អាហារនិងភេសជ្ជៈចាំបាច់គួរទទួលទាន

១. ខ្ញី

 

ខ្ញីជាអាហារដ៏ល្អបំផុតមួយសម្រាប់អ្នកជំងឺហឺតដោយវាមានផ្ទុកលក្ខណៈសម្បត្តិប្រឆាំងការរលាកទប់ស្កាត់អាការៈនៃជំងឺ។ អ្នកក៏អាចទទួលទានតែខ្ញីលាយឱ្យបានពី ២ ទៅ ៣ ដងក្នុងមួយថ្ងៃផងដែរដើម្បីធូរស្បើយពីអាការៈនៃជំងឺហឺត។

 

២. កាហ្វេ

 

ជាតិកាហ្វេអ៊ីនក្នុងកាហ្វេក៏អាចជួយទប់ទល់អាកា​រៈនៃជំងឺហឺតបានយ៉ាងប្រសើរផងដែរ។ កាហ្វេខ្មៅក្ដៅៗមួយពែងពិតជាអាចជួយសម្រួលដល់ការដកដង្ហើមរបស់អ្នកជំងឺហឺតគួរឱ្យកត់សម្គាល់។ ទោះជាយ៉ាងណាត្រូវប្រាកដថាអ្នកមិនទទួលទានច្រើនលើសចៀសវាងផលប៉ះពាល់។

 

៣. ទឹកឃ្មុំ

 

អ្វីដែលអ្នកត្រូវធ្វើ គឺគ្រាន់តែលាយទឹកឃ្មុំ ១ ស្លាបព្រាកាហ្វេក្នុងទឹកក្ដៅ ១ កែវ។ កូរឱ្យសព្វ សឹមទទួលទានឱ្យបានពី ២ ទៅ ៣ ដងក្នុងមួយថ្ងៃ។

 

៤. ត្រីសម្បូរខ្លាញ់

 

ជាប្រភពដ៏ប្រសើរនៃអាស៊ីតខ្លាញ់ចាំបាច់ដែលជួយពង្រឹងប្រព័ន្ធភាពស៊ាំ។ នេះមានន័យថាការទទួលទានត្រីសម្បូរខ្លាញ់ជាប្រចាំអាចជួយទប់ស្កាត់ជំងឺហឺតគួរឱ្យកត់សម្គាល់។

 

៥. ទឹក

 

វិធីដ៏ងាយបំផុតដើម្បីទប់ស្កាត់អាការៈនៃជំងឺហឺតមិនឱ្យកើតឡើង គឺការទទួលទានទឹកបានគ្រប់គ្រាន់រាល់ថ្ងៃជាប្រចាំ។នោះក៏ព្រោះតែបញ្ហាខ្សោះជាតិទឹកក្នុងរាងកាយអាចបង្កអោយអាការៈនៃជំងឺហឺតធ្វើទុក្ខ។

 

៦. ក្រូចឆ្មារទឹកឃ្មុំ

 

នោះក៏ព្រោះតែភេសជ្ជៈនេះមានប្រសិទ្ធភាពសម្រួលផ្លូវដង្ហើម។ ភេសជ្ជៈក្រូចឆ្មារទឹកឃ្មុំមានលក្ខណៈសម្បត្តិប្រឆាំងបាក់តេរីនិងការរលាកដែលជួយក្នុងការព្យាបាលបញ្ហាផ្លូវដង្ហើមបានយ៉ាងប្រសើរ។ ភេសជ្ជៈនេះក៏ល្អសម្រាប់អ្នកជំងឺហឺត ដោយវីតាមីន C នៃក្រូចឆ្មារជួយពង្រឹងប្រព័ន្ធផ្លូវដង្ហើមដែលសម្រួលដល់ការដកដង្ហើម។ គ្រាន់តែលាយទឹកក្រូចឆ្មារស្រស់ ២ ស្លាបព្រាកាហ្វេនិងទឹកឃ្មុំ ១ ស្លាបព្រាបាយក្នុងទឹកក្ដៅឧណ្ហៗ ១ កែវ រួចកូរអោយសព្វ។ កុំភ្លេចទទួលទានភេសជ្ជៈនេះអោយបានពី ៣ ទៅ ៤ ដងក្នុងមួយថ្ងៃ។

 

