ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
សង្គមជាតិ
សេដ្ឋកិច្ច
លោក សុខ វិជ្ចា ដាំវ៉ាន់នីឡាបានជោគជ័យ និងមានក្រុមហ៊ុនបារាំងចាំប្រមូលទិញ
03, Apr 2021 ,
10:30 pm
រូបភាព
×
ដោយ:
ភ្នំពេញ៖ លោក សុខ វិជ្ចា កំពុងជោគជ័យលើការ ដាំដំណាំវ៉ាន់នីឡា នៅទឹកដីស្រុកបន្ទាយស្រី ខេត្តសៀមរាប។ កសិករវ័យ ៣១ឆ្នាំរូបនេះ ក៏បានពង្រីការដាំដុះទៅដល់ខេត្តមណ្ឌលគិរី និងកំពង់ស្ពឺផងដែរ។ សម្រាប់លោក សុខ វិជ្ចា វ៉ាន់នីឡា មិនពិបាកដាំនោះទេ ហើយក៏សម្បូរទីផ្សារ និងលក់បានតម្លៃថ្លៃផងដែរ។ ផ្លែវ៉ាន់នីឡា ស្ងួតមួយគីឡូក្រាម មានតម្លៃពី ៤០០ដុល្លារ ទៅ៥០០ដុល្លារ ហើយលោកតែងលក់ឲ្យក្រុមហ៊ុនបារាំងមួយ ដែលប្រមូលទិញដើម្បីនាំចេញបន្ត។
លោក សុខ វិជ្ចា កំពុងជោគជ័យលើការ ដាំដំណាំវ៉ាន់នីឡា ដែលជាវត្ថុធាតុដើម ដែលគេយកទៅធ្វើជាគ្រឿងសម្អាង ការ៉េម និងភេសជ្ជៈផ្សេងៗជាដើម។ លោក សុខ វិជ្ចា បានដាំដំណាំនេះលើនៅក្នុងរោងសំណាញ់ លើផ្ទៃដី ៤ពាន់ម៉ែត្រការ៉េ នៅស្រុកកំណើតរបស់ខ្លួន គឺស្រុកបន្ទាយស្រី ខេត្តសៀមរាប តាំងពីឆ្នាំ២០១៦មកម្ល៉េះ។ បច្ចុប្បន្ន លោក វិជ្ចា ផ្គត់ផ្គង់ វ៉ាន់នីឡា ទៅឱ្យក្រុមហ៊ុនបារាំងមួយ ដែលប្រមូលទិញដើម្បីនាំចេញបន្តទៅក្រៅប្រទេស។
លោក សុខ វិជ្ចា បានបញ្ជាក់ប្រាប់សារព័ត៌មាន Thmeythmey25 ថា ក្រោយបញ្ចប់ការសិក្សា ជំនាញវិទ្យាសាស្រ្តព្រៃឈើ នៅក្នុងឆ្នាំ២០១៣ លោកក៏បានធ្វើការងារស្រាវជ្រាវ ទាក់ទងនឹងដំណាំ និងរុក្ខជាតិ។ បន្ទាប់មក លោកបានចាប់ផ្ដើមសិក្សា ពិសោធន៍ពីដំណាំវ៉ាន់នីឡា ដោយបានចំណាយពេល ២ឆ្នាំ លើការងារនេះ។ «មុនសម្រេចចិត្តដាំខ្ញុំប្រើពេល ២ឆ្នាំ ដើម្បីសិក្សា និងពិសោធន៍ ពីលក្ខណ្ឌនៃការរស់នៅរបស់វ៉ាន់នីឡា។ ក្រោយការសាកល្បងទទួលជោគជ័យ ទើបខ្ញុំក៏សម្រេចចិត្តដាំវា»។ នេះជាការលើកឡើងរបស់ លោក សុខ វិជ្ចា។
