«ហ្គេម Monster Hunter Rise ត្រូវចេញផ្សាយនៅថ្ងៃទី២៦ ខែមីនា ដូច្នេះយើងសម្រេចកំណត់ថាជាថ្ងៃ MonHun ដោយសារយើងរំពឹងថា បុគ្គលិកយើងជាច្រើនមិនអាចផ្តោតអារម្មណ៍ធ្វើការងារបាននោះឡើយ»។ លោកអគ្គនាយក Jack Masaki បានលើកឡើងយ៉ាងដូច្នេះក្នុងអ៊ីម៉ែលទៅកាន់បុគ្គលិកខ្លួនលើការសម្រេចឲ្យឈប់សម្រាកនៅថ្ងៃទី២៦ ខែមីនា។

 

តាមការផ្សាយរបស់ Huffington Post Japan លោក Masaki ដឹងមុនរួចហើយថា បុគ្គលិកមួយចំនួនច្បាស់ជាសុំច្បាប់ ដូច្នេះលោកក៏សម្រេចឲ្យឈប់ទាំងអស់គ្នាតែម្តង។ បុគ្គលិកទាំងអស់សុទ្ធតែរីករាយសប្បាយចិត្តចំពោះការសម្រេចរបស់អគ្គនាយកខ្លួន។

 

ហ្គេម Monster Hunter Rise ជាហ្គេមទី៦នៃស៊េរី Monster Hunter ដែលបានចាប់ផ្តើមតាំងពីឆ្នាំ២០០៤។ វាជាប្រភេទហ្គេមដ៏ល្បីល្បាញ និងពេញនិយមបំផុតមួយនៅជប៉ុន ជាពិសេសការលេងតាមដៃហ្គេម Nintendo Switch៕