ជាតិ
សេដ្ឋកិច្ច
រដ្ឋបានចាយអស់ជាង ២៦០លានដុល្លារ លើកម្មវិធីឧបត្ថម្ភសាច់ប្រាក់ឱ្យគ្រួសារក្រីក្រ ក្នុងអំឡុងCOVID-19
×![]()
ភ្នំពេញ៖ រដ្ឋាភិបាលតាមរយៈក្រសួងសង្គមកិច្ច អតីតយុទ្ធជន និងយុវនិតីសម្បទា បានចំណាយថវិកាអស់ប្រមាណ ២៦១លានដុល្លារ លើកម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះ ក្នុងអំឡុងពេលប្រយុទ្ធប្រឆាំងជំងឺកូវីដ-១៩។ នេះបើយោងតាមសេចក្តីជូនដំណឹងរបស់ក្រសួងសង្គមកិច្ច នាថ្ងៃទី២៥ មីនា ឆ្នាំ២០២១។
ក្រសួងសង្គមកិច្ចបានបញ្ជាក់ថា ថវិកាជាង២៦០លានដុល្លារ ដែលរដ្ឋបានចំណាយនេះ គឺគិតពីថ្ងៃទី២៥ ខែមិថុនា ឆ្នាំ២០២០ នៃការចាប់ផ្តើមផ្តល់ការអន្តរាគមន៍ក្នុងការអនុវត្តកម្មវិធីឧបត្ថម្ភសាច់ប្រាក់ជូនពលរដ្ឋក្រីក្រ និងរងគ្រោះក្នុងអំឡុងCOVID-19 មកដល់ថ្ងៃទី២៥ មីនា ឆ្នាំ២០២១ ដែលរដ្ឋាភិបាលបានអនុម័តលើកញ្ចប់ថវិកាប្រមាណ៣០លានដុលា្លរ ដើម្បីបន្តឧបត្តម្ភប្រាក់ជូនពលរដ្ឋក្រីក្រ សម្រាប់ជុំទី៤លើកទី២។
ចំពោះកញ្ចប់ថវិកាសម្រាប់ឧបត្ថម្ភប្រាក់ជូនពលរដ្ឋក្រីក្រនៅក្នុងជុំទី៤លើកទី២នេះ ចាប់អនុវត្តពីថ្ងៃទី២៥ មីនា រហូតដល់ថ្ងៃទី២៤មេសា ឆ្នាំ២០២១។ បើតាមក្រសួងសង្គមកិច្ច ចំពោះគ្រួសារក្រីក្រ១ និងក្រីក្រ២ ដែលរស់នៅទីប្រជុំជនក្នុង-ក្រៅរាជធានី និងជនបទ ដែលត្រូវទទួលបានថវិកាគាំពារពីរដ្ឋាភិបាល មានសរុប៦៩២,០៩២គ្រួសារ ដោយមានសមាជិកជាង២,៧លាននាក់។ ក្នុងនោះ មានកុមារពីអាយុ៥ឆ្នាំចុះជាង១៨,៧ម៉ឺននាក់ មនុស្សចាស់អាយុពី៦០ឆ្នាំឡើងជិត៣៤,២ម៉ឺននាក់ ជនមានពិការភាពជិត៦ម៉ឺននាក់ និងគ្រួសារដែលមានជំងឺអេដស៍ ជិត២ពាន់នាក់៕
Tag:
COVID-19
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
5 ថ្ងៃ