កសិករវ័យ ៣១ឆ្នាំ រូបនេះ បានប្រាប់សារព័ត៌មាន ThmeyThmey25 ទៀតថា វ៉ាន់នីឡាដែលខ្លួនកំពុងដាំដុះ គឺនាំចូលពូជពី ហៃទី ហើយដំណាំនេះ មិនពិបាកដាំនោះទេ ពោលគឺវាត្រូវការទីតាំង ដែលមានអាកាសធាតុត្រជាក់។ តាមលោក វិជ្ចា នៅកម្ពុជា ខេត្តមណ្ឌលគិរី និងរតនគិរី ជាតំបន់អំណោយផលក្នុងការដាំដំណាំនេះ។ ចំណែកនៅបណ្តាខេត្តផ្សេងៗ ក៏អាចដាំវ៉ាន់នីឡាបានដែរ ដោយច្នៃជាផ្ទះសំណាញ់ ដើម្បីកាត់កន្ថយកម្ដៅ ឬដាំដើមឈើធំៗ ដើម្បីបង្កើនម្លប់។ លោក សុខ វិជ្ចា បន្ថែម៖ «ដំណាំវ៉ាន់នីឡា ត្រូវការសីតុណ្ហភាព ៣៣ អង្សាចុះ ត្រូវការទីតាំងជិតភ្នំ ព្រៃ និងសំណើម។ ហើយសំខាន់ត្រូវការ ការមើលថែឲ្យបានដិតដល់ និងរៀបចំប្រព័ន្ធស្រោចស្រពឲ្យបានល្អ»។
ក្រោយដាំវ៉ាន់នីឡា នៅសៀមរាប ជោគជ័យ លោក សុខ វិជ្ចា បានពង្រីកការដាំដុះដំណាំវ៉ាន់នីឡា ដោយមានដៃគូ ដាំដំណាំវ៉ាន់នីឡា នៅខេត្តមណ្ឌលគិរី លើផ្ទៃដីកន្លះហិកតា និងខេត្តកំពង់ស្ពឺ ចំនួនកន្លះហិកតាផងដែរ។
កសិកររូបនេះ មិនបារម្ភពីបញ្ហាទីផ្សារនោះ ព្រោះសព្វថ្ងៃមានតម្រូវការខ្ពស់ ខណៈដែលអ្នកដាំវិញ មិនទាន់មានច្រើននោះ។ មិនទាន់មានអ្នកដាំដុះច្រើន ដោយសារតែគេមិនទាន់ដឹងពីអត្ថប្រយោជន៍ និងបច្ចេកទេសដាំដុះ ហើយការដាំ ក៏ត្រូវចំណាយដើមទុនច្រើនដែរ។ នេះជាការសន្និដ្ឋានរបស់កសិករ សុខ វិជ្ចា។
ដំណាំវ៉ាន់នីឡា មានរយៈពេល ១ឆ្នាំទៅ ២ឆ្នាំ អាចប្រមូលផលបាន អាស្រ័យទៅតាមប្រភេទដី។ ជាទូទៅវ៉ាន់នីឡា មួយគីឡូក្រាម តម្លៃ ៤០០ដុល្លារ ទៅ ៥០០ដុល្លារ។ ប៉ុន្តែជាទូទៅ ក្រោយប្រមូលផល គេមិនលក់ភ្លាមៗនោះទេ គឺត្រូវសម្ងួតឲ្យបានស្ងួតល្អ ជាមុនសិន។ ប្រសិនអ្នកមានដី កន្លះហិកតា សម្រាប់ដាំវ៉ាន់នីឡា នឹងអាចទទួលចំណូល ២ម៉ឺនដុល្លារ ក្នុងមួយឆ្នាំ។ នេះបើតាមលោក សុខ វិជ្ចា ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
2 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
3 ថ្ងៃ
សមត្ថកិច្ចខេត្តកែប ធ្វើកិច្ចសន្យាអាជីវករ២រូប ឱ្យឈប់ទារលុយពីភ្ញៀវទេសចរដែលអង្គុយតាមឆ្នេរ
6 ថ្ងៃ
«បុរាណ»និង«បូរាណ» មានអត្ថន័យដូចគ្នា
7 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
5 ថ្ងៃ
អត្ថបទពេញនិយមបន្ថែម