ពីនេះ ពីនោះ
កុំសរសេរ«គេចវេស»សរសេរជា«គេចវេះ»ទើបត្រូវ
× ពលរដ្ឋខ្លះនៅតែស្រពេចស្រពិលថាគួរតែសរសេរជា«គេសវេស»ទើបត្រូវ ឬសរសេរជា«គេចវេះ»ទើបត្រូវ។ ការពិតពលរដ្ឋគួរតែសរសេរ«គេចវេះ»ទើបត្រឹមត្រូវតាមវចនានុក្រមខ្មែរសម្តេចព្រះសង្ឃរាជ ជួន ណាត។ ពាក្យនេះកើតចេញពីការផ្សំគ្នារវាងពាក្យ«គេច»និង«វេះ»។
ពាក្យ«គេច» ជាកិរិយាស័ព្ទ មានន័យថា ចៀសវាង៖ គេចចុះគេចឡើង, ទាហានទៅខាងឆ្វេង ចោរទៅខាងស្ដាំ។ ពាក្យ«វេះ» ជាកិរិយាសព្ទ មានន័យថា គេចមិនឲ្យជួប, ដោះខ្លួនចេញមិនឲ្យឃើញ៖ វេះមិនមកផ្ទះ វេះមិនចូលសាលារៀន៕
© រក្សាសិទ្ធិដោយ thmeythmey.com