គម្រោងរោងចក្រផលិតថាមពលអគ្គិសនីដោយធ្យូងថ្មរបស់ខាងលើនេះ គឺជាការវិនិយោគរួមជាមួយក្រុមហ៊ុន Cambodia International Investment Development Group (CIIDG)  ដោយសាងសង់លើផ្ទៃដីជិត៥៥ហិកតា នៅក្នុងតំបន់សេដ្ឋកិច្ចពិសេសក្រុងព្រះសីហនុទី១ នៃស្រុកស្ទឹងហាវ ខេត្តព្រះសីហនុ។   CDC បានឲ្យដឹងថា គម្រោងរោងចក្រនេះ នឹងបង្កើតការងារជូនពលរដ្ឋបានជាង៥០០កន្លែង។
 

ផែនការគម្រោងនេះ នឹងធ្វើឡើងជា២ដំណាក់កាល ដោយដំណាក់កាលនីមួយៗមានកម្លាំង ៣៥០ មេហ្គាវ៉ាត់។ ដំណាក់កាលទី ១ រំពឹងថាអាចដាក់បញ្ចូលក្នុងបណ្តាញជាតិ នាឆ្នាំ២០២៣៕