៧. ទឹកផ្លែប៉ោមស្រស់

 

ផ្លែប៉ោមជាប្រភពដ៏ប្រសើរបំផុតមួយនៃអាស៊ីត phenolic និងសារធាតុ flavonoids ដែលមានប្រយោជន៍ណាស់សម្រាប់អ្នកជំងឺហឺតដោយវាជួយបន្ធូរសាច់ដុំផ្លូវដង្ហើមសម្រួលដល់ការដកដង្ហើម។ដូច្នេះកុំភ្លេចទទួលទានទឹកផ្លែប៉ោមស្រស់ជាប្រចាំ។

 

៨. ទឹកចេកក្រឡុក

 

នោះក៏ព្រោះតែចេក គឺមានផ្ទុកសម្បូរទៅដោយជាតិប៉ូតាស្យូមដែលនឹងជួយកាត់បន្ថយអាការៈនៃជំងឺហឺតបានយ៉ាងប្រសើរសម្រួលដល់ការដកដង្ហើម។

 

៩. ទឹកការ៉ុតស្រស់

 

ក្រៅពីល្អសម្រាប់សុខភាពភ្នែកនិងប្រព័ន្ធភាពស៊ាំរាងកាយហើយនោះ ការទទួលទានទឹកការ៉ុតស្រស់ជាប្រចាំក៏ជួយទប់ទល់អាការៈនៃជំងឺហឺតគួរអោយកត់សម្គាល់ផងដែរតាមរយៈបរិមាណនៃវីតាមីន A ដែលវាមានផ្ទុក។

 

អាហារគួរប្រយ័ត្នក្នុងការទទួលទាន

១. ផលិតផលអាហារផ្សំឡើងពីទឹកដោះគោ

 

ឈីស ទឹកដោះគៅ បឺរ ការ៉េម យ៉ាអួរ និងផលិតផលអាហារផ្សំឡើងពីទឹកដោះគោផ្សេងទៀតសុទ្ធតែជាអាហារដែលអាចបណ្ដាលឱ្យអាការៈនៃជំងឺហឺតធ្វើទុក្ខឡើង។

 

២. សណ្ដែកសៀង

 

ចំពោះអ្នកជំងឺហឺតមួយចំនួនមិនអាចទទួលទានសណ្ដែកសៀងនិងផលិតអាហារផ្សេងទៀតដែលផ្សំឡើងពីសណ្ដែកសៀងបានឡើយដោយវាបង្កឱ្យអាការៈនៃជំងឺនេះរើឡើង។ ដូច្នេះចូរសម្គាល់មើលពីអាការៈនៃជំងឺហឺតរបស់អ្នកក្រោយពេលទទួលទានអាហារនេះ។

 

៣. ស៊ុត

 

ត្រឹមតែក្លិននៃស៊ុតដែលកំពុងចម្អិនក៏គ្រប់គ្រាន់នឹងបណ្ដាលឱ្យអាការៈនៃជំងឺហឺតធ្វើទុក្ខបាត់ទៅហើយ! ដូច្នេះគួរប្រយ័ត្ននៅពេលទទួលទានអាហារផ្សេងទៀត ក៏ព្រោះវាអាចមានផ្ទុកស៊ុតដែរ។

 

៤. អាហារមានផ្ទុកសារធាតុ Gluten

 

Gluten ជាប្រូតេអ៊ីនមួយប្រភេទដែលមានផ្ទុកក្នុងស្រូវសាលី ហើយមានឥទ្ធិពលធ្វើឱ្យអាការៈនៃជំងឺហឺតធ្វើទុក្ខឡើង។

 

៥. ត្រីសាលម៉ុន

 

ល្អចំពោះសុខភាព ប៉ុន្តែមិនសាកសមសម្រាប់អ្នកជំងឺហឺតឡើយ ក៏ព្រោះវាអាចបណ្ដាលឱ្យអាការៈនៃជំងឺហឺតរើឡើង។

 

៦. សណ្ដែកដី

 

មិនត្រឹមតែសណ្ដែកដីឡើយដែលអ្នកមិនគួរទទួលទាន គឺរួមបញ្ចូលទាំងអាហារផ្សេងទៀតដែលមានផ្ទុកវាតែម្ដង៕

 

ត្រួតពិនិត្យ​ដោយ www.health.com.kh