COVID-19
ជាតិ
កូវីដ-១៩៖ វិជ្ជមាន៧២នាក់ ភ្នំពេញ និងព្រះសីហនុច្រើនជាងគេ ខណៈអ្នកស្លាប់ឡើង២២នាក់
រូបពីរដ្ឋបាលខណ្ឌទួលគោក
×![]()
ដោយ: ធឿន បញ្ញាឬទិ្ធ
ភ្នំពេញ៖ អ្នកជំងឺកូវីដ-១៩ ចំនួន៧២នាក់បន្ថែមទៀត ត្រូវបានរកឃើញនៅថ្ងៃទី៦ មេសានេះ ខណៈមានអ្នកជាសះស្បើយ ៤៧នាក់។ ចំណែកអ្នកស្លាប់ឡើង២២នាក់។ នេះបើតាមរបាយការណ៍របស់ក្រសួងសុខាភិបាល។
ករណីវិជ្ជមាននេះ មាននៅភ្នំពេញ ៣២នាក់, ព្រះសីហនុ២២នាក់ , ស្វាយរៀង ៣នាក់, ពោធិ៍សាត់៣នាក់, កណ្ដាល៨នាក់, កំពត១នាក់។ អ្នកជំងឺ៧១នាក់ ជាករណីព្រឹត្តិការណ៍សហគមន៍២០កុម្ភៈ ខណៈករណីនាំចូល១នាក់ ដែលជាបុរសជនជាតិឥណ្ឌា មកកម្ពុជា កាលពីថ្ងៃទី៤នាក់។
ដោយឡែកអ្នកជំងឺវ័យ៣៥ឆ្នាំ មកខេត្តព្រៃវែង បានចូលសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត កាលពីថ្ងៃទី៥ មេសា ហើយបានស្លាប់នៅថ្ងៃដដែល មុនទទួលបានលទ្ធផលវិជ្ជមាន។ នេះបើតាមក្រសួងសុខាភិបាល។
ជាមួយគ្នានេះ ក៏មានអ្នកជាសះស្បើយ៤៧នាក់ដែរ។ ក្នុងនោះអ្នកពាក់ព័ន្ធព្រឹត្តិការណ៍សហគមន៍ ២០ កុម្ភៈ ៤៦នាក់ និងពលករមកពីថៃ១នាក់។ អ្នកជាសះស្បើយពីជំងឺកូវីដ-១៩នៃព្រឹត្តិការសហគមន៍នោះ ត្រូវបានអនុញ្ញាតឱ្យចេញពីសណ្ឌាគារ Great Duke ៤០នាក់, អ្នកជំងឺ២នាក់ចេញពីមន្ទីរពេទ្យបង្អែកបារាយណ៍-ស្រុកសន្ទុក ខេត្តកំពង់ធំ, អ្នកជំងឺ២នាក់ទៀត ចេញពីមជ្ឈមណ្ឌលជាតិកំចាត់រោគរបេង និងហង់សិន, អ្នកជំងឺ១នាក់ចេញពីមន្ទីរពេទ្យតាកែវ និង១នាក់ទៀតចេញពីមន្ទីរពេទ្យខេត្តត្បូងឃ្មុំ។ ក្រសួងសុខាភិបាល បានបញ្ជាក់បែបនេះ។
កម្ពុជា មានអ្នកជំងឺកូវីដ-១៩ សរុប២៨២៤នាក់ ក្នុងនោះ២,២៩៣នាក់ ស្ថិតក្នុងព្រឹត្តិការណ៍សហគមន៍២០កុម្ភៈ។ អ្នកជំងឺសរុប១,៧៩៤បានជាសះស្បើយ ខណៈចំនួនអ្នកស្លាប់ឡើងដល់២២នាក់ រីឯ៤នាក់ផ្សេងទៀតស្លាប់ដោយសារជំងឺផ្សេងនាអំឡុងព្យាបាលកូវីដ-១៩៕
Tag:
COVID-19
© រក្សាសិទ្ធិដោយ thmeythmey.com
