉ោងកាន់សីល ឬបុណ្យទានផ្សេងៗ។ លោកយាយប្រាប់ថា ក្នុងមួយថ្ងៃអាចត្បាញបានកាបូបមួយ ដែលអាចទទួលកម្រៃបាន១ម៉ឺនរៀល។

លោកយាយ សុខ ផល បានប្រាប់ពីមូលហេតុ ដែលលោកយាយមកអង្គុយត្បាញកំប្លោកនេះថា៖« អត់ការងារអ៊ី ចូលសីលហើយ ធ្វើអ៊ីអត់កើត ទៅទន្លេមានតែការងារធ្វើត្រី មានជីវិត ធ្វើអត់បាន យើងកាន់តែសីលអ៊ីចឹង»។

លោកយាយ សុខ ផល បានឲ្យដឹងទៀតថា លោកយាយរៀនត្បាញកាបូបពីកំប្លោកនេះ ត្រឹមតែមួយសប្ដាហ៍ប៉ុណ្ណោះ។ បច្ចុប្បន្ន លោកយាយចេះត្បាញកាបូបកំប្លោកបាន២ម៉ូដ ហើយតាំងពីត្បាញមក លោកយាយ ធ្វើកាបូបបានប្រមាណ១០០ហើយ។ របរនេះ វាបានជួយឱ្យលោកយាយ សុខ ផល មានថវិកាគ្រប់គ្រាន់សម្រាប់ទៅវត្ត ធ្វើបុណ្យទានបានដោយងាយស្រួល៕